Программа дисциплин по специальности 6D060700- биология
жүктеу/скачать 461,5 Kb. Pdf көрінісі
|
Биология докторантура (1)
|
ПӘННІҢ МАЗМҰНЫ Кіріспе «Заманауи биология мәселелері» курсының мақсаты докторанттарда қазіргі биология мәселелері туралы тереңдетілген кәсіби білімін қалыптастыру, эволюция теориясының, антропогенез, микробиология, ботаника, зоология, физиология, молекулалық биология, генетика, биотехнология және т.б. жаңалықтары, жетістіктері туралы түсінік қалыптастыру. Бұл дисциплинаны оқыту кезінде міндеттеледі: қазіргі жаратылыстану ғылымдарының жетістктеріне сүйене отырып биологиядағы заманауи мәселелерге философиялық, әлеуметтік және этикалық көзқарастарды қалыптастыру; қазіргі заманғы клеткалық және молекулалық биология, генетика саласындағы білімін тереңдету, сонымен қатар заманауи биологиядағы жетістіктер және оларды практикалық медицинада қолдану. «Заманауи биология мәселелері» пәні биология ғылымындағы қазіргі заманғы білім жағдайын көрсетеді. Бұл пәнде биологияның теориялық және практикалық маңыздылығы, ауылшаруашылық, медицина, ветеринария, қоршаған ортаны қорғаудағы маңыздылығы қарастырылады. Тіршіліктің пайда болуы мен оның эволюциясы секілді, микробиологиялық, зоологиялық және ботаникалық ғылымдардағы, өсімдіктер, жануарлар және адам физиологиясы, жалпы және молекулалық генетика, цитология, 18 биотехнология және экологиядағы мәселелі сұрақтар көтеріледі. Клеткалық және молекулалық биологияның жетістіктері, жалпы және молекулалық генетика, гендік және жасушалық терапия әдістері, қартаюға қарсы күрес, науқастарды, ауруларды емдеуде ересек организмнің бағаналы клеткалық регенеративтік потенциалы қарастырылады. Биоалуантүрліліктің, экожүйенің және биосфераның тұтас алғанда, біртұтастығы және тұрақтылығы қарастырылады. Физика, химия, астрономия және геология секілді ғылымдармен қатар биология жаратылыстану ғылымдарына жатады және оның зерттеу нысаны табиғат болып табылады. Тірі ағзалар және олардың тіршілк заңдылықтары туралы толық білім алу үшін тіршіліктің барлық аспектілерін және көріністерін зерттеу қажет. Заманауи биология тіршілік үрдестерінің түрлі көріністерін зерделейтін жеке ғылым ретінде қарастырылады. Адамның қоғам болып қалыптасуы мен дамуы, өзінің өмір сүруіне қажетті тірі табиғатты зерттеумен тығыз байланысты. Тірі табиғат туралы ілімді жүйелеуді алғашқы болып ежелгі грек және рим философтары қарастырған. XVII ғасырдан бастап ғылымда сандық өлшеу және бақылау әдістері қолданыла бастады. XVIII ғасырда өсімдіктер мен жануарлар туралы ілім жеткілікті түрде жиналды және оны жүйелеу қажет болды, осы кезден бастап жүйелеу ғылымы қалыптасты. Осы кезеңде тірі ағзаларды зерттеу жаратылыс тарихы деп аталды, ал ол биология – өмірді зерттейтін ғылымның ізашары болып табылады. Биология физика, химия, астрономия, математика секілді негізгі ғылымдар сияқты жаратылыстану ғылымдарының қатарына қосылды. Жаратылыстанудағы көптеген жетістіктер клеткалық теория, тұқым қуалаушылық пен өзгергіштік заңдылықтары, Ч. Дарвиннің эволюциялық теориясының қалыптасуына алып келді. Соңғы онжылдықтарда биологияның әртүрлі саласында көптеген жаңалықтар ашылды. Әлеуметтік өмірде соңғы онжылдықтарда биологияның жетістіктерінің қолдану саласы ұлғайды, тұтас алғанда жеке адам мен қоғамның мәдениетін қалыптастыруда биологияның рөлі өсті. Молекулалық биология және биотехнология саласындағы зерттеулер табиғатты өзгерту, қайта қалпына келтіру, оны сақтауға және оны қолдан жасауға болатынын көрсетті. Биологияның мәдениеттің басқа салаларымен өзара қарым-қатынасы жаңа ілімдерді туғызып отыр: биоэтика, биополитика, биоэстетика. Табиғаттың негізгі заңын және заңдылықтары зерттеу адамдарға табиғаттың біртұтас екендігін, жүйелік және көп деңгейлі құрылымын, табиғаттың дамуын, табиғат пен өмір мәнін, адам өміріне қол сұғылмаушылығын, адам мен табиғаттың бірлігі туралы дүниетанымды түсінуге септігін тигізеді. Биологияның жетістіктері қазіргі медицинаның даму деңгейін анықтап отыр. Биологиялық білім алудың адамға қоршаған ортаны тануда және алатын орнын анықтауда, табиғат пен өмірді бағалауда, дүнетанымын қалыптастыруда алатын орны зор. жүктеу/скачать 461,5 Kb. Достарыңызбен бөлісу:
|