І – топ «Қошақандар»
ІІ – топ «Ботақандар»
оқушы: Айнара. Құрметті асыл аналар, қызғалдақтар, қадірлі ұстаздар! Қар астынан қылтыйып бәйшешек бой көтергенде көктемнің алғашқысы болып Аналар мерекесі келеді. Бәйшешек соншалықты нәзіктігіне қарамастан қалың қардың астынан бүршік жарады. Біздің аналарымыз да нәзіктігіне қарамастан барлық қиындық атаулыға төзімді. Аналар көктемгі күндей жарқырап, гүлдей құлпырған мерекелеріңіз құтты болсын! «Ана – біздің күніміз, Біз – ананың гүліміз» атты мерекелік тәрбие сағатын бастаймыз.
Оқушы: Темірлан.
Сіздер өскен балалар –
Батырлар мен даналар
Құттықтаймыз мейраммен
Құрметті аналар
Бүгін наурыздың сегізі
Сұлулықтың негізі
Әдемі сөз адамға
Анаға айтар лебізі.
оқушы: Мөлдір.
Ана дейміз де бәрімізде аңқылдап,
Ана дейді жас сәбиде жарқылдап
Ана деген бәйтерегі өмірдің
Ана деген алты қазық, алтын бақ
оқушы: Аман.
Адам баласы үшін ең аяулы ең қастерлі сөз – Ана. Бала дүниеге келген күннен бастап өзінің жұмсақ алақаны, жылы жүзі, ыстық құшағы, мейірімге толы көзқарасы арқылы барлық сүйіспеншілік, мейірімділік махаббатын бере білген аналар үшін жер – дүниені мекендеген адамзат қауымы бір күнді мейрам етіп белгілеген. Ол – 8 наурыз мерекесі.
Мұғалім: Той пердесін ашайық
Тойға шашу шашайық
Аналарды құрметтеп,
Ән маржанын шашайық – демейші тойларыңыз құтты болсын аналар!
