Оқулық Жалпы редакциясын басқарған профессор Т. М. Досаев
жүктеу/скачать 3,69 Mb. Pdf көрінісі
|
Досаев Анатомия
| ӘЙЕЛ ЖЫНЫС АҒЗАЛАРЫ
І. ҚЫНАПТЫҢ ҚҰРЫЛЫСЫ, ҚАНМЕН ҚАМТАМАСЫЗДАНУЫ ЖӘНЕ НЕРВТЕНУІ. ҚЫНАП (vagina), жыныс саңылауынан жатырға дейін кіші жамбас қуысында орналасқан тақ ағза. Қынаптың ұзындығы 10см-ге дейін, қабырғасының қалыңдығы 2-3 мм шамасында. Төменінде қынап несеп-жыныс көкеті арқылы өтеді. Қынаптың бойлық білігі жатырдың білігімен қиылысып алға қарай ашық доғалы бұрыш түзеді. Қыздар қынабының тесігі алғашқы жыныстық қатынаста жыртылып қыздық қиықтарын (carunculae humenalies) түзетін жартыай тәрізді дәнекертінді табақшамен жабылған. Қабысқан жағдайда қынап қабырғалары фронтальды жазықтықта орналасқан саңылау түрінде 203 Нуржігіт Алтынбеков болады. Қынаптың негізгі үш бөлігін ажыратады: алдыңғы қабырғасын (paries anterior) артқы қабырғасын (paries posterior) және қынап күмбездерін (fornix vaginae). Қынаптың алдыңғы қабырғасының ұзына бойының көп бөлігі несеп шығаратын өзекпен бітіскен болса, қалғаны несепқуық түбімен жанасқан, ал артқы қабырғасының төменгі бөлігі тік ішектің алдыңғы қабырғасына тақау жатыр. Қынап күмбездерін жатыр мойнының қынаптық бөлігін қаусырған қынап қабырғалары түзеді. Қынап күмбезі екі бөліктен тұрады: тереңдеу артқы және алдыңғы. Қынаптың ішкі шырышты қабығы (tunica mucosa), шырышасты қабаттың жоқтығынан бұлшықеттік қабықпен (tunica muscularis) тығыз бітіскен. Шырышты қабықтың қалыңдығы 2 мм., олар ірі-ірі көлденең орналасқан қынаптық қатпарлар (әжімдер) (rugae vaginales) түзеді. Қатпарлар қынаптың алдыңғы және артқы қабырғаларында бойлық қатпарлар бағаналарын (columnae rugarum) құрады. Қынаптың бұлшықеттік қабығы бойлық және көлденең бағыттағы талшықтардан құралған. Бұлшықеттік қабық жоғары бөлігінде жатыр бұлшықеттеріне жалғасса, төменгі бөлігі шат бұлшықеттері арасына енеді. Қынаппен несеп шығаратын өзектің төменгі бөліктерін қоршайтын бұлшықет талшықтары өзіне тән қысқыштар түзеді. Қынаптың сырты адвентициямен (дәнекер тін) қапталған. ҚЫНАП қанмен, жатыр, ішкі жыныс, неспқуық, төменгі және ортаңғы тік ішек артерияларының тармақтарымен қамтамасыз етіледі. Веналық ағым, ішкі мықын венасына құяды. Лимфа тамырлары артериялармен қатар жүреді. Лимфа ағымы, шап және ішкі мықын лимфа түйіндеріне бағытталған. Қынап, төменгі құрсақасты өрімінің тармағы жыныс нерві арқылы нервтенеді. ЖАТЫР ҚҰРЫЛЫСЫ, ҚАНМЕН ҚАМТАМАСЫЗДАНУЫ ЖӘНЕ НЕРВТЕНУІ ЖАТЫР (uterus), ішінде ұрық дамып сақталатын, алмұрттәрізді, бұлшықеттік тақ ағза. Жатыр кіші жамбас қуысында, алдында несепқуық, артында тік ішек аралықтарында орналасқан. Жатырдың алдыңғы және артқы беттерін, оларды бөлетін оң және сол жиектерін ажыратады. Әйелдерде жатырдың ұзындығы 8 см. шамасында, көлденеңі – 4 см-ге дейін, биіктігі 3 см-ге жақын. Босанған әйелдердің жатырының салмағы босанбағандардан екі есе көп. Жатыр қуысының орташа көлемі 5 см 3 -ді құрайды. Жатырда үш негізгі бөлікті ажыратады: денесі (corpus uteri), мойны (cervix uteri) және түбі (fundus uteri). Жатыр түбі жатыр түтіктерінің жатырға кіретін орнының үстіндегі томпақ бөлігі. Жатыр түбі жатырдың ортаңғы бөлігін құрайтын денесіне жалғасады, ол өз ретінде жатыр |