3. Суменжабдықтауға, жылытуға, жарықтандыруға және желдетуге қойылатын санитариялық-эпидемиологиялық талаптар 15. Суға арналған резервуарлар, тарататын құбыр желілері және су құбырының крандары Қазақстан Республикасында тіркелген және қолдануға рүқсат етілген материалдардан жасалады. Сумен жабдықтау жүйесінің қүрылымы судың ластануын болдырмауды және тарату құбыр желілерінен және резервуарлардан судың толық төгілуін және тазалау, жуу, дезинфекциялауды қамтамасыз етуі қарастырылады. 16. Резервуарлар су деңгейінің көрсеткішімен, ал қайта жобаланып жатқан вагондарда - судың таусылғанын білдіретін сигналды құрылғымен жабдықталады. 17. Резервуарларда, сумен жабдықтаудың құбыр желілері жүйесінде жылу оқшауландырғыш болуы тиіс. 18. Вагонның сумен жабдықтау жүйесінің су құятын құбыр үшының басы ластанудан қорғалуы қарастырылады. 19. Вагон резервуарларындағы және су бөлетін крандарындағы су органолептикалық, микробиологиялық және химиялық нормативтерге сәйкес болуы тиіс. 20. Вагонның сумен жабдықтау жүйесін дезинфекциялау Қазақстан Республикасында тіркелген және қолдануға рүқсат етілген қүралдарды қолдана отырып, деполық және күрделі жөндеуден кейін вагондарды мерзімдік техникалық тексеру кезінде жүргізіледі.
