Программалау тілдері туралы

Тармақталу алгоритмінің құрылымы қарапайым болып келеді . Мұнда арифметикалық теңсіздік ( теңдік ) түрінде берілген логикалық шарт тексеріледі . Егер ол орындалса , онда алгоритм бір жолмен , ал орындалмаса екінші жолмен жүзеге асырылады , яғни есепті шығару жолы тармақталып екіге бөлініп кетеді . Тармақталу алгоритмдеріне шартты тексеру блогы міндетті түрде кіреді . Ол ромб түрінде кескінделеді .

Мұнда x айнымалысының таңбасына ( оң , теріс ) байланысты не жоғарғы , не төменгі формуланы таңдап алып , сол арқылы у функциясының мәнін табамыз .

2- блоктың орындалу барысында x айнымалысына белгілі бір мән беріледі де , ол мән енгізу операторлары арқылы программаға енгізілуі тиіс .
Бұдан кейін енгізілген мәннің оң немесе теріс екендігі үшінші шартты тексеру блогы арқылы айқындалады . Шарттың " ақиқат " ( иә ) немесе " жалған " ( жоқ ) болуына байланысты 4 - не 5 - блоктардың бірі ғана орындалып , " таңдау " орындалады . 6 блок х айнымалысының және у функциясының сандық мәндерін экранға немесе қағазға басып шығарады.

Математикада , экономикада көптеген есептерді шығару кезеңінде бір теңдеуді пайдаланып , ондағы айнымалының өзгеруіне байланысты оны бірнеше рет қайталап есептеуге тура келетін сәттер де жиі кездеседі . Осындай қайталап орындалатын есептеу процесінің белгілі бір бөліктерін цикл деп атайды . Осы бірнеше рет қайталанатын бөлігі бар алгоритмдер тобы циклдік алгоритмдерге жатады . Циклдік алгоритмдерді пайдалану оларды кейіннен программаларда цикл операторы түрінде қысқартып жазу мүмкіндігін береді . Циклдер қайталану санының алдын ала белгілі және белгісіз болуына байланысты екі топқа бөлінеді . Қайталану сандары алдын ала белгілі болып келген Циклдер тобы арифметикалық цикл болып есептеледі , ал орындалу саны белгісіз циклдер-қадамдық ( итерациялық ) цикл болып аталады .
Практикада белгілі бір айнымалының сандық мәніне байланысты орындалатын арифметикалық циклдер жиі кездеседі . Мұнда арифметикалық прогрессияға ұқсас болып келетін циклдер ең қарапайым арифметикалық цикл болып табылады . Оны басқару қайталану кезеңінде прогрессияның заңына сәйкес тұрақты шамаға өзгеріп отыратын цикл параметрінің сандық мәнімен байланысты болуы тиіс .

Цикл орындалуы алдында оның айнымалы аргументі параметрі алғашқы мәнге ие болуы керек , сонан кейін қайталану кезеңінде цикл параметрі белгілі бір шамаға ( қадамға ) өзгере отырып , ол алдын ала берілген ең соңғы мәнге дейін жетуі қажет .

Арифметикалық цикл үшін y = f ( x ) функциясын есептеу алгоритмі суретте көрсетілген . Мұндағы 3 - ші , 4 - ші , 7 - блоктар циклді ұйымдастыру үшін қажет.Олар цикл параметрінің алғашқы мәнін , өзгеру қадамын белгілеп және ОНЫҢ ең соҢҒЫ мәніне жеткен - жетпегенін тексереді . Ал 5 - және 6 - блоктар бірнеше рет қайталанып циклдің өзін құрайды . 4 - блок шартты тексеріп қайталану процесін ұйымдастырады .

Алгоритм схемасын салу мен программаны жазуды жеңілдету үшін ЦИКЛ алгоритмдері ықшамдалған түрде " модификатор " немесе " цикл басы " блогын пайдалану арқылы жазылады . Сонда жоғарыдағы суретте көрсетілген 3 - ші , 4 - ші , 7 блоктардың орнына " цикл басы " блогы орналасады .