Патофизиология пәні, мақсаты мен міндеттері және оларға жету
жүктеу/скачать 6,36 Mb. Pdf көрінісі
|
Патофизиология учебник (1)
| Ентік (грек. dyspnoe)
алқыну түсінігінен ерекше түсінік. Алқынуға қол жұмысын атқарғанда дамитын терең жиі тынысты немесе гиперпноены жатқызуға болады.Ол туындатқан себепкер ықпал жойылғаннан кейін қалыпты тынысқа айналады. Ал ентік - тыныс алу бұлшықеттерінің ұдайы ауыр жұмыс атқаруынан адамда ауа жетіспеу сезімімен қабаттасатын өте ауыр сезім. Ол жиі үрейлену, қорқыныш, абыржу сезімдерімен қабаттасады. Бұл сезімдер тыныс алуға қатысатын бұлшықеттердің проприоцепторларынан жүйкелік серпіндердің мидың жоғарғы бөліктеріне, одан лимбикалық жүйеге таралуынан пайда болады. Бұл кезде тыныс алу қозғалыстарының тереңдігі мен жиілігінің, демді ішке тарту мен сыртқа шығару ұзақтығының, тыныс алу ырғағының өзгерістері байқалады және демді ішке тарту орталығы ұдайы қозу жағдайында болады. Ентік инспирациялық және экспирациялық ентіктер – деп ажыратылады. Оның даму жолдарында мидағы демді ішке тарту орталығының қоздырылуы мына ықпалдардан болуы мүмкін: ● өкпенің механикалық рецепторлары қозуынан; ● тыныс алуға қатысатын бұлшықеттердің проприоцепторлары қозуынан; ● мидың сыртқы қыртысынан серпіндердің тыныс орталығына тарауынан; ● оттегінің жетіспеушілігімен, көмірқышқылы газының 565 артықтығымен, қышқыл өнімдермен, ыстық қанмен тыныс алу орталығы нейрондарының тікелей қоздырылуынан; ● қолқа иініндегі хеморецепторлардың көрсетілген заттармен қоздырылуынан; ● өкпенің аралық тіндері рецепторларының қоздырылуынан. жүктеу/скачать 6,36 Mb. Достарыңызбен бөлісу:
|