Сабақтың мақсаты: а Оқушылардың шығармашылықпен жұмыс істеуіне ықпал ету. Ойлау шеберлігін сөйлеу мәденеиетін арттыру



бет5/21
Дата27.12.2016
өлшемі4,23 Mb.
#6006
түріСабақ
1   2   3   4   5   6   7   8   9   ...   21

б) Жаңа сабақты түсіндіру :
Мақсат үстеуі қимылдың,іс-әрекеттің болу мақсатын білдіреді де,қалай? Не мақсатпен деген сұрақтарға жауап береді.Мақсат үстеулері сан жағынан көп емес.

Оған : әдейі,жорта,әдейілеп,қасақана т.б. сөздер жатады. Мысалы : әдейі келдім,жорта айтты,әдейілеп шақырды,қасақана үндемеді т.б.


Кітаппен жұмыс : 290-жаттығу. Сөйлемдерден үстеулерді тауып,сұрақ қою арқылы түр-түріне ажыратыңдар.

Үлгі : күні-түні,қашан ұшып ? – мезгіл үстеуі
Топпен жұмыс : Оқушыларға мақсат үстеулерін құрастра отырып,сөйлем құратқызамын.

әдейі,әдейілеп,жорта,қасақана т.б.


екеуара жұмыс : Екі оқушыны шығарып, мақал-мәтел айтқызып жарыстырамын.Бір оқушы мақалдың бір сыңарын айтады,ал екінші оқушы екінші сыңарын жалғастырады.

Мысалы: Түстік өмірің болса

. . . . . . .. . . . .

Білімді бекіту : 1.Мақсат үстеуі дегеніміз не ? 2.Сын-қимыл үстеуі дегеніміз не ?

3. Мүстеуі дегеніміз не ? 4. Мезгіл үстеуі дегеніміз не ?


Бағалау : Оқушылардың ынтасына қарай білімдері бағаланады.
Үйге тапсырма : Мына мақсат үстеулеріне сөйлем құрап келуге беремін.

әдейі,әдейілеп,жорта,қасақана т.б.


6 - сынып Қазақ тілі

Сабақтың тақырыбы : Себеп-салдар үстеуі

Сабақтың мақсаты :

а) Оқушылардың ойын кеңейтіп,тілді байытатын мазмұнды да көркем сөз үлгілері мол мақал-мәтелдер,нақыл сөздер үйрету.

ә) Оқушылардың оқулықпен жұмыс істеу дағдыларын жетілдіре отырып, логикалық ойын дамыту,оқу материалына сын көзбен қарап жолдастық көмекке қашанда әзір болу қасиетіне,ұллтық дәстүрді қастерлеуге үйрету.

б) Оқушыларды сауаттылыққа баулу
Сабақтың түрі : Аралас сабақ

Сабақтың әдісі : сұрақ-жауап

Сабақтың көрнекілігі : плакат,кеспе қағаздар

Халықтық педагогика Отыз тістен шыққан сөз,

элементтерін қолдану : отыз рулы елге жайылады.

Пәнаралық байланыс : әдебиет,тарих

Сабақтың барысы :

а) Ұйымдастыру кезеңі :

Оқушылармен амандасу,түгелдеу,оқу құралдарын тексеру,сыныптың тазалығына назар

аудару. Оқушылардың зейінін сабаққа аудару.

ә) Үй тапсырмасын пысықтау :

Үйге берілген жаттығуды тексеремін.Оқушыларға бірнеше сұрақтар қоя отырып білімдерін бағалаймын.
1.Үстеу дегеніміз не ? 2.Үстеу құрамына қарай нешеге бөлінеді ?

3. Үстеу мағынасынақарай нешеге бөлінеді ? 4.Мезгіл үстеуі дегеніміз не ? 5.Мекен үстеуі дегеніміз не ?

6.Мөлшер үстеуі дегеніміз не ? 7.Мақсат үстеуі дегеніміз не ? 8.Сын-қимыл үстеуі дегеніміз не ?

9. Үстеу қай сөз табымен тіркесіп қолданылады ? 10.Сөз дегеніміз не ? 11. Сөйлем дегеніміз не ?

12. Етістік нені білдіреді ? 13.Есімдік мағынасына қарай нешеге бөлінеді ?
б) Жаңа сабақты түсіндіру :
Себеп-салдар үстеуі қимылдың,іс-әрекеттің болу себебін білдіреді де, не себепті ? неге ? қалай ? деген сұрақтарға жауап береді.

