Правила организации обучения по сокращенным образовательным программам 5 Правила организации обучения с применением дистанционных образовательных технологий 48
жүктеу/скачать 0,8 Mb.
|
- Бұл бет үшін навигация:
- Дәстүрлі жүйе бойынша бағалар
- Midterm
Пән бойынша бағалау жүйесі
4. Білім алушылардың үлгеріміне ағымдық бақылау оқу пәнінің әр тақырыбы бойынша өткізіліп, дәрісханалық және дәрісханадан тыс сабақтардағы бақылауды қамтиды. Ағымдық бақылау бағасы (жіберу рейтингінің бағасы) дәрісханалық сабақтардағы және білім алушының өзіндік жұмысын тапсырудағы ағымдық бақылау мен аралық бақылау бағаларынан жинақталады. 5. Үлгерімнің ағымдық бақылауы кезінде білім алушылардың оқу жетістіктері, әрбір орындаған тапсырмалары (күнделікті сабақтардағы жауап, үй тапсырмаларын орындау, білім алушының өзіндік жұмысы, аралық бақылау) 100 балдық (100 пайыздық) шкала бойынша бағаланып, ағымдық бақылаудың соңғы қорытындысы академиялық кезеңде алынған барлық бағалардың орта арифметикалық қосындысы ескеріле отырып есептеледі. Осындай әдіс аралық және қорытынды аттестаттау кезеңінде білім алушылардың оқу жетістіктерін бағалау кезінде де қолданылады. 6. Аралық бақылау әрбір пән бойынша бір академиялық кезеңде екі рет өткізіледі. 7. Білім алушыларды аралық аттестаттау, midterm оқу жұмыс жоспарына, академиялық күнтізбеге және мемлекеттік жалпыға міндетті жоғары білім беру стандарттары негізінде әзірленген кәсіптік оқу бағдарламасына сәйкес жүзеге асырылады. 8. Білім алушылардың аралық, midterm аттестаттауын ұйымдастыру мен өткізу тіркеуші офисіне жүктеледі. 9. Емтихандар кестеге сәйкес тапсырылады және пәннің барлық кәсіптік оқу бағдарламасы бойынша білім алушылардың оқу жетістіктерін тексеру түрі болып табылады және академиялық кезеңдегі оқу жетістіктерін бағалауды көздейді. 10. Сараланған (дифференциалдық) сынақтар білім алушылардың зертханалық және есептеу-графикалық тапсырмаларды, курстық жұмыстарды (жобаларды) ойдағыдай орындағандығын, сондай-ақ олардың бекітілген кәсіби оқу бағдарламасына сәйкес кәсіби практикадан өткендігін тексеру нысаны болып табылады. Сараланған (дифференциалдық) сынақтар балдық-рейтингтік бағалау жүйесіне сәйкес қойылады және сол жұмыстарға тиісінше кредиттер саны берілген жағдайда көшіру балына есептеуде ескеріледі. 11. Білім алушылардың кәсіби практикадан (оқу, оқу-танысу, педагогикалық, өндірістік т.б.) өтуі кезінде бағалануы сараланған (дифференциалдық) сынақ түрінде 100 балдық (100 пайыздық) бағалау жүйесіне сәйкес қойылады. Білім алушының практикада болу мерзіміндегі жұмысы 100 пайызға дейін, салмақтық үлесі 60%, практика есебін қорғауы 100 пайызға дейін, салмақтық үлесі 40% болып есептеледі. Пән бойынша бақылау түрі тек курстық жұмысты (жобаны) қорғау болған жағдайда, білім алушының білімін бағалау сараланған (дифференциалдық) сынақ түрінде 100 балдық (100 пайыздық) бағалау жүйесіне сәйкес қойылады. Білім алушының курстық жұмысты (жобаны) орындауына 100 пайызға дейін, салмақтық үлесі 60%, курстық жұмысты (жобаны) қорғауы 100 пайызға дейін, салмақтық үлесі 40% болып есептеледі. Бұл жағдайда курстық жұмыстың (жобаның) бағасы мемлекеттік стипендияны, курстан курсқа көшіру балына есептеуде ескеріледі. Пән бойынша курстық жұмысты (жобаны) тапсыру беріліп, бірақ сол пәннен бақылау түрі емтихан болған жағдайда курстық жұмысты (жобаны) бағалау пән бойынша ағымдық бағалауға енгізіледі. 