| 16-қазан 2019 жыл
Қазан айының 15-күні кешкі сағат 19.00 түнгі сағат 12.00 аралығында Сақтаған Бәйішев атындағы Ақтөбе облыстық әмбебап ғылыми кітапханасында "Кітапхана түні" әлеуметтік-мәдени шарасы өткен болатын. Бұл түні кітапхана әдеттен тыс уақытта есігін айқара ашып, оқырмандарына ерекше форматта қызмет көрсетті. Кітапхана түніне келушілер жаңа кітап, газет-журналдар, қылқалам шеберлерінің көрмесін, жергілікті ақын-жазушылармен кездесудің, шеберлік кластарының, интеллектуалдық алаңдағы түрлі викториналық ойындардың, мерекелік концерттік бағдарламаның, жас кітапханашылар арасындағы облыстық сайыстың, караокемен ән айтудың, тақырыптық ойын-сауық кешінің, театрланған көріністердің, әдеби марафонның куәсі болды. Аталмыш әдеби марафонға мектебіміздің 4 "А" класс жетекшісі Джаукенова Алия Байгазиевна бастаған білім алушылары да қатысып қайтты.
Достарыңызбен бөлісу: |
