Правила организации обучения по сокращенным образовательным программам 5 Правила организации обучения с применением дистанционных образовательных технологий 48
Білім алушылардың білімін ағымдық бағалау шкаласы
жүктеу/скачать 0,8 Mb.
|
Білім алушылардың білімін ағымдық бағалау шкаласы
2-кестедегі дәрісханалық және білім алушының өзіндік жұмысындағы тапсырмалардың түрлері пән ерекшеліктеріне байланысты құрылымдалады, сабаққа қатысуға 0,15 салмақтық үлес міндетті түрде беріледі, қалған тапсырмалардың тізімі мен салмақтық үлесі оқытушының таңдауымен өзгертілуі мүмкін. Дәрісханалық жұмыс бойынша қосынды салмақтық үлес 0,60-тан аспауы және білім алушының өзіндік жұмысы бойынша қосынды салмақтық үлес 0,40-тан аспауы қажет. Есептеулерге түсіндірме: 11-бағандағы нәтиже сол тапсырма түрі бойынша әрбір аптадағы білім алушының алған бағаларының (100 пайызға дейін) орташа арифметикалық қосындысы түрінде анықталады. Тиісті тапсырма бойынша 12-бағандағы ағымдық бақылаудың бағасы сәйкес жолдардағы 11-бағандағы орташа арифметикалық қосындының 3-бағандағы салмақтық үлеске көбейтіндісі түрінде анықталады. Әрбір тапсырманың 12-бағандағы нәтижелері қосылып, ағымдық бақылаудың нәтижесін береді. 2-ағымдық бақылаудың қорытынды бағасы да осы тәртіппен шығарылады. Есептеулер бүтін санға дейінгі дәлдікпен жүргізіледі. 37. Білім алушының пән бойынша қорытынды бағасының 60%-ын оқытушы бағалайды (ағымдық бақылау), ал емтихан бағасы қорытынды бағаның 40%-ын құрайды, Қорытынды бақылау (емтихан) тіркеуші офисі арқылы ауызша, жазбаша немесе тест түрінде өткізіледі. 38. Жазбаша түріндегі аралық бақылауды бағалау 1-кестеде көрсетілген әріптік балдық-рейтингтік жүйеге сәйкес 100 балдық (100 пайыздық) шкала бойынша бағаланады. Жазбаша емтихан сұрақтары алдын ала кафедрада үш деңгейлік етіп бекітіледі де деректер қорына енгізіледі. Күрделі деңгейдегі сұрақ есеп болуыда мүмкін. Жазбаша емтихан кезінде әрбір білім алушыға кафедрада бекітілген сұрақтар деңгейлері бойынша кездейсоқ ретпен жауап парағына шығады. Әрбір жауап парағында білім алушы туралы мәлімет штрих-код арқылы құпияланады. Бұл жауап парағында білім алушы жайлы ешқандай ақпарат болмайды. Білім алушы бар білімін осы жауап парағына түсіреді. Егер жауап парағы жетпей жатса қосымша жауап парағын компьютерлік бағдарламамен шығаруға болады. Емтиханнан соң барлық жауап парақтары жиналып осы пәннен бекітілген эксперттерге өткізіледі. Емтихан мәліметтері енгізіліп болған соң «Ведомость» бағдарламасы арқылы емтихан ведомосі шығады. Осы ведомостің нәтижесін тіркеуші офис әдіскері емтихан болған күні «Platonus» бағдарламасының мәліметтер қорына енгізеді. 39. Ауызша емтиханды бағалау 1-кестеде көрсетілген әріптік балдық-рейтингтік жүйеге сәйкес 100 балдық (100 пайыздық) шкала бойынша бағаланады. 40. Тест түрінде өткізілген аралық бақылауда білім алушыға 20 сұрақ беріледі. Аралық бақылаудың тест түріндегі бағалау көрсеткіші 3-ші кестеде берілген. Кесте 3 Тест түріндегі аралық бақылау көрсеткіші (20 сұрақ бойынша)
Ал, тестілеу емтиханында білім алушыға 50 сұрақ беріледі. Бағалау көрсеткіші 4-кестеде берілген. Кесте 4 Тест түріндегі қорытынды бақылау көрсеткіші (50 сұрақ бойынша)
41. Білім алушы 1-аралық бақылауды тапсырмаған жағдайда 2-аралық бақылауға жіберілмейді. Сондай-ақ, білім алушы екі аралық бақылаудың біреуін немесе екеуін де тапсырмаған жағдайда емтиханға жіберілмейді. 42. Егер білім алушы дәлелді себептермен ағымдық бақылауды мерзімінде толық тапсыра алмаған жағдайда, факультет деканының рұқсатымен ағымдық бақылауды тапсыра алады. 43. Егер білім алушы аралық бақылауды белгілі себеппен мерзімінде тапсыра алмаған жағдайда, факультет деканының рұқсатымен аралық бақылауды тапсырады. Факультет деканының өкімімен 2-аралық бақылауға дейін 1-аралық бақылауды және 2-аралық бақылауды сол пәннен емтиханға дейін тапсыра алады. 44. Пән бойынша ағымдық бақылау бағасы (жіберу рейтингінің бағасы) дәрісханалық сабақтардағы ағымдық,аралық бақылау бағаларынан орташа мән түрінде анықталады. Пән бойынша білім алушының орташа ағымдық бақылау бағасы (жіберу рейтингінің бағасы) 50%-дан аз болса, бұл білім алушы емтиханға жіберілмейді. 45. Қорытынды бақылауды (емтиханды) өткізу үшін тіркеуші офисі емтихан қабылдайтын оқытушыға білім алушының академиялық кезең бойында жинақтаған балы мен рейтингтік бағасын көрсететін емтихан ведомостін ұсынады. 