12. Практика аяқталғаннан кейін білім алушы практика қорытындысы бойынша тиісті кафедраға практика жетекшісі мен консультанты тексеретін және кафедра меңгерушісінің өкімімен құрылған комиссияның алдында қорғалатын есепті ұсынады. Есепті қорғау нәтижелері №125 бұйрыққа сәйкес бағалардың балдық-рейтингтік әріпті жүйесі бойынша бағаланады. Есепте орындалған жұмыс туралы мәліметтер көрсетіліп, тәжірибе базасының қысқаша сипаттамасы беріледі, сонымен қатар есепте мамандық бағыты бойынша атқарған қызметінің талдауы, қорытындылар мен ұсыныстар болуы керек. Есепке қосымша ретінде: қол қойылған және мөр басылған кәсіпорындағы практика жетекшісінің білім алушының жұмысы туралы пікірі; практика өтілген кәсіпорынның басшысы қол қойып бекіткен, мөр басылған жұмыс жоспар-кестесі; практиканың күнделік- есебі; өз бетінше орындаған жұмыстары туралы мәліметтер тіркеледі. Практиканың мерзімі біткен соң кәсіпорын жетекшісінен мінездеме алғаннан кейін, кафедра меңгерушісі бекіткен комиссия алдында білім алушы -практикант есебін қорғайды. Кәсіби практика бойынша бағалау нәтижесі практика ведомосына қойылады. Академиялық рейтинг ведомосы Оқу процесінің тіркеу офисына тапсырылады. Практиканың қорытындысы GPA есептеу кезінде және курстан курсқа көшіру барысында ескеріледі. Кәсіби практикадан денсаулығына байланысты немесе басқа да дәлелді себеппен өтпеген студенттер үшін оқу ісі жөніндегі проректор-бірінші проректордың бұйрығымен жеке мерзімде практикадан өтуге мүмкіндік беріледі. 13. Практикадан себепсіз өтпеген немесе «Ғ қанағаттанарлықсыз» бағаны алған студенттер үшін ол академиялық қарыз болып есептеледі, соңдықтан практиканы келесі академиялық кезеңде теориялық білім алуымен қатар немесе жазғы семестр кезінде қайта өтеді. 14. Midterm - академиялық кезеңнің ортасында жүргізілетін студенттердің оқу жетістіктерін бақылау түрі. Midterm екі аралық бақылаудың ортасында, 10 аптада өткізіледі. 15. Білім алушының оқу жетістігін, игерген білім деңгейін анықтау барысында жүргізілетін аралық бақылаулардың (Midterm Exam) барлық түрлері және қорытынды бақылау жазбаша түрде ұйымдастырылады (білім алушылардың оқу жетістіктерін сырттай бағалау (ВОУД) бойынша бекітілген пәндерден басқасы). Білім алушылардың оқу жетістіктерін сырттай бағалау (ВОУД) бойынша бекітілген пәндерден 1,2 аралық бақылау тест түрінде, ал Midterm мен емтихан жазбаша түрде қабылданады. Midterm тапсырмаған жағдайда білім алушы емтиханға жіберілмейді. Midterm 100 балмен бағаланады және сол аптадағы білім алушының оқытушымен өзіндік жұмысы (БАОӨЖ) балына жалпы қосылады. жүктеу/скачать 0,8 Mb. Достарыңызбен бөлісу:
|