Gro EL/Gro ES кешенінің құрылысы

Бұл жүйе ақуыздары бір-бірімен түптерімен кіріккен екі «қазан» пайда етеді, олардың біреуі «қақпақпен» жабылған.

Әрбір «қазанның» қабырғалары және түбі шеңберленіп орналасқан Gro EL ақуызының 7 молекуласынан (субъединицадан) құрылған.

Әрбір субъединицада 3 домен болады (10 сурет):

-апикальдық («қазан» тесігінде орналасқан);

-аралық («қазанның» қабырғасын қалыптастыруға қатынасады);

-экваторлық («қазанның» түбін және «қазандар» арасындағы байланысты қалыптастырады).

«Қазан» тесігі оның басқа бөлімдеріне қарағанда тарлау болып келеді, ал орталық бөлігінің диаметрі 9 нм тең.

Е.соli жасушасында 700 ге жуық осындай кешен болады. Осы кешеннің бір «қазанының» «қақпағы» -Gro ES ақуызының 7 субъединицасынан құрылған.

«Қақпақтың» ақуызбен байланысуы Gro EL конформациясын өзгертеді. Ашық «қазанның» ішкі бетінде гидрофобтық радикалдар көптеп кездеседі, ал жабық «қазанның» ішкі бетінде-гидрофильдік радикалдар басым болады.

Ақуыз конформациясының мұндай өзгерулері АТФ гидролизі нәтижесінде бөлінетін энергия көмегімен жүзеге асады.