46. Білім алушының дәрісханалық сабақтарда алған ағымдық бақылау бағасы пән бойынша қорытынды бағаның 40%-ын құрайды, аралық бақылау бағасы 20%-ын, емтихан бағасы қорытынды бағаның 40%-ын құрайды, яғни сәйкесінше дәрісханалық сабақтардағы ағымдық бақылаудың пайыздық бағасының орташа мәні 0,4 коэффициентке, аралық бақылаулардың пайыздық бағаларының орташа мәні 0,2 коэффициентке және емтиханның пайыздық бағасы 0,4 коэффициентке көбейтіледі. Пән бойынша қорытынды баға келесі формуламен анықталады: I = Cp ·0,4 + Рcp·0,2 + E·0,4 мұндағы: Ср – дәрісханалық сабақтардағы ағымдық бақылаудың пайыздық бағасының орташа мәні, ол білім алушының дәрістік, практикалық (семинар), зертханалық, сабақтарда және басқа тапсырмаларды орындағанда алған бағаларының арифметикалық қосындысының орташа мәніне тең болады; Рср –аралық бақылаулардың пайыздық бағаларының орташа мәні, ол білім алушының екі аралық бақылауды тапсырып алған бағаларының арифметикалық қосындысының орташа мәні; Э – емтиханның бағасының пайыздық мөлшері. 47. Емтихан аяқталған соң пән оқытушысы ведомостпен сынақ кітапшасына білім алушының алған бағасын толтырып, қол қояды және емтихан ведомостін тіркеуші офисіне қайта өткізеді. Көшірмесі деканатқа тапсырылады. Емтихан ведомостері негізінде деканатта білім алушылардың жиынтық бағалары даярланады. 48. Егер білім алушы емтихан кезінде «қанағаттанарлықсыз» баға алса, онда сол пәннің толық курсын игеру үшін жазғы қосымша семестрге ақылы негізде қайта оқуға қалдырылады. 49. «Қанағаттанарлықсыз» бағасын оң бағаға қайта тапсыру үшін білім алушы келесі академиялық кезеңдерінің бірінде немесе жазғы қосымша семестрде сол пән бойынша оқу жұмыс жоспарында қарастырылған барлық сабақ түрлеріне қайта қатысып, рұқсат алады және қорытынды бақылау тапсырады. 50. Егер білім алушы оқу бағдарламасын толық көлемде орындай отырып, емтиханға келмесе, емтихан ведомосындағы оның фамилиясының тұсына «келген жоқ» деген жазу жазылады. Білім алушының дәлелді себептері болған жағдайда факультет деканының өкімімен оған емтихан тапсырудың жеке кестесі бекітіледі. Емтиханға келмеуінің дәлелді себептері болмаған жағдайда «келген жоқ» белгісі «қанағаттанарлықсыз» деген бағаға теңестіріліп, қайта тапсырылуы жазғы семестрде жүзеге асырылады. 51. Қорытынды бақылаудың бағасымен келіспейтін білім алушы емтихан өткізілген күннен кейінгі күннен кешіктірмей апелляцияға өтініш беруге құқы бар. Апелляция нәтижелері хаттамамен ресімделеді және оның шешімі негізінде сол пән бойынша апелляциялық емтихан ведомосы шығады. 52. Білім алушы дәлелді себеппен емтиханға келе алмаған жағдайда, жеке кестеге сәйкес емтиханды тапсыруға рұқсат беріледі. 53. «Қазақстан тарихы» пәнінен мемлекеттік емтихан нәтижелері 1-кестеге сәйкес әріптік балдық-рейтингтік жүйе негізінде жоғарыда көрсетілген тәртіпке сәйкес бағаланады. 54. Әрбiр оқу жылының аяғында білім алушының оқу жетістіктері бойынша үлгерімнің орташа балы – GРА есептелiп шығарылады. GРА былайша анықталады: оқу пәніне берілген кредит көлемі мен білім алушының сол пәннен алған қорытынды балының (1-ші кестеде берілген) көбейтіндісі оқу жылына жоспарланған барлық пәндер бойынша қосылып, сол пәндердің жалпы кредитінің санына бөлінеді. Формуласы: ; Мұндағы - әрбір пән бойынша кредиттердің саны, - білім алушының әрбір пәннен алынған қорытынды балы. Білім алушының курстан курсқа өту балы GРА болып табылады. Ғылыми кеңестің шешімімен білім алушыны курстан курсқа өту балы (GPA) белгіленген (кесте 5,6,7). Бакалавриат Кесте 5
Магистратура Кесте 6
Докторантура Кесте 7
