Керекті құралдар мен реактивтер: сынауықтар, мыс (ІІ) сульфатының пентагидраты, сүзуге арналған құрылғы, 15% аммиак, этил спирті, концентрлі аммиак ерітіндісі, натрий гидроксиді ерітіндісі, дистилденген су, күкіртсутекті су.
Ұнтақталған мыс (ІІ) сульфатының пентагидратының 0,5 грамын 12,5 мл 15% аммиак ерітіндісінде ерітіңдер. Лай пайда болғанда ерітіндіні сүзу қажет. Сүзіндіге ақырындап 7,5 мл спирт құйып, оны суық жерге бірнеше сағатқа қалдыру керек. Түзілген кристалды сүзіп, спирттің концентрлі аммиак ерітіндісімен қоспасымен (1:1) шайып, бөлме температурасында кептіріңдер. Алынған тұздың бірнеше кристалын судың аз мөлшерінде ерітіп, оны екі сынауыққа бөліп, біреуіне 1-2 мл натрий гидроксидін, екіншісіне күкіртсутек суын қосыңдар. Байқалған құбылыстарды түсіндіріңдер. Реакция теңдеуін жазыңдар. Алынған зат ерітіндіде қандай иондарға диссоциацияланады? Алынған тұздың ерітіндісіне күкіртсутек және натрий гидроксиді ертінділерінің түрлі әсерін қалай түсіндіруге болады? Валенттік байланыс әдісі тұрғысынан кешенді ионның құрылысын қарастырыңдар.
№ 121 жұмыс. Мыс (ІІ) тұздарының гидролизі
Достарыңызбен бөлісу: |
