Өлшеу құралдарын (ӨҚ) салыстырып тексеру әдістері 1. Екі өлшеу құралын (ӨҚ) тікелей салыстырып тексеру. Мұнда салыстырып тексеру құралдары немесе басқалай қосалқы құралдар қолданылмайды. Тексеріс кезінде қажет Х мәнін енгізеді, содан кейін тексеріліп жатқан Хп құрылғының көрсеткіштерімен Хо үлгілі ӨҚ-мен салыстырылып, оның айырмасы: Δ = Хп - Хо анықталады. Бұл әдіс 2 жолмен іске асады:
1) Сәйкестікті тіркеу. Мұнда салыстырып тексерілетін өлшеу құралының көрсеткішін кіріс сигналдарын өзгерту арқылы, тексерілетін шкаламен сәйкестендіреді. Сөйтіп қателік мәнін салыстырып, тексерілетін өлшеу құралының көрсеткішінің нақты үлгілік өлшеу құралының көрсеткішінің айырмасы ретінде есептейді (6.1-сурет).
2) Қателік салыстырып тексеру ӨҚ-ң шкаласымен саналады. Параметрдің номиналды мәні үлгілі ӨҚ-на қойылады (6.2-сурет).
2. Тексеріліп жатқан ӨҚ-ын сол типтес үлгілі ӨҚ-мен компаратор арқылы салыстыру. Бұның мәні – егер тексеріліп жатқан ӨҚ сол типтегі ӨҚ-ның көрсеткіштерімен салыстыруға келмесе, онда тізбекке компаратор қосылады.