55. Өту балын алған білім алушылар факультет деканының ұсынысы негізінде университет басшысының бұйрығымен келесі курсқа көшіріледі. 56. Ең төменгі өту (GPA) балын ала алмаған білім алушы оқу курсын қайта оқуға қалдырылады. 57. Курс бағдарламасын толығымен өтіп, белгіленген өту балының ең төменгі деңгейіне жете алмаған білім алушыға өзінің орташа үлгерім балын (GPA) жоғарылатуы үшін жазғы семестрде белгілі бір пәндерді (мемлекеттік емтихан тапсырылатын «Қазақстан тарихы» пәнінен басқа) белгіленген тәртіп бойынша, ақылы түрде қайта оқуына және сол пәндерден қайта емтихан тапсыруына мүмкіндік беріледі. 58. Қайта тапсырылған емтиханнан қанағаттанарлық нәтиже алған жағдайда қорытынды баға қайта есептеліп, ол емтихандық ведомосы мен сынақ кітапшасына және транскриптке жазылады. 59. Орташа үлгерім балын есептеуде әр пән бойынша соңғы бағалар есепке алынады. 60. Транскрипке білім алушының қайта тапсырған емтихандарының оң нәтижелерімен қоса барлық қорытынды бағалары жазылады. 61. Оқу курсына қайта қалдырылған білім алушы бұрын қабылданған жеке оқу жоспары немесе жаңа жеке оқу жоспары бойынша білім ала алады. 62. Бітіруші курстың білім алушысы жұмыс және жеке оқу жоспары талаптарын және оқу жұмыс бағдарламасын орындамаса жазғы семестрден өткізілместен оқу курсына қайта оқуға қалдырылады. 63. Мемлекеттік емтихан мен диплом жұмысын (жобасын) қорғаудың нәтижелері бойынша білім алушылардың білімі 1-кестеге сәйкес әріптік балдық-рейтингтік жүйе бойынша бағаланады. Бұл ретте білім алушының теориялық, ғылыми және практикалық дайындықтары, сондай-ақ ғылыми жетекшісі мен рецензенттің пікірлері назарға алынады. 64. Өту балы жетіп, келесі курсқа ауыстырылған академиялық берешегі бар білім алушы сол пәнді ақылы негізде қайта оқып, академиялық қарыздарын жоюы тиіс. 65. Емтихан сессиясының қорытындысы және оқу үрдісін жақсарту бойынша ұсыныстар емтихандық сессия (аралық аттестаттау) аяқталғаннан кейін кафедра, факультет мәжілістерінде, университетің Ғылыми Кеңесінде талқылануға ұсынылады. 66. Университет емтихан сессиялардың (қысқы және жазғы) қорытындысы бойынша білім саласындағы өкілетті органға тиісті нысанда электронды және қағаз түрінде емтихандық сессия қорытындысын береді. 67. Академиялық қарызы үшін білім алушы унверситеттен шығарылмайды. Егер курстан курсқа өту балын білім алушы жинақтай алмаса, ол сол курсқа қайта қалдырылады. Бұл жағдайда білім алушы жеке оқу жоспарын толықтырады немесе жаңа жеке оқу жоспарын жасайды. 68. Мемлекеттік білім гранты есебінен оқитын білім алушы курстан курсқа өту балын жинақтай алмаса, яғни, сол курсқа қайта қалдырылса, мемлекеттік білім грантынан айырылып, ақылы негізде оқуын жалғастырады. 69. Мемлекеттік білім грантында оқитын білім алушы курстан курсқа өту балын жинақтап, бірақ пәндерден академиялық қарызы болса, онда ол грантын сақтай отырып келесі курсқа көшіріледі. Ал академиялық қарызын ақылы негізде қайта оқып тапсырады. 70. Мемлекеттік білім грантында оқитын білім алушылардың емтихан тапсыру нәтижелері «А», «A-» «B», «B+», «B-» аралығында болған жағдайда оларға ректордың бұйрығымен шәкіртақы тағайындалады. 71. Барлық оқу мерзімі бойынша емтихандарды «А», «A-» «B», «B+», «B-» бағаларымен тамамдаған, қорытындысында үлгерімінің орташа балы 3,5 және одан жоғары болатын, мемлекеттік емтихан мен қорытынды жұмысты (дипломдық жұмысты, жобаны) «өте жақсы» деген бағаға (А, А-) тапсырған студентке үздік диплом беріледі. Ереже университеттің Ғылыми-әдістемелік Кеңесінде қаралып мақұлданды. № хаттамасы ОҚУ САБАҚТАРЫНА МОНИТОРИНГ ЖҮРГІЗУ ТӘРТІБІ Қорқыт Ата атындағы ҚМУ оқу процесі №152 «Жоғары оқу орындарында оқитындардың сабақ үлгеріміне бақылау жасау, аралық және қорытынды аттестаттау жүргізудің типтік ережелеріне», ҚР Білім және ғылым министрлігінің нормативтік құжаттарына, жоо Жарғысына, университет ректорының (проректорының) бұйрықтары мен өкімдеріне сәйкес жүргізіледі. 1. Оқу сабақтарын ұйымдастыру Оқу қыхметін ұйымдастыру академиялық күнтізбе, оқу сабақтарының кестесі негізінде жүргізіледі. Қорқыт Ата атындағы ҚМУ оқу сабақтары оқу ісі жөніндегі проректор-бірінші проректормен бекітілген сабақ кестелеріне қатаң сәйкестікте өткізіледі. Аудиториялық сабақтардың кестеге сәйкес өткуіне тексеру жүргізу жоспарлы түрде жүргізіледі: Оқу процесін ұйымдастыру бөлімінің (ОПҰБ) қызметкерлерімен; деканат қызметкерлерімен; кафедра меңгерушілерімен, Оқу сабақтарының мониторингі бейнебақылау арқылы да өткізіле алады. Тексеру барысында анықталған сәйкессіздіктер сабақтың бұзылуы немесе болмай қалуы болуы мүмкін. Бұзылуы - оқытушының кестедегі оқу сабағына 5 минуттан аса кешігуі, сабақты уақытынан бұрын аяқтау, оқу сабағын бөгде адамның өткізуі (жоқ оқытушының орнына кафедра меңгерушісінің ұсынысына сәйкес басқа оқытушымен ауыстырудан бөлек), дәлелсіз себептермен сабақ күнін, уақытын немесе аудиторияны ауыстыру . Болмай қалу – өтілмеген сабақ (студенттердің немесе оқытушының келмей қалуы). 