Ревматоидтық артриттің баяу өрістейтін түрі ең алдымен буындардың үйқыдан оянған кезде сіресуінен басталады. Сіресудің қатаңдығы мен созылу уақыты қабыну процесінің деңгейіне тәуелді. Минимальді активтілікте - 30-60 минут, ауырлау жағдайда — түске, тіпті кешке дейін созылады.
Бастапқы шақта сіресу буынды біраз жазып бүккен соң, біртіндеп жойылады, бірақ жүре-бара күшейіп, адамның қимылын шектейді. Науқастар сіресуді әр түрлі суреттейді: "тар перчатка" (жүдырықты жүма алмау), "қөрсет" белгісі (дененің сіресуінен үйқыдан кейін төсектен түра алмау, т.б.) Сіресудің себебі — эндогендік гидрокортизон бөлінуінің циркадиандық ырғағының бұзылысы. Қалыптыда гидрокортизон бөлінуінің биік шыңы сағат 7-8 шамасында. Ревматоидтық артритте бұл кезең кештеу уақытқа ығысады. Жүре келе экссудация процесі күшейіп, сіресумен бірге буындардың ауырсынуы, ісінуі, терісінің қызаруы пайда болады. Ісінген үсақ буындар ұршық төрізденеді. Егер буынның қуысына сұйықтық мол жиналса, онда флюктуация байқалады.
