Бейнекөрсетілім «Қазақстанның Қызыл кітабы» “Қазақстанның Қызыл кітабы” – Қазақстан Республикасы аумағында жойылып кету қаупі төнген және сирек кездесетін жануарлар мен өсімдіктердің сипаттамасы берілген арнайы басылым. 1978 жылдан шығарыла бастады. Бірінші бөлімі жеке кітап болып 1978 ж. жарық көрді. “Қазақстанның Қызыл кітабының” екінші бөлімі 1981 ж. өсімдіктерге арналып шығарылды.
Қызыл кітап - бұл қауіп - қатер дабылы. Түрдің бұл кітапқа енгізілуі, оған ерекше көңіл бөлу керек екендігін білдіреді, көбіне арнайы қорғау шаралары қажет, әйтпесе түрдің мүлдем жоғалып кетуі мүмкін.
Қызыл кітапқа енгізілген өсімдік ерекше қорғауға алынады. Оларды жинауға тыйым салынған. Қызыл кітап үнемі жаңа ақпаратпен толығып отырады. Елімізде сирек кездесетін және жойылып кету қаупі төнген өсімдіктердің 600-ге жуық түрі бар. Олардың едәуір бөлігі Қазақстанның Қызыл кітабына енген. Қызыл кітаптың беттері әртүрлі түспен боялған.