2. Оқытушылардың міндеттері Сабақты кестеде көрсетілген уақытта, лекцияға (семинарлық, зертханалық сабақтар) қатысушы студенттердің санына қарамастан бастау. Студенттер сабақ басталғаннан кейін 15 минут бойына сабаққа толық қатыспаған кезде оқытушы бұл туралы факультет деканатына мәлімдеме жасап, әрі қарай басшылықтың нұсқаулығымен әрекет етуі тиіс. Барлық оқу сабақтарының түрлерін өткізу барысында оқытушы Қорқыт Ата атындағы ҚМУ Жарғысын, ішкі тәртіп ережелерін және Студенттің ар-намыс кодексін бұзуға әкелетін іс-әрекеттер жасамауы тиіс. 3.Оқу сабақтарын жүргізу тәртібі Оқу процесін ұйымдастыру бөлімінің (ОПҰБ) қызметкері деканат қызметкерімен бірге сабақ кестесі негізінде оқу сабақтарына тексеру жүргізуге мсіндетті. Оқу процесінің сәйкессіздік фактісі анықталған кезде ОПҰБ қызметкері оқу ісі жөніндегі проректор-бірінші проректордың атына мәлімдеме жазуға (1 Қосымша) және түпнұсқасын Академиялық мәселелер жөніндегі департамент директорына, мәлімдеме көшірмесін – факультет деканына немесе деканның орынбасарына беруге тиіс. ОПҰБ қызметкерінің оқу сабақтарының сәйкссіздігі туралы мәлімдемесінде келесі ақпараттар болуы тиіс: сабақтың өту күні мен уақыты, кесте бойынша оқытушының ТЕӘ, пәннің атауы, оқу сабағының түрі, аудитория; сәйкессіздік түрі көрсетілсін (бұзылуы, болмай қалуы); мәлімдеме соңында тексеру күні және тексерушінің, деканат қызметкерінің (немесе декан орынбасарының) визасы тұруы тиіс. Сәйкессіздік анықталған жағдайда оқытушы оқу ісі жөніндегі проректор-бірінші проректордың атына себептерін көрсетіп, түсініктеме беруі тиіс, оған кафедра меңгерушісі қолын қояды. Оқу процесіне сәйкессіздік фактісі бірінші рет анықталған кезде факультет деканы шара көреді. Оқу процесіне сәйкессіздік бірнеше рет анықталған кезде академиялық мәселелер жөніндегі департамент директоры оқу процесін бұзған оқытушымен әңгімелесу өткізіп, себебін анықтайды, оқу ісі жөніндегі проректор-бірінші проректордың атына мәлімдеме жасап, тиісті шара қолдану туралы ұсынысын көрсетеді. Оқытушы түсініктеме беруден бас тартқан кезде ОПҰБ қызметкерлері тиісті акті жасайды (2 Қосымша). Берілген ақпаратқа талдау жасау негізінде оқу ісі жөніндегі проректор-бірінші проректор факультет деңгейінде әкімшілік шара қабылдау немесе университеттің Академиялық мәселелер жөніндегі департаментіне беру туралы шешім қабылдайды. 1 Қосымша Оқу ісі жөннідегі проректорға ОПҰБ-нен_________________________ ___________________________ (т.е.ә.) Мәлімдеме ___________________________________ факультетінің оқу сабақтарына «___»_______201__ж. сағ. _____ тексеру жүргізген кезде _____________________________________кафедрасының __________________________ академиялық тобында _____________________________ пәні бойынша оқытушы _____________________________________ оқу сабағын (лекциялық, практикалық, СОӨЖ, зертханалық) өткізбегені/бұзғандығы тіркелгені туралы Сіздің назарыңызға жеткіземін. Күні
Тексерушінің лауазымы, қолы Деканат қызметкерінің лауазымы, қолы 2 Қосымша Қорқыт Ата атындағы Қызылорда мемлекеттік университеті Қызылорда қ-сы, «_____» _______________20__ ж. Оқу процесінің сәйкессіздігі анықталғаны туралы АКТІ Біз, төменде қол қоюшылар ______________________________________________________________ (Т.Е.Ә., қызметі, құрылымдық бөлімше) _______________________________________________________________ (Т.Е.Ә., қызметі, құрылымдық бөлімше) _______________________________________________________________ (Т.Е.Ә., қызметі, құрылымдық бөлімше) _______________________________________________________________ (Т.Е.Ә., қызметі, құрылымдық бөлімше) «_____» _______________20__ ж. төмендегілер туралы осы актіні жасадық: ______________________________________________________________ _______________________________________________________________ ______________________________________________________________________________________________________________________________ ______________________________________________________________ Осы уақытқа дейін оқытушы түсініктемесін ұсынған жоқ. Акті жасаған тұлғалардың қолдары: ___________________________(қолы)_______________________________ ___________________________(қолы)_______________________________ ___________________________(қолы)_______________________________ ___________________________( қолы)______________________________ ___________________________(қолы)_______________________________ Осы актімен таныстырылды: ________________________( қолы)_________________________________ БІЛІМ АЛУШЫНЫҢ ӨЗІНДІК ЖҰМЫСЫН ҰЙЫМДАСТЫРУ ЕРЕЖЕЛЕРІ Жалпы ережелер 1. Ережелер университеттегі оқытудың кредиттік жүйесі бойынша іске асырылатын жоғары білімнің кәсіби оқыту бағдарламасы мен жоғарғы оқу орнынан кейінгі білімнің бірыңғай талаптарын айқындайды. 