Оңтүстік Қазақстан Медицина Академиясы

Гипертониянын шығуында тұқым қуалаушылықтың үлкен манызы бар. Оған қоса, мінездің ерекшеліктері, эмоциялық стресстер, экстремальдық жағдайлар, сыртқы ортаның әсерлері, отбасындағы қолайсыздықтар, зиянды әдеттер (темекі, үнемі режим бұзу т.б.) гипертонияның алғаш шығуына да, кейін қалыптасуына да әсер етеді. Адренорецепторлар сезімталдығының артуы, прессорлық-депрессорлық жүйелердің тепе-теңдігі бұзылуының АГ дамуында өзінше орны бар.

Жіктелуі. Гипертония ауруын 3 сатыға бөледі. I сатысы – таза функциялық. Оны ІА тек систолалық АҚҚ жоғарылауы және ІБ АҚҚ едәуір жоғарылауымен қатар, диастолалық АҚҚ жоғарылауы деп екіге бөледі. II сатысын лабильдік және стабильдік деп екіге бөледі. III сатысында (АҚҚ, ДАКК бірдей ұнемі жоғары және өте жоғары), ағзалар бұзылысы (жүрек, бүйрек, ОНЖ) мен асқынулар (инсульт, тромбоэмболия т.б.) жиі байқалады. Баладағы АГ диагнозын көбінесе «вегето-қантамырлық түрі» деп қояды.