Диспепсиялық шағымдар. Іш қуысында қан айналым бұзылғанда пайда болады. Ас қорыту мүшелерінде қан іркілісі олардың қызметін бұзады. Жүрек әлсіздігінде қан алдымен бауырда іркіледі соңдықтан бауыры ұлғайып оң жақ қабырға астында ауырсыну пайда болады және осы шағымдар пайда болады: жүрек айну, құсу, тәбетінің төмендеуі, іштің кебуі, іш өту, іш қату.
Дене қызуының көтеріліу, терлегіштік - жүректің қабыну ауруларында болады.
Пациенттің ауруы мен өмірінің анамнезі
Дұрыс, толық жиналған анамнездің маңызы зор, ол пациенттің денсаулығы туралы көп мәлімет береді. Бала кезінен барлық ауырған аурулары туралы мәлімет жинау керек, әсіресе ревматизм, баспа (ангина), дифтерия, мерез, ауруларын анықтау керек, өйткені осы аурулар жүрек асқынуларына ұшыратады. Зиянды әдеттер, кәсіптік және тұрмыстық жағдайы туралы мәліметтер диагноз қоюға үлес қосады. Міндетті түрде жақын тұма туыстарының жүрек – тамыр жүйесінің аурулары туралы сұрау керек. Әйелдерден жүктілігі, босануы қалай өйткенің анықтау керек, өйткені осы кезде жүректің кейбір жасырынды ауруларының белгілері анық болады. Ер адамдарда жиі ишемия және гипертония ауруы кездеседі. Ревматизм ауруы әйелдер мен ер адамдарда бірдей кездеседі. Ал ревматизмнің нәтижесінен әйелдерде жиі митральді стеноз кездеседі.
Достарыңызбен бөлісу: |