2. Білім алушылардың өзіндік жұмыстары (БӨЖ) - өз бетінше оқуға берілген, оқу-әдістемелік әдебиеттермен және ұсынымдармен қамтамасыз етілген, тест, бақылау жұмыстары, коллоквиумдар, рефераттар, шығармалар мен есеп берулер түрінде алынатын тақырыптардың нақты тізбесі бойынша жасалатын жұмыс; білім алушының санатына қарай ол студенттің өзіндік жұмыстары (СӨЖ), магистранттың өзіндік жұмыстары (МӨЖ) және докторанттың өзіндік жұмыстары (ДӨЖ) болып бөлінеді; БӨЖ-дің барлық көлемі білім алушылардан күнсайын өзіндік жұмыстарды талап ететін тапсырмалармен расталады. 3. Оқытушының басшылығымен жүргізілетін білім алушының өзіндік жұмысы (ОБӨЖ) бекітілген кесте бойынша оқытушының басшылығымен жүргізілетін білім алушының аудиториядан тыс жұмысы; білім алушының санатына қарай ол: оқытушының басшылығымен жүргізілетін студенттің өзіндік жұмысы (ОСӨЖ), оқытушының басшылығымен жүргізілетін магистранттың өзіндік жұмысы (ОМӨЖ) және оқытушының басшылығымен жүргізілетін докторанттардың өзіндік жұмысы (ОДӨЖ) болып бөлінеді. Білім алушының өзіндік жұмысы оқу жоспарына сәйкес белгілі бір пәнді меңгеру барысында алған білімнің сапасын, тереңдігі мен беріктігін арттыруға, сонымен болашақ кәсіби қызметінде де қолдана алатын студенттің өзіндік іздену, өзіндік даму мен өзіндік жетілу дағдыларын қалыптастыруға бағытталған оқу үрдісінің маңызды бөлігі болып табылады. 4. Студенттің өзіндік жұмысын ұйымдастыру оқу үрдісін ұйымдастырудың басқа да түрлерімен өзара байланысын көздейді, атап айтқанда: - пән тақырыптарын меңгерудегі білім алушының өзіндік жұмысы орнының айқындалуы; - дәрістік және тәжірибелік сабақтардың білім алушының өзіндік жұмысына бағытталуы; - білім алушының өзіндік жұмысын ұйымдастыру түрінің, әдіс-тәсілдерінің таңдалуы; - білім алушыларға өзіндік жұмыс тапсырамаларын орындау бойынша әдістемелік нұсқаулықтардың жасалуы; - білім алушының өзіндік жұмысын сабақтардың басқа түрлерімен үйлестірілуі. 5. Білім алушылар өзіндік жұмысты ұйымдастыру ережелерін, нормалары мен талаптарын білуі тиіс. 6. Өзіндік жұмыс барысында білім алушы оқу үдерісінің белсенді қатысушысы ретінде еркін түрде сыни және креативті ойлау, өзінің пікірін дәлелдеп қорғау дағдыларына ие болады. 7. Өзіндік жұмыс түрлері, олардың еңбек сыйымдылығы, формалары мен бақылау мерзімдері әр пәннің силлабусында көрсетіледі. БӨЖ түрлері мен формаларының мысалдары: - Реферат – әдебиеттерге міндетті түрде шолу жасай отырып, мәселені жазбаша мазмұндау немесе ғылыми жұмыстың, кітаптің мазмұнын талдай отырып баяндау. - Коллоквиум – оқу материалын меңгеру сапасын анықтау мақсатымен пәннің оқылған тақырыптары бойынша сұхбаттасу түрінде өткізілетін білім алушының өзіндік жұмысын бақылау формасы. - Эссе – сын, публицистика және сол сияқты т.б. жанрдағы өзекті мәселе бойынша өзінің жеке көзқарасының жазбаша түрдегі мазмұндамасы. - Мақсаттар ағашы – мәселені таңдап, деңгей бойынша мақсаттарын белгілеуді; барлық деңгейдегі тапсырмалар мен оларды орындау алгоритмін анықтауды; мақсатқа жету жолдарын анықтауды; жұмыс сапасының көрсеткіштері мен тапсырманы бақылау түрлерін таңдауды көздейтін тапсырма. - Презентация – белгіленген мәселе бойынша негізгі қағидаларды слайд, бейнеролик және т.б материалдар арқылы көрсете отырып жасайтын ауызша баяндама. - Жағдаяттық тапсырма – әртүрлі жағдайлардың сипаттамасы мен оларға байланысты тапсырмалар тізімдемесі. - Іскерлік ойындар – білім алушының болашақ кәсіби қызметіне байланысты дағдыларды қалыптастыруға бағыттылған және алдын-ала дайындық пен өз бетінше аяқтауды талап ететін кез-келген процестің имитациясы. - Топтық жоба – 3-5 білім алушыдан тұратын топтың жоба жасауына арналған тапсырма. - Жеке жоба – дайындық деңгейі жоғары білім алушылар үшін өзекті тақырып бойынша зерттеу жобасын әзірлеуге арналған тапсырма. - Глоссарий (тізбек сөздер) – берілген тақырып бойынша терминдер мен түсініктердің қысқаша анықтамасы. 