Почта хатындағы тапсырмалар /Сөз құрау/ Мұғалім: - Балалар, біздің әліппеге арнап жаттаған тағы кімнің тақпағы , биі бар, кәне ортаға салайық.
Мөлдір: Қош бол, құтты Әліппем,
Көп нәрсені үйреттің.
Таныстырып әріппен,
Тақылдатып сөйлеттің.
Дінасыл: Жаттап алсаң әріпті,
Саналы өмір сүресің.
Бұрынғы өткен тарихты,
Әріппен оқып білесің.
Әліппе:
Би: «Балапан» Сурет құрастыру Мұғалім: -Балалар, әліппемен қош айтыстық ,ендігі сендердің әрі қарай жалғастырып, оқитын оқулықтарың ана тілі /Ана тілін, сыйлықтарын табыс ету/.
Мұғалім: Тек жүректен арналған сөзіміз де,
Жақсылықтан жаралған жүрегіміз.
Сөз берейік құрметпен өзіңізге
Шәкірттерге арналсын тілегіңіз
Құттықтау сөзді Қайнарлы негізгі орта мектебінің директоры Алинова Қарлығаш Бахтиярқызына береміз.
Қорытынды: Қымбатты балалар! Сендердің зейін қойғыштықтарың, еңбексүйгіштіктерің және білімге құштарлықтарың арқасында жеткен алғашқы жеңістеріңмен құттықтаймын. Сендер алфавиттің бүкіл әріптерін жаттап алдыңдар, әрі өздеріңнің тұңғыш оқулықтарың -«Әліппе» бойынша оқуды үйрендіңдер. «Әліппе» сендерді тек әріптермен таныстырып қана қойған жоқ, оның беттері сендерді бір-бірлеріңмен тату, дос болуға, адамгершілікке үйретті, мектеп ережелерімен таныстырды. Білім баспалдағына өрлеген сапарларыңыз сәтті болсын!
Құрметті қонақтар, ата-аналар, ұстаздар бүгінгі салтанатты кешімізгі қатысқандарыңызға үлкен рахметімізді айтамыз, келесі кездескенше аман сау болыңыздар!
