ТӘУЛІКТІҢ БІРІНШІ ЖАРТЫСЫНДА ЖҰМЫСҚА ҚАБІЛЕТТІЛІКТІ АРТТЫРУҒА КӨЗДЕЛГЕН ЖАТТЫҒУЛАР
Тәуліктің бірінші жартысында топ мүшелеріне қандай да бір мәселелерге бола мазасыздануына жол бермейтін, «осы жерде және осы сәтте» жағдайына толығымен берілуіне, бір- біріне назар аударуға, топты сезінуге және амандасуға мүмкіндік беретін психогимнастикалық жаттығуларды өткізген дұрыс. Бұл жаттығуларды өткізу нәтижесінде топ мүшелерінің көңіл- күйі көтеріледі, жұмыс істеуге қолайлы жағдай қалыптасады.
8 жаттығу. Қатысушылар шеңбер құрап отырады.
Нұсқаулық: «Бүгінгі күнді былай бастаймыз: тұрамыз (жаттықтырушы тұрады, топ мүшелерінің де тұруын қадағалайды) және амандасамыз. Бір-бірімізді назарымыздан таса қалдырмай, қол беріп амандасамыз, біреумен екі рет амандасып қойдым деп қиналмаңыз. Ең бастысы-біреумен амандаспай қалмаңыз».
Барлығы амандасып болып, шеңбер құрап тұрғаннан кейін жаттықтырушы: «Бір-біріңізге мұқият қараңыз. Барлығымен амандастыңыз ба?» деген сұрақ қояды. Егерде амандаспай қалғандар болса, оларға амандасуын ұсыну керек. Одан кейін барлығы шеңбер құрап отырады да, жаттықтырушы оларға: «Көңіл- күйіңіз қалай?», «Өзіңізді қалай сезінесіз?», «Біз жұмысқа кірісе берсек болады ма?» деген сұрақтардың бірін қояды.
Егерде жаттықтырушының байқауы бойынша немесе, топ мүшелерінің жоғарыдағы сұрақтарға жауабына қарай, әзірге топ мүшелерінің біреуі жұмысқа кірісуге дайын болмаса, жаттықтырушы тағы бір жаттығуды ұсынуына болады, немесе дайын емес топ мүшелеріне: «Сізге жағдайыңыз жақсарып, тапсырманы орындауға кірісу үшін не істеу керек?» деп сұрауы қажет.
Кей жағдайда топ мүшелеріне өз жұмысқа дайындығын 10 - балдық шкаламен бағалауын ұсынуға болады: 10 балл – мен «осы сәтте және осы жерде» жағдайына егуге толықтай дайынмын, жұмысқа дайынмын, 1 балл- мен жұмысқа мүлде дайын емеспін. Топтың әр мүшесі, сондай- ақ жаттықтырушы өзіне бағалау бергеннен кейін, жаттықтырушы бағасы ең төмен болғандарға, жоғарыдағы сұрақты қоя алады.
Достарыңызбен бөлісу: |