8. Әр пән бойынша өзіндік жұмыс түрлері мен формалары пәннің ерекшелігіне, мақсат-міндеттеріне, күрделілігі мен өзектілігіне, білім алушылардың дайындық деңгейіне, пәннің еңбек сыйымдылығына қарай анықталады. 9. Білім алушының өзіндік жұмысының технологиялық элементтері ретінде өзіндік жұмысты жоспарлау мен ұйымдастыру, оның орындалуын бағалау мен бақылау, БӨЖ-ді талдау мен жетілдіру болып табылады. 10. Білім алушының өзіндік жұмысын факультет, кафедра, әр оқытушы сәйкес келетін оқу-әдістемелік құжаттарды жасау арқылы жоспарлайды. 11. Білім алушының өзіндік жұмысын деканат, оқу үдерісін жоспарлау және ұйымдастыру бөлімі, кафедра және осы академиялық топта сабақ беретін оқытушы үйлестіріп отырады. 12. Академиялық мәселелер жөніндегі департамент БӨЖ-дің әдістемелік қамтамасыз етілу мәселелері бойынша оқытушы-профессорлық құрамы үшін семинарлар өткізіп кеңес береді, БӨЖ формалары мен түрлері бойынша әдістемелік нұсқаулықтар мен ұсыныстарды сараптайды, білім алушылардың үлгерімін талдау негізінде БӨЖ ұйымдастырылуын жетілдіру бойынша ұсыныстар жасайды. 13. Деканат аудиториялық қорды ескере отырып, ОБӨЖ және оқытушылардың кеңес беру кестелерінің оңтайлы құрастырылуын қамтамасыз етеді, сондай-ақ білім алушылардың үлгерімін бақылап отырады. Кафедра: - кредиттің анықтамасына сәйкес дәріс, практикалық және зертханалық сабақтар мен БӨЖ арасындағы оптималды қатынастың анықталуын; - дәріс, практикалық, зертханалық сабақтар мен БӨЖ мазмұны және көлемінің құрылымдануын; - білім алушылардың әр тақырып бойынша білімін бағалау критерийлерінің құрастырылуын; - оқу жұмыс жоспарында бекітілген көлемдегі пәннің оқу жұмыс бағдарламасының орындалуын қамтамасыз етеді 14 Оқытушы: - БӨЖ ұйымдастырылуы бойынша әдістемелік материалдардың және әдебиеттер көздері бойынша ұсыныстардың жасалуын; - тапсырмаларды орындауға қойылатын талаптардың, әр БӨЖ тапсырмасы бойынша бақылау мерзімдері мен түрлерінің, бағалау көрсеткіштерінің жасалуын; - білім алушар өзіндік жұмысының, оның ішінде тапсырмалардың түрлері мен күрделілік деңгейі бойынша дифференциациялануын қамтамасыз етеді. 15. Білім алушылардың өзіндік жұмысын ұйымдастырудағы оқытушының негізгі міндеті: - білім алушының оқу, ғылыми-зерттеу, практикалық жұмыстарын өз бетінше атқару дағдыларының қалыптасуына жағдай жасау; - білім алушылардың кәсіби, ғылыми және тәжірибелік қызығушылығын дамытуға мүмкіндік туғызу; - болашақ мамандардың кәсіби маңызды қабілеттері, білімдері мен дағдыларының қалыптасуына себепкер болу; -білім алушылардың тұлғалық шығармашылық қабілеттерінің дамуына жағдай жасау. 2. Білім алушының өзіндік жұмысының мазмұнына қойылатын талаптар 16. Өзіндік жұмыстың мазмұны академиялық кезеңдегі өзіндік жұмыстың көлемін, тапсырмалардың саны мен сипатын, олардың еңбек сыйымдылығы мен орындалу мерзімдерін, ағымдағы және аралық бақылау түрлерін көрсету арқылы оқу-әдістемелік кешенде, силлабуста анықталады. 17. БӨЖ тапсырмаларын рәсімдеу талаптары: пәнді оқудың толық кезеңіне арналған БӨЖ кестесі; пәннің негізгі бөлімдеріне сәйкес тапсырмалар жүйесі; рефераттар, баяндамалар, эссе, есептер және т.б. тақырыптары; БӨЖ тапсырмаларының мазмұнына, көлеміне және рәсімделуіне қойылатын талаптар; негізгі және қосымша әдебиеттер тізімі; кеңестік жәрдем түрлері; бағалау критерийлері; жұмыстың тапсырылу мерзімі. 18. Өзіндік жұмыстың мазмұнына қойылатын талаптар: тапсырманы немесе ұжымдық жұмыстың бір бөлігін студентжеке өз бетімен орындау керек; белгілі тақырып немесе оның бір бөлігі бойынша өзекте мәселелер талқыланып шешімі шығарылатын толығымен аяқталған жұмыс (немесе бір сатысы) болып табылу керек; қарастырылып отырған мәселені шешудегі автордың құзыреттілігін көрсете білу керек; оқу, ғылыми және/немесе практикалық бағдар мен маңыздылыққа ие болу керек; белгілі бір ғылыми жаңалық элементтері (егер де ол ғылыми-зерттеу еңбек болса) болу керек. 