Бөлімшедегі дәрілік заттардың сақталуына қойылатын жалпы талаптар
Дәрілік заттар сақтау үшін арнайы шкафтар, тоңазытқыштар және сейф болады. Олар мейірбикенің қызмет орнында сақталады. Олар жақсы жабылуы және сол жердегі мейірбике оларды бақылап тұруы тиіс.
Дәрілерді сақтауға арналған процедура кабинетіндегі шкафтар, тоңазытқыш және сейф.
Шкафта дәрілік заттардың сақталу ережесі
Шкафқа дәрілер тобы бойынша (стерильді, ішетін, жағатын) бөлек сөрелерге орналастырылады. Әр сөренің өзіне сай жазуы болуы тиіс. Сөредегі дәрілерді олардың түрлеріне қарай орналастырған дұрыс. Артқы жағына ірі, алдыңғы жағына кішілеу ыдыстар қойылады. Бұл кез келген этикетканы оқып, өзіне керектісін алуға мүмкіндік береді.
