40-сурет. 1 – Fusicladium, 2 – Cercospora, 3 – Helmintosporium
Fusicladium туысының конидия тасушылары қысқа, конидия- лары алғаш бір, кейін екі клеткалы, пішіні алмұрт тəрізді. F. den- driticum Fukl. – Venturia inaequalis Wіnt. саңырауқұлағының кони- диялы кезеңі алманың таз ауруының қоздырғышы. Ол алманың жас бұталарын, жапырағын, жемісін залалдайды.
Cercospora туысының жіпшумақтары өсімдік клеткаларында дамып, конидия тасушылары леп саңлауынан топтанып шығып, цилиндр тəрізді, түссіз конидиялар түзеді. C. beticola Sacc. қызыл- шаның, C. roesleri Sacc. жүзімнің церкоспорозын қоздырады.
Helmintosporium туысының конидия тасушылары жақсы дамы- ған, шоқтанып түзіледі. Конидиялары қоңыр түсті, тік немесе сəл иілген, ұршық немесе теріс шоқпар тəрізді, бірнеше пердесі бар.
H. sativum Pam., King. et Bakke – дəнді дақылдардың тамыр шірі- гін, жапырақ дағын, масақтың күйелі өңезін, «қара ұрық» ауруын қоздырады.
Туберкулярий тұқымдасы – Tuberculariaceae. Саңырауқұлақтар- дың конидия тасушылары түрлі жастықшалар түзеді. Конидияла- рының түсі, пішіні құрылысы əртүрлі болады.
Fusarium туысының конидиялары екі түрлі: макроконидиялар жəне микроконидиялар. Кейбір түрлері телиоспора (хламидоспора), басқалары – склероций (қарамық) түзеді (41-сурет). F. oxysporum Schl. ауылшаруашылық дақылдарының астық, картоп, көкөніс жəне т.б. фузариоз ауруын қоздырады.
Tubercularia туысының конидиялары ашық түсті, жастықша- ларда түзіліп, қабық жарығынан шығып тұрады, конидиялары бір клеткалы, ашық түсті, пішіні жұмыртқа немесе цилиндр тəрізді. Ко- нидия тасушылары қарапайым T.vulgaris түрі қарақат, қара шие мен қайың өркендерінің қурау ауруын қоздырады.
41-сурет. Fusarium туысының споралары
Достарыңызбен бөлісу: |
