Қоян, қоян тұршы Бақа-бақа, балпақ

- ІІ-аялдаманың атын тауып көрейік.

-Лақтарым, шұнақтарым

Есікті ашшы, қарақтарым

Балалар: «Жеті лақ пен қасқыр» ертегісі

- Лақтардың енесі қайда кетті? Ешкі жабайы немесе үй жануары ма? Ешкі мен лақтарын қасқырдан құтылуға көмектесеміз бе?

Балалар: Үй жануары. Иә, көмектесеміз.

- Бір ойын ойнайық. Ойынның аты: «Дауысынан таны»(тақтаға оқушы шығып жануарлардың, құстардың даусын жасырады)

ІІІ- аялдамамыз қалай аталады екен?

-Ападан да қаштым

-Атадан да қаштым

-Енді, сеннен қашу оңай

Балалар: «Бауырсақ» ертегісі

- Дұрыс таптыңдар. Бауырсақ қандай аңдардан қашты? Енді, оны түлкіден құтқаруға көмектесейік.

Балалар: Ападан, атадан, қояннан, қасқырдан, аюдан қашты. Иә, көмектесеміз. Тәрбиеші: Ол үшін сергіп алайық.

Сергіту сәті:

Көлбең-көлбең, көлеңкем

Көлбеңдеген көлеңкем

Қоян қалай жүреді?

Кім көрсете біледі?

Көлбең-көлбең, көлеңкем

Көлбеңдеген көлеңкем

Аю қалай жүреді?

Кім көрсете біледі?

Көлбең-көлбең, көлеңкем

Көлбеңдеген көлеңкем

Түлкі қалай жүреді?

Кім көрсете біледі?

- Бауырсақты түлкіден құтқарып алдық. Келесі ІҮ-аялдамамыз қалай аталады екен, тауып көріңдерші.

- Ертеде ата мен апа өмір сүріпті. Ата көмекке апаны, немере қызын, күшікті, мысықты, тышқанды шақырыпты.

Балалар: «Шалқан» ертегісі.

- Осы ертегіні рөлдерде ойнап берейік.

Автор: Ертеде ата мен апа өмір сүріпті. Ата шалқан егіп, жаз бойы күтіп-баптайды. Күз түскенде шалқанды жинап алайын десе, шалқаны үлкен болып өсіп кетіпті. Ата ары тартады, бері тартады, жұла алмайды. Көмекке кемпірін шақырады.

Ата: Кемпірім-кемпірім, бері келші, көмектесші.

Апа: Жарайды, көмектесейін.

Автор: Кемпірі атаның белінен, ата шалқанның желегінен ұстап,ары тартады, бері тартады, жұла алмайды. Кемпірі немере қызын көмекке шақырады.

Апа: Қызым-қызым, бері келші, көмектесші.

Қыз: Жарайды, көмектесейін.

Автор: Қыз апаның белінен,апа атаның белінен, ата шалқанның желегінен ұстап,ары тартады, бері тартады, жұла алмайды. Қыз күшікті көмекке шақырады.

Қыз: Күшігім-күшігім, бері келші, көмектесші.

Күшік: Жарайды, көмектесейін.

Автор: Күшік қыздың етегінен,қыз апаның белінен,апа атаның белінен, ата шалқанның желегінен ұстап,ары тартады, бері тартады, жұла алмайды. Күшік мысықты көмекке шақырады.

Күшік: Мысығым-мысығым, бері келші, көмектесші.

Мысық: Жарайды, көмектесейін.

Автор: Мысық күшіктің құйрығынан,күшік қыздың етегінен,қыз апаның белінен,апа атаның белінен, ата шалқанның желегінен ұстап,ары тартады, бері тартады, жұла алмайды. Мысық тышқанды көмекке шақырады.

Мысық: Тышқан-тышқан, бері келші, көмектесші.

Тышқан: Жарайды, көмектесейін.

Автор: Тышқан мысықтың құйрығынан,мысық күшіктің құйрығынан,күшік қыздың етегінен,қыз апаның белінен,апа атаның белінен, ата шалқанның желегінен ұстап,жұлып алады.

-Шалқанды жұлуға кімдер көмектесті?

Балалар: Апа, қыз, күшік, мысық, тышқан-деп жауап береді.

-Бір-біріңе көмектессеңдер, тату, дос болсаңдар, барлығын да жеңесіңдер. Тату, дос боламыз ба,бір-бірімізге көмектесеміз бе?

Балалар: Иә, тату, дос боламыз, көмектесеміз.

-Енді, тобымызға оралайық. Балалар, пойызбен қайда бардық? Қандай ертегілердің кейіпкерлерімен кездестік. Нелерге көмектестік?

Балалар: «Ертегілер еліне» бардық. «Үйшік», «Шалқан», «Бауырсақ», «Жеті лақ пен қасқыр» ертегілерінің кейіпкерлерімен кездестік. Аюға, бауырсаққа, ешкі мен лақтарына көмектестік.

. Осымен тәрбие сағатымыз аяқталды.