Өрт қауіпсіздігі және азаматтық қорғаныс саласындағы тәуекел дәрежесін бағалау өлшемшарттары мен тексеру парақтарын бекіту туралы

      3. Тексерілетін субъектілерді (объектілерді) бастапқы тәуекел дәрежесіне жатқызу объективті критерийлері арқылы жүзеге асырылады.

      4. Жоғары тәуекел дәрежесіне мыналар жатады:

      орталық атқарушы органдары мен олардың аумақтық бөлімшелері;

      облыстардың, Астана, Алматы және Шымкент қалаларының, қалалардың және облыс аудандарының жергілікті атқарушы органдары;

      облыстардың, республикалық маңызы бар қалалардың, астананың жергілікті атқарушы органдарында азаматтық қорғанысты ұйымдастыру және жүргізу жөніндегі құрылымдық бөлімшелері (мекемелері, ұйымдары);

      азаматтық қорғаныс бойынша санаттарға жатқызылған ұйымдар;

      базасында Азаматтық қорғау қызметтері құрылған ұйымдар;

      табиғи және жасанды су айдындарында жаппай демалыс орындары бекітілген ұйымдар.

      Жоғары тәуекел дәрежесіне жатпайтындар (болмашы):

      орталық атқарушы органдардың ведомстволық бағынысты ұйымдары;

      ауылдық аудандардың жергілікті атқарушы органдары;

      қорғаныш құрылыстары және басқа да азаматтық қорғаныс мүлкі бар азаматтық қорғаныс бойынша санаттарға жатқызылмаған ұйымдар;

      базасында эвакуациялық пункттері құрылған азаматтық қорғаныс бойынша санаттарға жатқызылмаған ұйымдар.

      5. Жоғары тәуекелдер дәрежесіне жатқызылған субъектілерге (объектілерге) қатысты бақылау субъектісіне (объектісіне) бару арқылы профилактикалық бақылау іс-қимылын жүргізу мақсатында субъективті критерийлер қолданылады.

      6. Жоғары тәуекелдер дәрежесіне жатқызылған және жоғары тәуекелдер дәрежесіне жатқызылмаған субъектілерге (объектілерге) қатысты жоспардан тыс тексерулер және профилактикалық бақылау бармай қолданылады.