Қазақстан республикасы денсаулық сақтау министрлігі
Баланың мүліктік құқықтары
жүктеу/скачать 2,48 Mb. Pdf көрінісі
|
5f48db6acc320 1598610282 (1)
- Бұл бет үшін навигация:
- Баланың қорғалу құқығы.
| Баланың мүліктік құқықтары.
Баланың Заңда белгіленген тəртіппен жəне мөлшерде өзінің ата - анасынан жəне отбасының басқа да мүшелерінен асырау қаражатын алуға құқығы бар. Балаға алименттер, зейнетақылар, жəрдемақылар ретінде тиесілі сомалар ата - анасының (олардың орнындағы адамдардың) билік етуіне келіп түседі жəне оны олар баланы асырап - бағуға, оған білім беруге жəне оны тəрбиелеуге жұмсайды. Баланың өзі сыйға немесе мұрагерлік тəртібімен алған кірістерді, мүлікті, сондай - ақ баланың қаражатына сатып алынған басқа да кез келген мүлікті меншіктенуге құқығы бар. Өз еңбегінен кіріс алған бала, егер ол ата - анасымен бірге тұрса, отбасын асырау жөніндегі шығыстарға қатысуға құқылы. ~220~ Баланың қорғалу құқығы. Баланың өз құқықтары мен заңды мүдделерін қорғауға құқығы бар. Баланың құқықтары мен заңды мүдделерін қорғауды ата - анасы (олардың орнындағы адамдар), ал осы заңда көзделген жағдайларда қорғаншы жəне қамқоршы орган, прокурор жəне сот жүзеге асырады. Кəмелетке дейін заңға сəйкес əрекетке толық қабілетті деп танылған кəмелетке толмаған адамның өз құқықтары мен міндеттерін, оның ішінде қорғалу құқығын өз бетінше жүзеге асыруға құқығы бар. Баланың ата - анасының (олардың орнындағы адамдардың) тарапынан жасалған қиянаттан қорғалуға құқығы бар. Баланың құқықтары мен заңды мүдделері бұзылған кезде, оның ішінде ата - анасының (олардың біреуінің немесе олардың орнындағы адамдардың) баланы асырап - бағу, тəрбиелеу, оған білім беру жөніндегі міндеттерін орындамауы кезінде немесе тиісті дəрежеде орындамауы кезінде не ата - ана (қорғаншы, қамқоршы) құқығын теріс пайдалану кезінде бала қорғаншы жəне қамқоршы органға, ал он төрт жасқа толғанда - сотқа өзінің құқықтарын қорғау үшін өз бетінше өтініш жасауға құқылы. Баланың өміріне немесе денсаулығына қауіп төнгендігі туралы, оның құқықтары мен заңды мүдделерінің бұзылғандығы туралы белгілі болған ұйымдардың лауазымды адамдарды мен өзге де азаматтар ол жөнінде баланың іс жүзінде тұратын жері бойынша қорғаншы жəне қамқоршы органға хабарлауға міндетті. Мұндай мəліметтерді алған жағдайда қорғаншы жəне қамқоршы орган баланың құқықтары мен заңды мүдделерін қорғау жөнінде қажетті шаралар қолдануға міндетті. жүктеу/скачать 2,48 Mb. Достарыңызбен бөлісу:
|