19. Білім алушының өзіндік жұмысын қабылдап бағалау кезінде қойылатын шарттарды міндетті түрде көрсету керек, яғни: қойылған мақсат-міндеттерге сәйкес тақырыбы көрсетілген жұмыс мазмұнының толықтығы мен тереңдігі бағаланады; әдеби дерек көздерге шолу жасау дәрежесі бағаланады; жұмысты орындаудағы дербестілік дәрежесі бағаланады; материалды нақтылығы мен сауаттылығы бағаланады; жұмыстың қорытындысы мен талдау дәрежесі бағаланады; пәннің теориялық мәселелерін қорытындылау қабілеті бағаланады; тапсырманы рәсімдеудегі техникалық талаптардың сақталуы бағаланады; қорғау кезіндегі жауаптың толықтығы бағаланады; -қосымша сұрақтарға берген жауабы бағаланады; өз көзқарасын дәйектей алуы бағаланады; және т.б. 20. Пәнді оқытудағы бір семестрдегі БӨЖ тапсырмаларының саны 5-тен аспауы керек. 21. Әр БӨЖ тапсырмасы оқытушының белгілеген балы бойынша бағаланады. 22. Әрбір білім алушы академиялық кезең басталғанға дейін БӨЖ-ді орындау туралы қағаз немесе электронды тасымалдағыштардағыәдістемелік нұсқаулықтармен қамтамасыз етілуі тиіс. Онда тапсырмалардың мақсаты, тақырыптары мен мазмұны; ұсынылатын әдебиеттер тізімі; есеп формалары мен бақылау кестесі; бағалау талаптары көрсетулге тиіс. 23. Пәнді оқытудың тиімділігі үшін білім алушының өзіндік жұмысын келесідегідей ұйымдастыруға болады: - негізгі қызмет білім алушыға жүктелетін аудиторияда тыс жұмыс (дәріс, практикалық және зертханалық сабақтарға дайындық, рефераттар мен баяндамалар жазуы, презентация дайындау, есеп шығару, басқа да үй тапсырмаларын орындау); - негізгі қызмет білім алушымен қатар оқытушыға жүктелетін белсенді түрдегі аудториялық жұмыс (үй жұмысына дайындалумен қатар, сабақ кезіндегі жұмыс – тренинг, диспут, іскерлік ойындар, презентациялар, логикалық есептер, кейстер және т.б.). 24. БӨЖ-дің орындалуы мен ұйымдастырылуын бақылау кафедраның БӨЖ кестесіне сәйкес жүзеге асырылады. 25. БӨЖ-ді орындау мен ұйымдастырудың барлық түрі кеңес беру, аралық бақылау есептері, оқытушының БӨЖ тапсырмаларын қабылдау және т.б. кестелердің, жеке пәндер бойынша БӨЖ бақылау журналдарының болуын талап етеді. 26. Білім алушының өзіндік жұмысының жалпы көлеміне оқытушының басшылығымен жүргізілетін білім алушының өзіндік жұмысы (ОБӨЖ) кіреді. 27. ОБӨЖ көлемі БӨЖ-дің жалпы көлемінің 25-50% құрайды және оқытушының академиялық мерзімдегі педагогикалық жүктемесі бойынша анықталады:жүктеме 1-4 кредит болған жағдайда офис-сағаттар саны аптасына 1 академиялық сағатын құрайды, сәйкесінше 5-9 кредит – 2 сағат, 10-15 кредит – 3 сағат. 28. Кәсіби пәндер бойынша ОБӨЖ академиялық топтарда, жалпыға міндеттер пәндер бойынша білім алушылардың саны 50-ден аспайтын академиялық ағымдарда ұйымдастырылуы тиіс. 29. Оқытушының басшылығымен жүргізілетін білім алушының өзіндік жұмысының кестесі негізгі оқу кестесінен бөлек құрастырылады. 30. ОБӨЖ барысында үй жұмысын, курстық, семестрлік және бақылау жұмыстарын, есептер мен басқа да тапсырмаларды орындау бойынша кеңес беріліп, ағымдағы және аралық бақылау жүргізіледі. 31. Егер БӨЖ тапсырмасының орындалуы қиындық тудырмаса, білім алушы кестеге сәйкес ОБӨЖ сабағына қатыспауына болады. 32. ОБӨЖ кестесінде көрсетілген уақытта оқытушының аудиторияда болуы міндетті. 33. ОБӨЖ семинарлар, практикалық немесе зертханалық сабақтарға алмастырылмайды. БІЛІМ БАҒДАРЛАМАЛАРЫН ӘЗІРЛЕУГЕ ЖӘНЕ САРАПТАУҒА АРНАЛҒАН ӘДІСТЕМЕЛІК ҰСЫНЫМДАР ТЕРМИНДЕР, АНЫҚТАМАЛАР, ҚАСҚАРТУЛАР Осы Әдістемелік ұсынымдарда келесі негізгі терминдер, анықамалар мен қысқартулар қолданылады: Біліктілік – кәсіби қызметтің нақты түрін немесе нақты еңбек міндеттерін орындауға даярлау (дайындық) деңгейінің сипаттамасы; Біліктілік деңгейі – қызметкердің құзыреттеріне қойылатын талаптар жиынтығы, еңбек әрекеттерінің стандарттантыс, күрделілік, жауапкершілік пен өз бетіндік параметрлері бойынша жіктелінеді; Құзыреттілік – білімді, икемділік пен тәжірибені еңбек қызметінде қолдана білу қабілеті; Біліктіліктердің ұлттық шеңбері – еңбек рыногында мойындалатын біліктілік деңгейлерінің құрылымдандырылған сипаттамасы. Кәсіби қызмет саласы – жалпы интеграциялық негізі бар (ұқсас немесе жауық бағыттар, нысандар, технологиялар, оның ішінде еңбек құралдары) және еңбек атқарымдары мен оларды орындауға арналған ұқсас құзыреттіктер жиынтығын көздейтін салалық еңбек қызметі түрлерінің жиынтығы; Кәсіби қызмет нысаны – ықпал ету бағытталған жүйелер, нысандар, құбылыстар, үдерістер; Негізгі білім бағдарламасы (оқыту деңгейоері бойынша) – оқу жоспарын, оқу