Шуылға қарсы санитарлы-гигиеналық талаптар

Дербес компьютер орналасқан бөлмедегі негізгі акустикалық шуылды есептеуіш машинаның өзі шығарады. Соның ішінде салқындау жүйесіндегі ішкі желдеткіштер, трансформаторлар мен генерацияланатын ультрадыбысты толқындар, желдеткіштің орталық жүйесі және басқа да қондырғылар болып табылады.

Өндірістік бөлмелердегі дербес компьютермен жұмыс қосалқы болғанымен, берілген жұмыс түріне сай жұмыс орнындағы шуыл деңгейі санитарлы нормамен қойылған мәннен жоғары болмауы тиіс.

Дербес компьютерде негізгі жұмысты (диспетчерлік, операторлық, есептеуші кабиналар мен басқару шендер, есептеуіш техника залдары және тағы басқа) орындау барысында және де барлық дербес компьютерлермен қамтамасыз етілген оқу орындарында шуыл, санитарлы ережелерге сай – 50 дБ-ден жоғары болмауы тиіс.

Зертханалық, аналитикалық немесе өлшеулер басқармасының инженерлі-техникалық жұмысшылар бөлмесіндегі шуыл деңгейі – 60 дБ-ден аспауы керек.

Дербес компьютерлердің (дисплейсіз) операторлары орналасқан бөлмелерінде шуыл деңгейі – 65 дБл-ден жоғары болмауы керек. Есептеуіш машиналардың шулы қондырғылары (принтер, сканер, плоттер және т.с.с.) орналасқан бөлмелердің шуыл деңгейі – 75 дБл-ден аспауы тиіс.

Шулы қондырғылардың шуыл денгейі нормалды шуыл деңгейінен жоғары болса, олар дербес компьютерлер орналасқан бөлмеден тыс болуы керек.

Дербес компьютер орналасқан бөлмедегі шуылды әдейі дыбысбасу және дыбысты оқшаулау арқылы төмендетеді.

Діріл тудыратын негізгі факторларға инженерлі және санитарлы-техникалық құралдар, сонымен қатар өндірістік және жұмыста үлкен динамикалық ауырлық туғызатын және құрылыс алаңында діріл туғызатын транспорттық құралдар жатады .

Діріл деп материалдық қатты денелер мен нүктелердің механикалық тербелуін айтады. Дірілдің әсері адамның орталық жүйке жүйесіне ғана емес, жүректің қан тамырлар жүйесіне, сүйек-буын мүшелеріне зиян келтіреді. Адам ағзасына тигізетін әсері жазылмайтын «діріл дерті» деген дертке соқтырады