Развивающая социальные навыки и навыки самообучения детей раннего возраста

Ерте жастағы балаларда әлеуметтік дағдылар мен өзбетінше үйрену дағдысын дамытатын Бағдарлама (бұдан әрі – Бағдарлама) Мемлекет басшысының Қазақстан халқына «Төртінші өнеркәсіптік революция жағдайындағы дамудың жаңа мүмкіндіктері» атты Жолдауындаберген тапсырмаға сәйкес әзірленді.

Ерте жас - тұлғаның дамуындағы ең маңызды кезең. Бұл баланың алдағы өміріне қажетті әлеуметтік ортаны, заттарды және қарым-қатынасты, табиғатпен қарым-қатынас жасау тәсілдері мен адами қарым-қатынас нормаларын игеру кезеңі.

Бүгінгі күні мектепке дейінгі ұйымдармен қамту мәселесі толық шешілмеуі салдарынан балалар үй жағдайларында тәрбиеленуде. Педагог ретінде ата-аналардың арнайы педагогикалық және психологиялық білімдерінің қоры кейде жеткіліксіз болады. Ата-аналардың бала тәрбиесіне немқұрайлы қарауы бала тұлғасының қалыптасуында айтарлықтай мәселелерге, әлеуметтік бейімделудің бұзылуына әкеледі.

Баланың құнды әлеуметтік тәжірибені ересектің басшылығымен жинақтауы - бұл баланың жас ерекшелік әлеуетін ашуға және ересек өмірге табысты енуіне ықпал ететін бағыт.

Заманауи мектепке дейінгі педагогикада әлеуметтену ұғымы «тұлғаның қалыптасу процесін, оның қоғам талаптарын біртіндеп игеруін, қоғаммен өзара қарым-қатынасты реттейтін сана мен мінез-құлықтың әлеуметтік маңызды сипаттамаларын игеруді» білдіреді.

Г. М. Андрееваның пікірінше,«әлеуметтену-бұл екі жақты процесс, бір жағынан-жеке тұлғаның әлеуметтік ортаға, әлеуметтік қарым-қатынастар жүйесіне ену жолымен әлеуметтік тәжірибені игеруін, екінші жағынан - жеке тұлғаныңбелсенді әрекеті, әлеуметтік ортаға белсенді енуі есебінен әлеуметтік қарым-қатынастар жүйесін белсенді жаңғырту процесін қамтиды».