Руководство к типовой учебной программе дошкольного воспитания и обучения

Ата-аналар балаларын балабақшадан немесе білім беру ұйымынан алып кетуге келгенде, тәрбиеші балаларды жеке-жеке есімімен атап, оларға мейірімділік танытып, әрқайсысын жақсы көретінін білдіру, балаларының жетістіктері туралы айтып, ата-ананың көзінше баланы мақтау, баланың өзіне, ата-ананың педагогке деген сенімін, ертеңгі күні баланың балабақшаға келуге деген құлшынысын арттыруға ықпал етеді.

Сондықтан әрбір ата-анамен сөйлескенде бүгінгі күннің қалай өткені туралы, баланың жетістіктері қандай болғаны туралы сөйлесу, ата-ананың білуі тиіс ақпаратты мерзімінде беру, баланың алдымен жетістіктеріне тоқтала отырып, ұсынылады. Бұл өз кезегінде ата-ананың өзін білім беру процесіне белсенді қатысушы ретінде сезінуіне және баланы тәрбиелеу мен дамытуды бірлесіп, ықпалдастықта жүзеге асыруға мүмкіндік береді.

Балабақшада орын алған келеңсіз жағдайлар немесе қандай да бір мәселелер туындаған кезде баланың ата-анасына басқа ата-аналарды немесе баланың өзін қатыстырмай жеке сөйлесу ұсынылады. Кез-келген жағдайда педагог ата – аналармен сыпайы, оларды жалықтырмай сөйлесуі және жеке тәсілді ұстануы қажет.

Дұрыс құрылған күн тәртібі балалардың білім беру ұйымындағы әр сәтін тиімді пайдалануға мүмкіндік береді, балалардың жалығуына жол бермейді.

Шынықтыру мынадай қағидаларды:

• 
  жеке тәсіл;
  
• 
  жүйелілік;
  
• 
  бірізділік ;
  
• 
  қауіпсіздік;
  
• 
  баланың оң көзқарасы;
  

• 
  кешенділікті сақтаған кезде ғана тиімді болуы мүмкін. Балаларды шынықтыру мынадай шаралар кешенін қамтиды:
  
• 
  үй-жайларды желдету;
  
• 
  оңтайлы температуралық режим;
  
• 
  дұрыс ұйымдастырылған серуен;
  

• 
  үй-жайда және таза ауада жеңіл спорттық киіммен өткізілетін дене жаттығулары;
  

• 
  салқын сумен жуыну және басқа су, ауа және күн шаралары;
  

• 
  арнайы сауықтыру шаралары (сауна, тұзды үңгір, фито-бар және т.б.). Балалардың дене бітімінің қалыпты дамуына көңіл бөлу маңызды. Үй-
  

жайларда оңтайлы температуралық режимді, жиі желдетуді қамтамасыз ету қажет; балаларды үй-жайларда болғанда жеңіл киінуге үйрету және балалардың күн тәртібіне сәйкес таза ауада болуын қамтамасыз ету қажет.

Мектепке дейінгі ұйымның барлық үй-жайлары күн сайын желдетілуі тиіс. Топ бөлмелерінде балалар болмаған кезде өтпелі немесе бұрыштық желдету қамтамасыз етіледі. Өтпелі желдету дәретхана үй-жайлары арқылы жүргізілмейді. Желдету балалардың қауіпсіздігін қамтамасыз ету кезінде тәрбиешінің бақылауымен жүзеге асырылады («Мектепке дейінгі ұйымдарға және сәбилер үйлеріне қойылатын санитариялық-эпидемиологиялық талаптар» санитариялық қағидалары ҚР ДСМ м 2021 жылғы 9 шілдедегі № ҚР ДСМ-59 бұйрығы 141-т. 13) тармақша) [11].

Жазда ауа-райының жағдайлары қолайлы болса, терезелерді ашып, ұйықтатуға болады

Желдетудің ұзақтығы сыртқы ауа температурасына, желдің бағытына, жылу жүйесінің тиімділігіне байланысты. Желдету балалар болмаған кезде жүргізіледі және олар серуеннен немесе ұйымдастырылған іс-әрекеттен (дене шынықтыру, музыка және т. б.) келгенге дейін 30 минут бұрын аяқталады [12].