Қазақстан Республикасының Білім және ғылым министрлігі
№1 Алматы қазақ мемлекеттік гуманитарлық - педагогтік колледжі
Реферат
Тақырыбы: "Математикалық ұғымдар"
Топ: 33 «Б»
Білім алушы: Қазыкенова Ж.М.
Пән оқытушысы: Ташкеева Ж.Т.
Алматы 2020 ж
Жоспар:
І.Кіріспе
Математиканың оқыту әдістемесі пәні, мазмұны, мақсаты мен міндеттері
ІІ.Негізгі бөлім
1.Математикалық ұғымдар
2.Ұғым анықтамасы мен көлемі
3.Ұғымдардың анықталу тәсілдері
4. Ұғымның анықтамасына қойылған талаптар
ІІІ.Қорытынды
IV. Пайдаланған әдебиеттер тізімі
І.Кіріспе
Математиканың оқыту әдістемесі пәні, мазмұны, мақсаты мен міндеттері.
Математиканың оқыту әдістемесі (МОӘ) соңғы жылдары қарқынды дамып мазмұны жағынан да, ғылыми әдіс-тәсілдері жағынан да кемелденген педагогиканың бір саласы. Болашақ математика мұғалімі математиканы оқытудың жалпы заңдылықтарын, мақсат-мазмұнын, әдіс-тәсілдерін, методикалық зерттеулерді, есеп шығаруды және оларды оқушыларға түсіндірудің жолдарын оқытудың техникалық және көрнекі құралдарын оқу процесінде пайдалану әдістемесін, оқушыларды оқу-ісіне жұмылдыру тәсілдерін, педагогика ғылымы мен озат тәжірибе жетістіктерін мектеп практикасына батыл енгізу тәсілдерін жоғары мектеп қабырғасында жүргенде игеруі тиіс.
Математиканы оқыту әдістемесі математика пәнінің ерекшеліктеріне негізделген оқу-тәрбие жүйесі жайындағы ғылым. Бұл жүйені меңгеру математиканы оқыту мен математика пәні арқылы оқушыларды тәрбиелеу ісін ұйымдастыруға мүмкіндік береді.
Математиканы оқыту әдістемесі педагогикалық ғылым сондықтан да ол қазіргі қоғамның талаптарына сай педагогика ғылымы анықтап берген жалпы білім беру мен тәрбиелеудің мақсаттары мен міндеттеріне сәйкес құрылады. Математиканы оқыту әдістемесі мұғалімнің оқу материалдарын беру, оқушылардың математикалық білімді саналы меңгеру және алған білімін практикада қолдану іскерліктерін шыңдау әдістері мен құралдарын тағайындайды.
Достарыңызбен бөлісу: |
