Құрастырушы: Мустафина Бакитгуль Амангалиевна Ақтөбе қаласы, №9 мектеп-гимназиясының

Ережені жасауда балалар белсенділік танытып, өз ойларымен бөлісіп жатты. Топқа бөлгенде, үй тапсырмасы сұралып кетті, яғни адам туралы мақал-мәтел арқылы топқа бөлді. «Адам» сөзіне ассоциация жасап, өткен тақырыпты жаңа тақырыппен байланыстырды. «Джиксо» әдісі арқылы «» мәтінімен жұмыс жүргізілді. Балалар өздерінің тобына қайтып баруы керек болғанда, таңырқағандарын байқадым, бұндай әдіспен бірінші рет жұмыс істеп тұрғасын сәл абыржып қалғандары да байқалды. Осы сабақта балалардың түсінгендерін бір-біріне айтуға қысылып отырғандарын, ал кейбір оқушының мазмұнын тобына айтып беру үшін өзінің әлі дұрыс дайын еместігін байқадым. Мұғалім оқушы жауап беруге қиналған кезде, топтастарынан көмек сұрады. Алайда бірнеше оқушы бұл жұмыс түрін өте жақсы орындады. Мұғалім әр оқушы өзінің мүмкіндігінше ауызша жауап беріп болғаннан кейін, түсінгендерін жазбаша орындатып, дәптерлерін жинап алды. Осы әдісті жүйелі қолдансақ, бала сабақта ашылады, сыныптастарына білгенін айтып беруде қысылмайды деп ойлаймын. Ең бастысы оның сөйлесім әрекеті қалыптасады. «Синквейн» әдісі арқылы сөздік қорын молайтып қана қоймай, сөз таптарын да қайталап кетуге мүмкіндік бар.

Тәлім алушым барлық сабағының соңында бағалау парақтарын таратып беріп отырды, «екі жұлдыз, бір тілек» арқылы оқушылардың өткен сабақ туралы пікірлерімен танысып отырды. Сабақ толығымен бейнежазбаға түсірілді. Кері байланыста оқушылар «маған мына сабақ ұнады», « сабақ өте жақсы өтті», «мен мына сабаққа бес қоямын» деген пікірлерін жазып қалдырыпты. Мұғалім екеуімізді қуантқан тағы бір жағдай – ол балалардың өз ойларын қазақ тілінде жазғандары, себебі мұғалім егер өз ойларыңды қазақша жаза алмасаңдар, орыс тілінде де болады деген. Блум таксономиясына негізделген сабақ үлгісін жасауда тәлім алушым екеуіміз балалар жоғары дәрежелі сұрақтарға жауап бере ала ма екен деп көп ойландық, алайда бейнежазбада көрсетілгендей, оқушылардың алғашқы талпыныстары тіпті жаман емес, бұл – қуантарлық жайт. Блум таксономиясының алты кезеңіне «Денсаулық елінде» мәтіні бойынша мұғалім екеуміз келесі сұрақтарды дайындадық:

1.Білу – Әңгіме кім туралы? Не болды? Мәтіннің мазмұнын айтып бер.

2 Түсіну – әңгіменің ең қызықты жерін ата. Неге қызық?

3.Қолдану – Сіз Әсеттің орнында болсаңыз не істер едіңіз?

4.Талдау – Әсет қандай бала? Нәркез қандай қыз?

5.Жинақтау – Әңгіменің қалай аяқталғанын қалар едіңіз? Ол үшін не істер едіңіз?

6.Бағалау – « Денсаулық еліне» Әсет неге кіре алмады? Нәркез неліктен кірді? Нәркез Әсеттен несімен ерекшеленеді?

Екпінді оқушы – Әлішер «Нәркез Әсеттен несімен ерекшеленеді?» деген сұраққа: Нәркез Әсеттен таза болып тұр, - деп жауап берді. Ал үшінші нашар оқушы Анель «Неге қызық?» деген сұраққа: Себебі ғажайып қақпаға кез болады және Нәркезді ешбір кедергісіз кіргізеді, ал Әсетті кіргізбейді,- деп жауап берді.