Асбұршақтың деформациялаушы мозаикасы. Ауру қоздыр- ғышы – Pea enation mosaic virus вирусы (87-сурет). Қоздырғыш бітелермен таралады. Біте денесінде вирустың инкубациялық кезеңі 9-48 сағатқа созылады. Тасымалдаушы бітелерде вирус 29 тəулік сақталады. Қоздырғыш тұқым арқылы таралмайды.
87-сурет. Деформациялаушы мозаика
Кесел белгісі жапырақ пен жапырақ серіктерінің қыртыстанып, бұйраланып немесе секпілді мозаикалануымен білінеді. Аурудың даму барысында жапырақтағы хлорозды дақтар ағарып, селдірейді. Кесел бірден өрбігенде өсімдік мүшелері деформацияланып, дəні майдаланып, сау тұқымға қарағанда оның түсі сарғыш тартады. Ер- те егілген асбұршақ ауруға сирек шалдығады.
Инфекция қоры – көпжылдық бұршақ тұқымдас шөптер. Бұл ауруға асбұршақтан басқа майбұршақ, атбасбұршақ, бөрібұршақ, жоңышқа, беде жəне т.б. шалдығады.
Достарыңызбен бөлісу: |
