2..1 Б.Майлин шығармаларындағы ұлттық-танымдық бірліктердің
лингвомәдени мәні
2.1 Тіл біліміндегі лингвомәдениеттанымдық зерттеулер
2.1 Қазақ тіліндегі лингвомәдениеттанымдық зерттеулер
ХХ ғасырдың 90-жылдары лингвистика мен мәдениеттану ғылымдарының тоғысында жаңа сала – лингвомәдениеттану пайда болды. Аталған жаңа ғылым саласында В.Н.Телия, В.В.Воробьев, Н.И.Толстой, Ю.Д.Апресян, Е.А.Яковлева, В.А.Маслова, А.Д.Шмелев сынды ғалымдардың еңбектері маңызды саналады.
Лингвомәдениеттану – тіл мен мәдениеттің өзара байланысы мен өзара әсері туралы ғылыми білімдердің кешенді саласы бүгінгі таңда гүлдену дәуірін бастан кешуде.
Лингвомәдениеттанудың мақсаты – тілдік бірліктің артында тұрған, тілдің үстірт құрылымдарын олардың терең мәнімен салыстыруға, басқа сөзбен айтқанда, мәдени кеңістікті тіл мен дискурстың призмасы арқылы зерттеу мен сипаттауға мүмкіндік беретін мәдени фонды және қатысымдық кеңістіктің мәдени фонын көруге көмектесу.
