Өзін-өзі бақылау және зертханалық жұмысты қорғау сұрақтары:
Сүтқоректілердің түк жабындысын сипаттаңыз.
Сүтқоректілерде қандай тіс категориялары кездеседі? Басқа отрядтар өкілдерінде тіс жүйесі қалай дамыған?
Сүтқоректілердің көбею, төлдерін сүтпен қоректендіру ерекшеліктері неде?
Жұмыртқасалатын, қалталы, қағанақты сүтқоректілердің құрылысын, көбею ерекшеліктерін салыстырыңыз.
Қағанақты сүтқоректілер негізгі отрядтарының құрылысын, тіршілік ету ерекшеліктерін сипаттап, оларға мысал келтіріңіз.
7 тақырып: Сүтқоректілерді отрядтарының жүйелеу белгілері бойынша анықтау.
Мақсаты: Сүтқоректілер класының жалпы сипаттамасын, аңдардың ұқсастық, ерекшелік белгілерін, мекендеу ортасына бейімделуіне орай негізгі экологиялық топтарға бөлінуін, қоректенуін, жылдық тіршілік циклдерінің кезеңдік құбылыстарын, экологиясын және мінез-құлқын білу.
1 тапсырма. 3-4 мың түрі бар сүтқоректілер класын зерделеу. Олардың ішіндегі қандай отрядтары Қазақстанның мақұлықатында барын анықтаңыз. Отырғызылған орманды, сүрек-бұталарды мекендейтін сүтқоректілер отрядтарының қайсысы жататынын анықтап, сипаттаңыз.
2 тапсырма. Жер шарын мекендейтін қағанақты сүтқоректілер отрядтарын атап, қалталылардың қағанақты жануарлардан ерекшеліктерін баяндаңыз.
3 тапсырма. Дәптерге мына кестені салып алып, ШҚО жабайы аңдардың сан динамикасын толтыру керек.
