Сабақ Түлкібас ауданы, Састөбе ауылы А. С. Макаренко атындағы жалпы орта мектебі Бастауыш сынып мұғалімі Нурмаханова Бибигуль Толегенова Сыныбы-1 Пәні: Қазақ тілі

1. 
   Білімділігі: Буын туралы түсінігін пысықтау. Мәтінмен таныстырып, мазмұнын меңгерту.
   
2. 
   Дамытушылық: ой-өрісін, ойлау, есте сақтау қабілетін дамыту. Өз ойын жеткізе білуге, сауатты жазуға, оқуға дағдыландыру. Сөз қорын байыту.
   
3. 
   Тәрбиелігі: алған білімін өмірде қолдануға, адамгершілікке, еңбек-сүйгіштікке, ұқыптылыққа, ана тілін құрметтеуге тәрбиелеу.
   

Балалардың құрал-жабдықтарын алғызып дайындау.

Гүл өсірсең терлеп,

Мұның аты – еңбек.

Кесте тіксең зерлеп.

Мұның аты – еңбек.

Сабағыңа жөндеп

Әзірленсең – еңбек

Қиындықтың бәрін

Еңбек қана жеңбек.

Смайликтерден көңіл-күйді білдіреді.

Өткен тақырыптарды қайталау;

Балалар дыбыс, әріп, дауысты және дауыссыз дыбыстар, жуан-жіңішке дыбыстар, буын туралы сұрақтарды бір-біріне қояды.

64-жаттығу. Ерт-те, ұрт-та, айт-па;

Құ-мырс-қа, жұ-мырт-қа, ше-гірт-ке.

«Төзім» әңгімесінің мазмұнын сұраймыз.

• 
  Бұл әңгімеден қандай үлгі алдық? Әжесінің Аяулымға айтқан сөзін кім тауып оқып береді.
  
• 
  Төзіммен тыңдасаң, сен де ұғар едің. Ықылас болса, төзім де болады.
  

1. 
   И дыбысының қай әрібі дауысты дыбыстың жанында кездеседі? Й
   
2. 
   «Сең» дегенде,
   

«Тең» дегенде,

«Ең» дегенде

Тұратын соңғы әріп –

Қай әріп? (ң)

3. 
   Әрі дауысты, әрі дауыссыз.
   

Бұл қай әріп? (у).

– Осы й, ң, у дыбыстар сөздің ортасында кездескенде қалай буынға бөлуге болатынын үйренеміз.

Й, у, ң дыбыстары екі дауысты дыбыстың ортасында кезедсіп тұрса, онда екінші буынның басында айтылады.

Тақтаға сөздер жазылады, оларды буынға бөлу қажет.

О-йын-шық жа-ңа-лық а-уа

Қа-йың қо-ңы-рау а-уыл

Мо-йын жа-ңылт-паш да-уыс

Же-ңіс

Те-ңіз қа-уын

Дүниетанумен байланыс (қазір қай мезгіл және нешінші ай мен күн епкендігін сұраймыз. Күннің ауа-райын бақылайды. Яғни, күн ашық немесе күн бұлтты).

О-йын-шық, қа-йың, қо-ңы-рау, а-уыл, ба-уыр.

Ережені айтқызу. Және «көбейеді» сөзінде ғана үшінші буыннан басталатынын аңғарту.

66-жаттығу. Төмендегі бір буынды сөздерді оқиды. Бір буныды сөздер буынға бөлінбейтіні байқату.

Ай, ақ, ат, ән, ас, ін, оң, он, сүт, қаз, жаз, көл, көз, сөз, доп, шөп.

Математикамен байланыс: мәні он болатын өрнектерді құру (5+5, 6+4, 7+3, 8+2, 9+1)

Оңға, оңға түзу тұр,

Солға, солға түзу тұр

Алға қарай бір қадам,

Артқа қарай бір қадам.

Жоғары-төмен қарайық

Орнымызды табайық.

Мәтінмен жұмыс. «Оқымысты бала» мәтінін түсініп оқу.

Мәтіннің авторымен таныстыру. Міржақып Дулатов (1885-1935) ақын, жазушы, қоғам қайраткері. Торғай уезі, Сарқопа ауылдық округінде дүниеге келген. Әкесі Дулат – шебер кісі, етік тіккен. Шешесі Дәмеш – әнші кісі.

1. 
   Сөздік жұмысы:
   

тырма-еңбек құрал-сайманы

ғылымдар-білім негіздері

2. 
   Мұғалім мәтінді мәнерлеп оқып береді.
   

3. 
   Балалар мәтінді оқиды.
   
4. 
   Сұрақ-жауап:
   

- Тырманы алып, шапқан шөпті жинау.

- Баласы не деп жауап берді?

- қазақ сөздерін ұмытып, «тырма» деген сөздің не екенін білмейтінін айтты.

- Бала қандай жағдайға душар болды?

- Сол сәтте, тырманың басын байқамай басып кетіп, сабы тақ етіп маңдайына келіп тиеді.

- Оқымсыты баланың бұл қылығын қалай түсінесің?

Оқымысты балаға мінездеме береміз:

- Бүгінгі сабақта буынға қатысты не үйрендік? Й, у, ң екі дауысты дыбыстың ортасында келсе, екінші буынның басында айтылатынын.

- «Оқымысты бала» мәтіннің авторы кім? М.Дулатов

- Мәтіннен қандай үлгі аламыз? Жат қылықтан аулақ болуға