Орындап көр. Бір оқушының тақтаға шығуын, дене мүшелеріне арналған жаттығулар ойлап тауып, басқалармен бірге орындауын сұраңыз. Бір оқушы бас қозғалысына жаттығу ойлап табады. Келесі оқушы қол, үшінші оқушы аяқ қозғалысына арналған жаттығулар ойлап табады. Барлық жаттығуларды кезекпен орындатуға болады.
Оқушылар оқулық мәтінін оқиды.
|
Бұл сабақта оқушыларда әңгімелесу, талқылау, сөйлесу арқылы байланыстыра сөйлеу дағдылары дамиды. Тірек сөздер оқушылар үшін жаңа сөз, сондықтан оларды сөйлеуде қолдану маңызды. Сонымен қатар оқушылар «денсаулық» сөзін құрастырып, бұл сөзді қазақ және орыс тілдерінде айтады.
Тақырып бойынша сөздік қорын дамыту үшін «Кім көп сөз біледі?» ойынын ұйымдастырыңыз. Оқушыларды үш топқа бөліңіз. Әр топқа сөздер жазылған А4 форматындағы қағазды бір- бірден таратып беріңіз. Берілген сөздермен 3-4 сөзден тұратын жай сөйлем құрастыру қажет. Бірінші топ «денсаулық», екінші топ «ағза», үшінші топ «дене мүшелері» сөздерімен қазақ тілінде сөйлем құрайды. Тапсырманы орындау үшін 3
минут беріледі. Тексеру уақытында барлық сынып оқушылардың жаңа сөздерді үш тілде дауыстап айтуы керек.
|