Құлыншағым - құндызым Құлыншағым – құндызым, Құлдырайды шабады. Жылтылдаған жұлдызым, Құстай қанат қағады.
І.Жансүгіров
Қой:
-Баға білсең мың боламын, Киіз болам, жүн боламын. Етім де бар, сүтім де бар, Білсеңдер айт, кім боламын? -Қуанышы айналаның, Мен кәдімгі қой боламын.
А. Сопыбеков
Ботақан
Мен – Ботақан, Ботамын,
Ойсыл қара –Атамның
Ұрпағына жатамын.
Ойнақтаймын баладай,
Жалғыз қалсам далада-ай,
Боздап дауыс қатамын.
Е.Өтетілеуұлы
Мысығым бар сүйкімді Кес кестейтін жолымды, Тістелейтін қолымды. Мысығым бар сүйкімді Қуып ойнар добымды.
К. Ыбрайұлы
Керік
Ұзын бойы тұрғандай,
Көкпен бірге таласып,
Сирақ, мойыны, япырмай,
Өзіне қалған жарасып.
Қонжық
Қорбаң, қорбаң етеді, Тәттіні жақсы көреді. Қазір де ол бүлдірген Іздеп жүр ме, кім білген?
Тиін
Арша, шырша, қарағай – Жаңғағы мол ағашты Тиіндер ғой, балақай, Ін ғып тескен қарашы.
А.Байғобылова
Ақ қоян
Ақ қоян-ау, ақ қоян, Арғымаққаша шап қоян. Озып келсең мен саған, «Жеңімпаз» деп ат қоям. Құлақтары тік қоян, Аяқтары ұп қоян. Мұнша желіп жортасың, Сендей жүйрік жоқ қоян. Ақ қоян-ау, ақ қоян, Жүнің мамық, пәк қоян. Жылы үйіңде алаңсыз, Ұйықтап шықшы сақ қоян.
Л.Қыраубайқызы Сұр қоян
Ұзын құлақ сұр қоян Естіп қалып сылдырды, Ойлы-қырлы жерлермен Ытқып-ытқып жүгірді. Қарап еді артына Қиығын сап көзінің, Келе жатқан томпаңдап, Көжегі екен өзінің.
Т.Бердияров
|
