Аспаптар терезелерінің орнын ауыстру және өлшемін өзгерту Visual Studio бағдарламаларды құруға қолданылатын интерфейс элементтерінің басым көпшілігінің орнын ауыстыруға, өлшемін өзгертуге, бекітуге және автоматты түрде жасыру функциясын қолдануға мүмкіндік береді.
Егер сіз терезені бір терезенің шетіне жылжытып жақындатсаңыз, ол бекітіледі. Бекітілетін терезелердің артықшылығы олардың әрдайым көрініп тұратынында. Егер сіз бекітілетін терезені үлкейткіңіз келсе, жай ғана оның шегін ысырыңыз.
Терезені толықтай жабу үшін бұл терезенің оң жақ жоғарғы бұрышында Close (Жабу) батырмасын басу керек. View (Көрініс) мәзірінде тиісті команданы таңдап бұл терезені қайта аша аласыз.
Visual Studio әзірлеу ортасында аспаптар терезесін автоматты түрде жасыратын функция бар, оны тақырыптың оң жақ бөлігіндегі Auto Hide (Автоматты түрде жасыру) батырмасына шертіп іске қосуға болады. Бұл әрекет терезені бекітілген позициясынан алып тастап, ал терезе тақырыбы әзірлеу ортасының парақшасының шетінде қалады. Автоматты түрде жасыру қолданылған терезені қалпына келтіру үшін әзірлеу ортасының шетіндегі оның парақшасын басыңыз. Егер терезе әрдайым ашық болғанын қаласаңыз қайтадан Auto Hide (Автоматты түрде жасыру) басыңыз.
Терезені құбылмалы (бекітілмеген) еткіңіз келсе, терезе тақырыбына екі рет шертіңіз. Оның парақша тақырыбынан сүйреп, бекітілмеуін қадағалап әзірлеу ортасының басқа жеріне әкеліңіз.
