Қазіргі қазақстандағЫ Әйелдер мен ерлерге қатысты саясат
жүктеу/скачать 1,9 Mb. Pdf көрінісі
|
- Бұл бет үшін навигация:
- 9,0 % мамандықтардың жыныс бойынша бөлінетіндігін мойындайды 39,6 %
|
ҚАЗІРГІ ҚАЗАҚСТАНДАҒЫ ӘЙЕЛДЕР МЕН ЕРЛЕРГЕ ҚАТЫСТЫ САЯСАТ 18 Бөлім С. Мамандықтар С.19. Сіздің ойыңызша Қазақстанда мамандықтар «ерлердікі» және «әйелдердікі» деп бөліне ме? мамандықтар жыныс бойынша бөлінбейді 45,8 % еңбектің гендерлік тұрғыдан бөлінуі мүмкін екендігін білмейді 9,0 % мамандықтардың жыныс бойынша бөлінетіндігін мойындайды 39,6 % Сауалнамаға қатысушылардың 45,8 % мамандықтарды жыныстық белгі бойынша бөлмейді, 9 % еңбектің гендерлік бөлінісінің мүмкін екендігін білмейді, ал 39,6 % мамандықтардың жыныстық белгі бойынша бөлінісін мойындайды. Орал қаласы тұрғындарының 47,2 % мамандықтар ерлердікі және әйелдердікі деп бөлінеді деп санайды. Мұны көбінесе ер адамдар жұмыс істейтін ауыр өнеркәсіптің бар екендігімен түсіндіруге болады. Қарағанды тұрғындарының көпшілігі (49,5 %) мамандықтардың ерлердікі және әйелдердікі деген бөлінісінің бар екендігін алға тартады. Сауалнамаға қатысқан ер адамдардың басым бөлігі (51,4 %) ондай қиыншылықтарға ешқашан тап болмағандықтан, Қазақстанда мамандықтардың гендерлік белгісі жоқ деп есептейді. Қазақстанда мамандықтардың ерлердікі мен әйелдердікі деп бөлінуін жоққа шығаратын әйелдердің үлесі айтарлықтай жоғары (42,7 %). Бұл жайт әйелдер үшін қызметтің бірқатар саласында «әйнек төбе» әсерінің бар екендігі туралы біздің жорамалымызды да жоққа шығарады. Бірақ ол сонымен қатар әйелдер аталмыш проблемаға ден қойып, саралаған да жоқ деп болжауға да негіз болады. Жас санаты бойынша 18 - 30 жас аралығындағы топ негізінен (43,8 %) ер және әйел мамандықтардың бар екендігін атап көрсетеді. Маманды еңбекпен айналыспағандықтан болу керек, 60 және одан жоғары жастағы топ (56,9 %) Қазақстанда мамандықтар гендерлік белгіге қарай бөлінбейді деген пікірді қолдайды. Респонденттердің көпшілігі (жоғары білімділер - 44,7 %, орта білімділер - 47,5 %) білім деңгейінен тыс мамандықтардың «ер» мен «әйелге» бөлінбейтіндігін алға тартты. Бұл сұраққа берілген жауаптарды этникалық деңгейде саралау орыс ұлты өкілдерінің басым бөлігінің (52,3 %) ондай бөлініс жоқ деп есептейтіндігін көрсетті. «Иә» деген жауапты таңдағандар арасында орыстардың үлесі 34,9 %, қазақтар - 40,6 % және басқа ұлттар - 41,5 %. Жауаптардың мұндай бөлінісі этномәдени ерекшеліктер мен әйелдің ақы төленуге тиіс мамандық ретінде де, қызметтің түрі ретінде де қарастырылмайтын үй шаруасымен белсенді айналысатындығымен байланысты болуы мүмкін. Қала тұрғындарының көпшілігі (48,2 %) мамандықтар ердікі және әйелдікі деп бөлінбейді деген пікірде. Ал ауыл тұрғындарының басым бөлігі (47,3 %) «иә» деген жауапты таңдады. Ауылдық өмірдің дәстүрлі салты еңбек түрін айқын бөле білетіні анық. жүктеу/скачать 1,9 Mb. Достарыңызбен бөлісу:
|