Botrytis туысының конидия тасушылары ағаш тəрізді бұта- ланған, конидияларының пішіні сопақша. Көбінесе шірік ауруын қоздырады. B. cinerea жеміс-жидектердің, көкөністің сұр шірігін қоздырады.
Oidium туысының конидия тасушылары нашар дамыған, кониди- ялар тізбектеліп түзіледі. Бұл туыстың түрлерінде қалталы кезеңі де болады. Мысалы, O.tuckeri Berk. жүзімнің ақ ұнтақ (оидиум) ауруын қоздыратын саңырауқұлақ. Қалталы кезеңінде ол Uncinula necator Burr. деп аталады.
Verticillium туысының конидия тасушылары шоқтанып тарам- далған, бір клеткалы майда конидиялары бар. Бұл саңырауқұлақтар көптеген өсімдіктердің солу ауруын қоздырады.
Ramularia туысының конидия тасушылары леп саңлауынан шоқтанып шығады, конидиялары сопақша пішінді немесе циллиндр тəрізді 1-3 пердесі бар. R. tulasnei Sacc. бүлдірген жапырағының ақ дағын қоздырады.
Penicillium, Aspergillus, Trichoderma туыстарына жататын саңы- рауқұлақтар зең мен шірік ауруларын қоздырады. Бұл саңырау- құлақтардың кейбір түрлерінен антибиотиктер алуға болады. Мы- салы, Trichoderma lignorum түрі фитопатогенді саңырауқұлақтарға қарсы биологиялық күресуде қолданылады.
Демаций тұқымдасы – Dematiaceae. Жіпшумағы, конидия тасу- шылары, конидиялары қоңыр түсті, кейбір түрлерінің конидиялары түссіз (40-сурет). Cladosporium туысының нашар бұтақталған конидия тасушыла- ры топтанып түзіледі, конидиялары бір клеткалы немесе 1-2 перделі, пішіні сопақша, қоңыр түсті. Cl. fulvum Cooke. қызанақтың қоңыр дағын қоздырады.
