Психологиялық дайындық
Ойға толып санамыз,
Бестік баға аламыз.
Баласындай бір үйдің,
Тату болсын арамыз.
Мозайка әдісі бойынша 4 топқа бөлу Қаймақ, айран, ірімшік, құрт
Үй тапсырмасын сұрау.
Қомағайлық. Қожанасыр мен ашқарақ.
Мәтіндерді түсініп оқу.
Мәтін мазұнын айту.
Қонақ туралы мақал-мәтелдер жаттау
«Конверт-сұрақ» әдісі
1-топ Қомағайлық мысалынан түсінгеніңді айт.
2-топ Қожанасыр мен ашқарақ аңызының кейіпкерлерін ата және олардың ісін қимылмен көрсет.
3-топ Ашқарақтың іс-әрекеті туралы не дер едің?
Қожанасырдың іс-әрекеті туралы не едің?
4-топ Сен ашқарақтың орнында болсаң не істер едің?
-Қонақта өзіңді қалай ұстайсың?
Жаман әдеттерге не жатады?
Кім жүйрік? топтық мақал-мәтелдер жарысы
Мағынаны ашу Жұмбақ шешу
Базарда сатылмайды,
Таразыда тартылмайды.
Өзі балдан да тәтті,
Өмірге бір шапағатты. Ұйқы
Ұйқы туралы сұрақтарға жауап беру:
Балалар, ұйықтағанды жақсы көресіңдер ме?
Неше сағат ұйықтайсыңдар?
Ұйқыдан сендерді кім оятады?
Ұйқышы деп қандай адамды айтамыз?
Жаңылтпашты жатқа айту.
Ұйқышыл кісіні ұйқы қысты,
Ұйқышыл кісінің ұйқысы күшті.
Сылдыр сұйық су емес,
Ішсең шөлің қанады.
Ақ болса да қар емес,
Шешуін кім табады? /Сүт/
Пісірдік ақ бауыр.Бұл не? /уыз/
* Күбіге құйып піскен не? /Қымыз/
* Ұйытып қойып ішкенім не? /айран/
* Кілегей шайқап алғаным не? /май/
* Сөреге кептіріп жайғаным не? /Құрт/
Ребус шешу
Бүгінгі өтетін тақырыбымыз «Сүт қалай ұйықтады?» ертегісі
Ал, балалар, жарайсыңдар.
Бұл ертегі туралы деп ойлайсыңдар? Сүт
Сол сүтті қайдан аламыз? Төрт түліктен
Осылардың ішінде қандай сүтті ұйытуға болады. Қой, ешкі, сиыр
Түйенікі –шұбат , биенікі- қымыз дейді.
- Бұл ертегіні жазған кім?
- Оспанхан Әубәкіров
Оспанхан Әубәкіров 1934- 1986 ж Алматы облысы, Жамбыл ауданында дүниеге келген. Әзіл-сықақ жанрының шебері.
Сергіту сәті: Көңілді күн
Оқулықпен жұмыс
Мәтінді тұтас мәнерлеп оқып беру;
Сөздік жұмыс
Ұйып қапты- қоюланды
Ел-жұрт-халық, көпшілік, қауым
Қайран қапты-таң қалды
Берекесі қашыпты- мазасызданды
Ашыпты-көпіршіді
Құтырыпты-көтерілді
Іріп қапты-бұзылды
Ұя салыпты- ауыспалы мағынада
Бұлапты-жылапты
Еңіреп- дауыстап, қайғырып
Сары су - ашыған сүттен аққан су
Тізбектеп, кезекпен оқыту
-Әжеміз быжынаған айранды қалтаға неге құйды?
-Одан не ақты?
-Сары судың пайдасы бар ма?
-Қалтадағы сүзбеден не істейді?
-Көп ұйықтаған неге зиян?
Суретпен жұмыс
Ертегідегі сүттің іс-әрекетін қарасөзбен әңгімелеу.
Балалар, бұл ертегіде қандай жаман қасиет туралы айтылады?
-Ұйқышылдық.
-Ол туралы мәтінде қандай нақыл сөз берілген?
-Ұйқы- дұшпан.
-Дұрыс айтасыңдар, балалар. Артық ұйқы адамға зиян. Ертегідегі көп ұйықтаған сүт құртқа айналды. Ал өмірде бұл сүттің орнына адамды қойсақ, ол адамды қандай деп айтамыз? / оқушылар өз ойларын айтады/.
Адам өз өмірінің үштен бір бөлігін ұйқымен өткізеді.
Ұйқының қанбауы адам ағзасына кері әсерін тигіеді. Алайда қажетті уақыттан көп ұйықтау да зиян.
Жүрек жұмысын нашарлатады.
Ағзасын әлсіретеді.
Есте сақтау қабілетін төмендетеді.
Басын ауыртады.
Сергектігін азайтады.
Ұйқы мөлшері:
Сәби - 16 сағат
Кіші балалар – 11-13 сағат
Жасөспірімдер – 9 сағат
Ересектер – 8 сағат
«Сөз құра» ойыны Топтық жұмыс
Берілген буындардан сөз құрап жазу
Сабақты қорытындылау:
«Кім жақсы меңгерді?» топтық жұмыс
1- топ Ақын ертегіде ненің әрекетін суреттеген?
Сүттің аянышты халін кім байқады?
Жұрт « сары су» жайлы не дейді?
2- топ Ертегінің авторы кім?
Бір күні сүтке не бопты?
Сүт неліктен жылады?
3- топ Ақын осы ертегі арқылы не айтпақ болды?
Оспанхан Әубәкіровтың туған жылы?
Ел-жұрт неге қайран қалды?
4 – топ Ұйықтаймын деп сүт қандай күйге ұшырады?
Өлең неліктен ертегіге жатады деп ойлайсың?
Оспанхан Әубәкіровтың туған жері?
Оқушылардың білімін бағалау
Үйге тапсырма:
Ертегіні мәнерлеп оқу.
Ертегіні қарасөзбен әңгімелеп айта білу.
Жалқаулық, ұйқышылдық туралы мақал-мәтел жаттау.
| 
