Жүйе сипаттамасы Мониторинг жүйесі стационарлық және ұтқыр объекттерді (жедел жәрдем, өрт, апат, кезекші қызметтері, инкассация және т.б.) бақылауды қамтамасыз ете отырып, күзет-өрт, экологиялық, технологиялық жағдайды бақылау және басқаруды ұйымдастыруға арналған. Ұтқыр объекттерді бақылау кезінде олардың координаталары, жылжу жылдамдығы мен бағыты анықталады. Стационарлық пен ұтқыр объекттердің орналасқан жері электронды картада көрсетіледі. Жүйенің негізінде көп деңгейлі бірыңғай кезекші-диспетчерлік қызметтер (БКДҚ) құрылады, олар бір-бірімен тығыз әрекеттесетін қалалық, аудандық, облыстық және республикалық ТЖМ, ІІМ, IӘКi терминалдарынан тұрады. 911 сияқты құтқару қызметінің техникалық жабдықтарын құру үшін де пайдаланыла алады.
Мониторинг жүйесі GPS спутник навигациясы, ұтқыр байланыс (ӨҚТ; GSM, CDMA ұялы стандарттары) және геоақпараттық жүйелер (ГАЖ) технологияларының бірігуіне негізделген қазіргі заманғы техникалық құралдарының негізінде құрылады.
Жүйе кезекші операторға бақыланатын объект қандай жағдайда («Норма», «Апат», «Дабыл», «Күзет», «Шабуыл», т.б.) екендігі туралы ақпаратты кез келген уақытта алуға, оның орналасқан жерін анықтауға және дабыл сигналдары бойынша ең жақын орналасқан әрекет етуші қызметті жіберуге мүмкіндік береді.
