Оқулық Тараз 019 Әож 37. (075)
Педагогтың үздіксіз кәсіби өсу
жүктеу/скачать 8,71 Mb. Pdf көрінісі
|
Buzaubakova Pedagogika
|
1.4 Педагогтың үздіксіз кәсіби өсу і нің факторлары «Үздіксіз білім беру» ұғымының мәні. Тұлғаға үздіксіз білім беру - қоғамның тұрақты дамуының шарты. Тұлғаның үздіксіз білім алуға даярлығы. Үздіксіз білім алу тұлғаның кәсіби сұранысқа ие болу және болашақ мамандық дайындаудағы құзыреттілік тұрғыда оқытуды іске асыру факторы. Педагогтың кәсіби іс-әрекетіндегі үздіксіз білім алудың мәні. Үздіксіз педагогикалық білім – мұғалімнің кәсіби-тұлғалық дамуындағы және өзін-өзі танытуындағы жетістігінің шарты. XXI ғасырдың басында білім беру құнды капиталға айналды, ол өз мазмұны жөнінен стратегиялық ресурстармен бәсекелесе алады және солай болуға тиіс. Елдің даму деңгейі білім беру сапасымен бағаланатын болады. Қазіргі кезеңде үздіксіз білім беру барлық дамыған елдерде өзекті мәселе айналып отыр. Үздіксіз білім алу мәселесі осы заманғы ақпараттық және коммуникациялық технологиялардың, саяси және әлеуметтік экономикалық өзгерістердің әсерінен туындаған мәселе. Өз бетімен білім алу белгіленген тұлғалық және елеулі білім беру мақсаттарына бағытталған арнайы ұйымдастырылған өзіндік іс-әрекеті мен жүйелі танымдық іс-әрекетінің мәнін анықтайды. Үздіксіз білім беру – ол адамның бүкіл ғұмыр жолында жеке тұлға ретінде дамып отыруы. Үздіксіз білім беру – бұл үздіксіз оқыту мен тәрбиелеу емес 56 немесе бекітілген оқу мерзімімен және оқу орнының қабырғасымен шектелмейді, ол адамға білімнің белгілі бір көлемін беруге бағытталған білім түріне ауысу болып табылады. Тек жеке тұлғаға, субьектіге бағытталған білім ғана адамның жылдам өзгеріп жатқан қоғамдық және экономикалық өмір талаптарына сай жауап бере алуын қамтамасыз ете алады. Егер білім жүйесін жобалау барысында, адамзаттың мәдени байлықтарына әрбір жеке тұлға өзінің субьективті қажеттілігі ретінде қарайтын болса, сонда ғана білімнің үздіксіздігі қамтамасыз етіледі. Үздіксіз білім жеке тұлғаның қабілетіне, бұрынғы алған мамандығына, білім деңгейіне қарамай-ақ жеке ерекшеліктерін ескере отырып, жан-жақты толық дамуына ұмтылуы деп бағаласақ, онда жеке тұлға үшін білім алу процесі тоқталуы мүмкін емес. Үздіксіз білім алу нәтижесінде тұлға бірқатар мүмкіндіктерге ие бола алады: өз бетімен жаңа білім алу мүмкіндігі; сапалы білімге қол жеткізуі; танымдық ой-өрісінің дамуы; қызмет саласында өз шеберлігін жетілдіруі. Үздіксіз білім беру жүйесінің негізгі құралы – виртуалды білім кеңістігін құруға мүмкіндік беріп отырған Интернет жүйесі. Қоғамды ақпараттандыру жағдайында, қоғамның әрбір мүшесінің ақпараттық мәдениетін қалыптастыруда, үздіксіз білім беру жүйесінің маңызы зор. Үздіксіз білім алу нәтижесінде әр салада әмбебап қызмет ете алатын, білікті, білімді, рухани бай, өз мүмкіндігін жан-жақты көрсете алатын тұлға қалыптасады. жүктеу/скачать 8,71 Mb. Достарыңызбен бөлісу:
|