Оқу жылының I жартыжылдығындағы Дөңгілағаш негізгі мектебінде өткізілген тәрбие жұмысының есебі

Қараша айының 1-нен, 19-на дейінгі аралықта «Зорлықсыз балалық шақ»атты айлық жоспарланып,өткізілді.Оқушыларға зорлықсыз өмір сүру үшін нені білу керек деген сұраққа жауаптар алынды.Балалардың құқықтарымен таныстырылып,заңнан түсініктер берілді.Барлық сыныптар үшін сынып сағаттары өткізілд. Осы тақырыпқа байланысты көптеген іс-шаралар болып өтті. Соның ішінде өткен іс-шараның бірі «Қатыгездік пен зорлықсыз әлем құру» тақырыбында шығарма жазу жұмысын жүргіздім.

Шығарма жазу негізінен 5-9 сынып арасында өтті. Сынып оқушылары түгелімен қатынасты. Сол жазған шығармалары тақырыпқа сай жазылып әр оқушы өздерінің пікірлерін толығымен жүйелі және сауатты жазып берді.

Көптеген оқушылар негізінен қатыгездік дегеніміз не? Қатыгездік іс-әрекетіне нелер жатады? деген сұрақтар төңірегінде жазды. Қатыгездікті болдырмау үшін не істеу керек деген сұраққа да өз пікірлерін толығымен жазып берді.

Жалпы шығарманы тексере отырып ең жақсы ең үздік жазылған шығарманы атап өтсем ол.8-сынып оқушысы Жолдаңғар Алтынай деген оқушының шығармасы өте жақсы жазылған. Негізінен шығарма жазу оқушылар үшін өте қажет деп ойлаймын. Өздерінің ойларын қағаз беттеріне түсіре отырып шығармаларын жазып жақсы деген нәтижеге ие болды. Жалпы шығарма жазу оқушылар арасында жоғары деңгейде болып өтті.

Мектебімізде тәртіп-бұзушылықтың алдын алу шараларына арнап жоспар құрылып, сынып жетекшілері таныстырылды.Әр сынып бойынша тәрбие жұмысы жоспарының салауатты өмір салтын насихаттау бағытына енгізілді. Сынып жетекшілерінің әдіс бірлестігінде сынып бойынша тәрбие жұмысының жоспары бекітілді.Мектеп бойынша 29 оқушының барлығы дерлік осы іс- шараларға қатысады.Мектепте өрескел мінез көрсетіп, жаман қылық жасаған оқушы жоқ. Мектепішілік бақылауда тізімде тұрған оқушы жоқ. Түнгі тексерістердің кезекшілік графигі құрылып, жауапты сынып жетекшілеріне таныстырылды.

Діни сауаттылықтарын дамыту үшін оқушыларға арнап лекциялар мен дөңгелек үстелдер ұйымдастырылып тұрды.9-сыныптар үшін дінтану сабағы сабақ кестесі бойынша өткізіліп тұрды. Мектептің аға тәлімгерінің жауапкершілігімен "Дін сауаттылығы" тақырыбына кеңестер өткізілді. 5,9-сыныптар үшін "діннің тарихын білу керек пе?"атты пікірталас өткізілді. Оқу жылының аяғында ауыл имамымен кездесу ұйымдастырылды.Кездесу барысында балалар өздерін қызықтырған сұрақтарына жауаптар ала алды.

Дөңгілағаш негізгі мектебінде бірнеше жылдан бері ата-аналар комитетімен тығыз байланысып, жұмыс істеуде.

Ата-аналар комитетінің міндеті мектеп мұғалімдермен, сынып жетекшілерімен бірлесе отырып әртүрлі жұмыстар жүргізу арқылы бала тәрбиесіне ат салысу.

Мектептегі өтілетін жалпымектептік мерекелерге барлық ата-аналар жақсы қатысады.

Тоқсан сайын,яғни осы уақытқа дейінгі аралықта жоспарланған жалпымектептік ата-аналар жиналыстары өткізілді және жаңа технологияларды пайдалана отырып,жиналысты түрлендіріп өткізуді негізгі мақсат ретінде қойып,өткіздім және жиналыс барысында оқушылардың оқу көрсеткіші, тәртіптері, сабаққа қатысуы жайлы ата-аналар жиналысы өтіледі.Ауданнан келген нұсқаулықтармен және білім заңындағы өзгерістермен ата-аналарды жиналыс барысында таныстырып,құлақдар еттік. Мектептегі өтетін Қарттар күні, Алтын күз, Жаңа жыл мерекелері ата-аналардың қатысуымен жақсы нәтижелер көрсетуде.

Ата-аналармен қарым-қатынасты нығайту мақсатымен ашық есік күндеріде жоспарланып,ата-аналарға таныстырылып,кездесулер өткізіліп тұруда.

Желтоқсан айында өткізілген іс-шаралардың бірі Президент күніне арналған шаралар болды.

Іс-шаралардың мақсаты: Балаларға қазақтың тұңғыш президенті туралы мәліметтер бере отырып,елін,жерін және тарихын жақсы білетін ұлтжанды тұлғаны тәрбиелеу.

Аудандық білім бөлімінен келген аудандық жоспарға сүйене отырып,мектепішілік жоспар құрылып,жауапты мұғалімдер бекітілді.

Қарашаның 19-ы күні 5-9 сынып оқушыларының қатысуымен «Қазағымның мақтанышы» атты суреттер байқауы ұйымдастырылды.Сурет пәнінің мұғалімі Арыков Н.Т. жауапкершілігімен өткен байқаудың қорытындысы бойынша жақсы салынған суреттер таңдап алынып,мақтау қағазымен марапатталды.Жеңіп шыққан суреттер мектеп ішінде ілінді.

Қарашаның 21-і күні «Біздің Елбасы» тақырыбында мектебімізде мәнерлеп оқу байқауы өтті,жауапты мұғалім бастауыш сынып жетекшісі Жакупова Сәуле Тоқпайқызы болды. Байқауды мұғалім өз кіріспе сөзімен бастады. Келесі кезек оқушылардың жаттап келген өлеңдерін оқуға берілді. 9-сынып оқушысы Досаева Орынжанның оқыған өлеңі ауқымды болды. Ал өлеңді оқу нақышы басқа оқушылардан жақсы, бірақ әлі де болса артистік, дауыс ырғағын келтіруді жетілдіру керек екені байқалады. Сонымен қатар өз өлеңдерін бастауыш сынып оқушылары Турлыбеков Айдын 3-сынып, Мырзағали Мейірлан 1-сынып оқып берді. Мырзағали Мейірлан 1-сынып оқушысы болса да жоғары сынып оқушыларымен салыстырғанда көлемді өлең жаттап келгені үшін мақталды.

Қарашаның 22-і күні 7-9 сынып оқушыларының қатысуымен «Елбасы және тәселсіз Қазақстан»атты шығармалардың қорытындысы шығарылып,үздік жазылған шығармалар таңдалып,марапатталды.