курстарының, сабақтардың, пәндердің (модульдердің) жұмыстық бағдарламаларын және білім алушыларды тәрбиелеу мен даярлау сапасын қамтамасыз ететін басқа материалдарды, сондай-ақ оқу және өндірістік іс-тәжірбелердің бағдарламаларын, күнтізбелік оқу кестесін (академиялық күнтізбе) және тиісті білім технологиясын іске асыруды қамтамасыз ететін әдістемелік құралдарды қамтитын оқу-әдістемелік құжаттамалар жиынтығы; Кәсіби стандарт – нақты кәсіби қызмет саласында біліктілік пен құзыреттілік деңгейіне, еңбек мазмұнына, сапасы мен жағдайларына қойылатын талаптарды айқындайтын стандарт; Кәсіп – еңбек қызметінің түрі, арнайы даярлық, жұмыс тәжірибесі нәтижесінде алынған арнайы теориялық білімдер мен іс-тәжірибелік дағдылар кешенін игеруді талап етеді; Бейін – білім бағдарламаларының нақты бағытын айқындайтын, кәсіптің өзіне тән негізгі сипаттарының жиынтығы (даярлық, мамандықтар, маманданулар бағыттары); Оқыту нәтижелері – игерілген білімдер, икемдіктер, дағдылар мен меңгерілген құзыреттіліктер; Еңбек атқарымы –бизнес-процестерді айқындайтын еңбек әрекеттері мен оларды орындау үшін қажетті құзыреттердің болуын көздейтін интеграцияланған және салыстырмалы автономды жиынтықты білдіретін еңбек қызметінің құрамдас бөлігі; Білім деңгейі – нақты көлем мен күрделілік деңгейіндегі аяқталған білім циклының нысандандырылған көрсеткіші, оның негізгі сипаттамалары федералды мемлекеттік білім стандартымен айқындалады. Осы әдістемелік ұсынымдарда мемлекеттік білім стандарттарына сәйкес келесі қысқартулар қолданылады: МЖБС (ГОСО) – мемлекеттік жалпы білім беру стандарты Қорқыт Ата атындағы ҚМУ – Қорқыт Ата атындағы Қызылорда мемлекеттік университеті ББ –білім бағдарламасы ТОЖ – типтік оқу жоспары ПОӘК – пәннің оқу-әдістемелік кешені 1. Қолдану саласы Осы әдістемелік ұсынымдар Қорқыт Ата атындағы Қызылорда мемлекеттік университетінің жоғары және жоо кейінгі білімінің білім бағдарламаларын жасау, бекіту және сараптау ережелерін айқындайды. Әдістемелік ұсынымдар университет кафедраларында қолданылуға міндетті. 2. Нормативтік сілтемелер Осы әдістемелік ұсынымдар: Қазақстан Республикасының 2007 жылғы 27 шілдедегі № 319-III ЗРК «Білім туралы» Заңына (03.12.2015ж өзгертулер мен толықтырулары арқылы); ҚР Үкіметінің 2012 ж. 23 тамыздағы №1080 қаулысымен бекітілген жоғары және жоо кейінгі білімнің Мемлекеттік жалпы білім беру стандартына (ҚР Үкіметінің 13.05.2016ж №292 қаулысымен редакцияланған); Қазақстан Республикасының Стандарттау, метрология және сертификаттау комитетінің 16.10.1999 жылғы №22 Қаулысымен бекітіліп, іске енгізілген Қазақстан Республикасының 01-99 «Сабақтар жіктеуіші» Мемлекеттік Жіктеуішіне; Қазақстан Республикасы Білім және ғылым министрінің 2012 жылғы 28 қыркүйектегі №444 және Қазақстан Республикасы Еңбек және халықты әлеуметтік қорғау минстрінің міндетін атқарушысының 2012 жылғы 24 қыркүйектегі №373-ө-м бірлескен бұйрығымен бекітілген Ұлттық біліктілік шеңберлеріне; Қызмет бағыттары бойынша кәсіби стандарттарға; ҚР БҒМ-ң 2011 ж. 20 сәуірдегі №152 бұйрығымен бекітілген Кредиттік ттехнологиямен оқыту бойынша оқу үдерісін ұйымдастыру ережелеріне (28.01.2016ж. өзгертулер мен толықтырулар арқылы) сәйкес әзірленді. 3. Жалпы ережелер Жоғары және жоо кейінгі білім МЖБС сәйкес университеттің бітіртуші кафедралары мамандықтар бойынша оқыту нәтижесіне бағдарланған білім бағдарламаларын өз бетінше әзірлейді. Білім бағдарламаларын әзірлеу жұмыс берушілермен бірлесіп бітіртуші кафедрамен жүргізіледі. Білім бағдарламалары оқу жылының басында әзірленеді. Білім бағдарламаларын қайтадан бекіту білім саласын реттейтін нормативтік-құқықтық актілер өзгерген кезде жүргізіледі. Білім бағдарламаларының құрылымы, жасау тәртібі, қайта қарау, сараптау Қорқыт Ата атындағы ҚМУ Академиялық мәселелер департаментімен жұмыс берушілердің келісімі арқылы айқындалады. Білім бағдарламаларын Қорқыт Ата атындағы ҚМУ оқу ісі жөніндегі проректор-бірінші проректор бекітілген тәртіпте, жұмыс берушілердің және Даярлық бағыттары бойынша академиялық кеңестің келісімі арқылы бекітеді. Білім бағдарламаларының сапасына бітіртуші кафедра жауапкершілік арқалайды. 4. Білім бағдарламасын әзірлеу тәртібі жүктеу/скачать 0,8 Mb. Достарыңызбен бөлісу:
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||