Пероноспороз. Ауру қоздырғышы – Peronospora aestivalis Syd. саңырауқұлағы (90-сурет). Қоздырғыш эндофитті дамиды. Ко- нидия тасушылары мен конидиялары леп саңлауы арқылы сыртқа шығып өңез түзеді. Конидия тасушылар дихотомиялы бұтақталып, соңғы бұтақтары бұрышталып тік немесе сəл иіліп орналасады. Конидиялары қоңыр түсті, эллипс тəрізді, көлемі 16-37 х 9-27 мкм.
Аурудың алғашқы белгілері ерте көктемде білінеді. Залалдану екі түрлі – диффузды жəне жергілікті болады. Диффузды залалдануда өсімдіктердің өсуі саябырлап, жапырақтары хлорозданып, төмен қарай ширатылады да, астыңғы бетінде қалың қоңыр-күлгін өңез пайда болады. Ауырған өсімдіктер көбінесе ергежейленіп, гүлде- мей біртіндеп қурайды.
