Психокоррекция бағыты индивидтің бүтіндік дамуы мен қызметіне психологиялық әсер ету болып табылады
жүктеу/скачать 1,41 Mb. Pdf көрінісі
|
| 2.1.
Танымдық процестерін дамытуға арналған психологиялық тренингтер. 1-ші сабақ 1. Танысу. Қатысушылар шеңбер бойына отырып, өз есімдері мен ойынын атайды. Мұнан соң көршісінің қолын қысып, үнсіз қол жылуын жібереді. Бір-бірінің көздеріне қарап, күлімсіреп ойша жақсы көңіл-күй тілейді. Жаттығудың жүргізілуі: үш немесе одан да көп сөзден құралған сөз тіркесі айтылады (ағаш, құс, отыр), допты ұстаған қатысушының міндеті осы сөз тіркесін кері қарай айту(отыр құс ағаш). Тек сөз тіркестері ғана емес мағыналары байланыспайтын сөздерді де пайдалануға болады. Мысалы, жылқы лимон ұшақ. Ойыншы жауапты кері қатармен атауы тиіс. Ойынның күрделілігі берілген сөздердің санына байланысты. 2. «Сүйікті пән» (қар үйіндісі). Балалар шеңбер бойына тұрып өз есімдерімен сүйікті пәнін айтып келесі ойыншыға жіп орамын жібереді. Ол бірінші баланың есімімен сүйікті пәнін атап одан кейін өз есімін атайды. Осылай жалғаса береді. Шатасқан жіп нәтижесінде топта бірлік пен ұйымшылдық орнағандай сезіледі. 3. «Кішкентай қоңыз» Мақсаты: алғашқа сақтық епн үрейді түсіру, топтың дербес белсенділік деңгейін анықтау. Жаттығудың жүргізілуі: балалар жргізушінің артына сапқа тұрады, жүргізуші топқа арқасымен қарап, қолтығының астынан алақанын ашық күйінде қалдырады. Жүргізуші балалардың қайсысының оның қолына тигенін табу керек (бет келбеті, қозғалысы). Жүргізуші дұрыс тапқанша жүргізіледі. 4. «Сіріңкелермен бас қатырғыш» Мақсаты: бейнелі ойлауды жаттықтыру. Жаттығудың жүргізілуі: тапсырма әртүрлі болуы мүмкін. Белгілі сіріңке санынан берілген тапсырманы, санды немесе санды құрастыру. Ойын ережесі бойынша сіріңкелер шешім дайын болғанда ғана жайып көрсетіледі. Шешім шығару барысында мұны жасап көруге болмайды. Шешімді тек ойша іздеу қажет. А) екі сіріңкені сындырмай қалай он санын жасауға болады; Б) үстелде көлденең жатқан 5 сіріңкеге тағы 4 сіріңке қосып 3 шығарыңыз; В) үш сіріңкені сындырмай , 6 шығаруға болады ма? 5. Психогимнастика «нәзік марғау» Балалар қайырымды содан кейін ашулы мысықты бейнелейді. 6. «Менің отбасым» суреті. 7. «Сөздер жұбы» Мақсаты: есті дамыту. Жаттығудың жүргізілуі: жұп сөздердің екіншісін есте сақтау: 19 мысық – сүт, бөлке - май, бала - машина, қыс –сырғанақ, үстел –пирог, тіс –щетка, өзен - көпір. 8. «Шатастырғыш» Мақсаты: зейіннің тұрақтылығы мен шоғырлануын жаттықтыру. Жаттығудың жүргізілуі: екі ойыншыдан тұратын екі топ құрылады. Әрбір топта кімнің бірінші нөмірлі, кімнің екінші нөмірлі екені анықталады. Бірінші ойыншылар екінші ойыншыға қарап дауыстап санай бастайды: бірі 100-ге дейінгі жұп сандарды атаса, екіншісі 99 ға дейінгі та санды атайды. Әрқайсысы соңғы санға қарсыласынан бұрын жетуге ұмтылады. Әрбір топтың екінші ойыншылары өз қарсыластарын мұқият тыңдап қателессе жетекшіге хабарлайды. Мұнан кейін екінші рольдегілер біріншілермен ауысады. 9. Психогимнастика (тотықұс, аққу, күнге қыздырынып жатқан итбалық, судағы итбалық, маймыл, жылан) 10. «Бірдей заттарды тап». Мақсаты: логикалық ойлауды дамыту, нысаналарды элементтері бойынша салыстырып дамытуды жетілдіру. Жаттығудың жүргізілуі: екі түрлі суретке мұқият қарап алып, ондағы бірдей заттарды табу. Бірдей затты табу ұсынылады. Мұнда баланың назары ұқсас заттардың көлемінің әртүрлі болуына аударылады. Бірдей заттар: машина, аю, доп, тасбақа, тікұшақ, қоян, ат. 11. «Шатастырғыш» Мақсаты: ойын топтық бірлікті көтеруге бағытталады. Ойынның жүргізілуі: Санамақ арқылы жүргізуші таңдалады. Ол бөлмеден шығады, басқа балалар бір бірінің қолдарынан ұстап шеңбер құрады. Қолдарын жіберместен олар қалауынша шатасады. Шатасу пайда болғанда, жүргізуші бөлмеге кіріп, балалардың қолын ажыратпай шешеді. 12. «Айналмақ» балалар бір бірінің қолдарынан ұстап күлімсірейді. |