| 6 жаттығу
Топ мүшелері шеңбер құрап отырады. Жаттықтырушы шеңбердің ортасында тұрады.
Нұсқаулық: «Қазір біздің таныстығымызды жалғастыруға мүмкіндік болмақ. Оны былай жүзеге асырамыз: шеңдердің ортасында тұрған адам (әзірге ол адамның орнында мен боламын) қандай-да бір ептілігі барларыңызға орындарыңызды ауыстыруды (орын ауыстырып отыруды) ұсынады. Қандай ептілік екенін ортадағы адам атайды. Мысалы, мен: «Көлік жүргізе алатындар орындарыңызды ауыстырыңыздар» - деп айтамын, және сол кезде көлік жүргізе алатындар орындарын ауыстырып отыруы қажет. Әрі бұл кезде ортада тұрған адам босаған бір орынға отырып үлгеруі тиіс, ал шеңбердің ортасында орынсыз қалған адам жұмысты жалғастырады. Бұл жағдайды бір-біріміз туралы кеңірек білу үшін пайдаланамыз. Сондай-ақ қандай да бір ептілік аталған кезде кімдер орындарын ауыстырғанын мұқият қадағалау қажет. Бұл бізге кейінірек қажет болады».
Жаттығу барысында жаттықтырушы қатысушыларға әртүрлі, өте қызықты, ерекше ептіліктер атауға жетелейді.
8-12-ге жуық ептілік аталғаннан кейін, жаттықтырушы жаттығуды тоқтады және нұсқаулықты жалғастырады: «Қазір әрқайысымыздың бес минут уақытымыз бар, осы уақыт аралығында, әркім өзі басқалар туралы алған ақпаратты пайдалана отырып біздің топ туралы әңгіме жазады».
Бес минуттан кейін, жаттықтырушы әрқайысына өзінің әңгімесін оқып беруін ұсынады. Әрі бұл кезде жаттықтырушы белсенділік танытады және әрбір мүмкін болған жағдайда топ мүшелерімен оң кері байланыс орнатуы тиіс.
Жаттығуды орындау барысында топтық қалыпта елеулі өзгерістер орын алады, эмоционалдық еркіндік байқалады, топтың жұмысының басына тән шиеленушілік төмендейді. Қатысушылар күтпеген қырынан, жаңа жағынан ашылады. Біздің жұмыс тәжірибеміздің барысында бірнеше рет топ туралы әңгіме өлең, репортаж, мысал, ертегі түрінде жазылған жағдайлар кездескен еді.
Достарыңызбен бөлісу: |