Себеп-салдар үстеуіне : босқа, құр босқа, амалсыздан,лажсыздан,шарасыздан, бекерге сияқты сөздер жатады. Мысалы : босқа әуре болма, амалсыздан келіп отыр, бекерге айтқансың т.б.



Кітаппен жұмыс : 287-жаттығу. Сұрақ қою арқылы мақсат және себеп-салдар үстеулерін тауып, бір-бірінен айырмашылығын көрсетіңдер.

Үлгі : әдейі : не мақсатпен (қалай) қонған ?- мақсат үстеуі;

Амалсыздан : қалай айтқанда ?-себеп-салдар үстеуі.


Тақтамен жұмыс : Әдейі,жорта,амалсыздан,босқа, бекерге деген мақсат және себеп-салдар үстеулерін қатыстырып, бірнеше сөйлем құрап жазыңдар.

Топпен жұмыс : Оқушыларға бірнеше сөйлемдер жазғызып морфологиялық таладу жүргіземін.

ж.е үст з.е ж.е з.е б.е ет кж жж

Біз биыл жаз│да ауыл│ға бар│а│мыз.


Білімді бекіту : 1. Себеп-салдар үстеуі дегеніміз не ? 2.Үстеудің мағыналық сипаты қандай ?

3. Үстеу қандай сөз табымен тіркесіп қолданылады ? 4.Үстеудің құрамдық түрлері қандай ?

5. Күрделі үстеулердің жасалуы мен емлесін айтып, мысал келтіріңдер.
Бағалау : Оқушылардың ынтасына қарай білімдері бағаланады.

Үйге тапсырма : 290-жаттығу. Сөйлемдерден үстеулерді тауып,сұрақ қою арқылы түр-түріне ажыратыңдар.

6 - сынып Қазақ тілі

Сабақтың тақырыбы : Үстеудің емлесі
Сабақтың мақсаты :

а) Оқшылардың шығармашылықпен жұмыс істеуіне ықпал ету. Ойлау шеберлігін сөйлеу мәдениетін арттыру

ә) Оқушыларға ұлттық тіліміздің өркендеп оянуына ана тілімізді сүюге,ана тілін аяққа баспай мәртебесін биік ұстау жөнінде түсіндіру,соған дәріптеу.

б) Оқушылардың білімін бақылау арқылы дұрыс жаза білуге үйрету.

Сабақтың түрі : Қалыпты сабақ

Сабақтың әдісі : сұрақ-жауап

Сабақтың көрнекілігі : кеспе қағаздар

Халықтық педагогика

элементтерін қолдану : нақыл сөздер

Пәнаралық байланыс : әдебиет

Сабақтың барысы :

а) Ұйымдастыру кезеңі :

Оқушылармен амандасу,түгелдеу,оқу құралдарын тексеру,сыныптың тазалығына көңіл бөлу. Оқушылардың зейінін сабаққа аудару.



ә) Үй тапсырмасын пысықтау :

Үйге берілген жаттығуды тексеремін. Оқушыларға кеспе қағаздар үлестіріп жауап талап етемін.




  1. Үстеу құрамына қарай нешеге бөлінеді ?

  2. Негізгі үстеу дегеніміз не ?

  3. Туынды үстеу қандай жұрнақтар арқылы жасалады ?

  4. Күрделі үстеу қалай жасалады ?

  5. Үстеу қай сөз табымен тіркесіп қолданылады ?

  6. Мекен үстеуі дегеніміз не ?

  7. Мезгіл үстеуі дегеніміз не ?

  8. Мөлшер үстеуі дегеніміз не ?

  9. Мақсат үстеуі дегеніміз не ?

  10. Себеп –салдар үстеуі дегеніміз не ?

  11. Сын-қимыл үстеуі дегеніміз не ?


б) Жаңа сабақты түсіндіру :
1. Негізгі және туынды үстеулер көбінесе айтылуынша жазылады. Мысалы : ертең,кешке,кейін,сонда,әрі,бері,төмен,бірге,әрең,талай т.б.

2. Сөздердің бірігуінен жасалған күрделі үстеулердің көпшілігі сыңарлары қалай дыбысталса солай жазылады.



Мысалы : бүгін,биыл, қыстыгүні, жаздыгүні,ендігәрі,анағұрлым т.б. сөздер осылайша айтылуынша жазылады. Бұлар

Бұл+күн,бұл+жыл,қыстың+күні, жаздың+күні, ендігіден+әрі деген сөздерден біріккен.

3. Сөздердің қайталануынан я қосарлануынан жасалған күрделі үстеулер дефис (-) арқылы жазылады.

Мысалы : тез-тез, бірте-бірте (жүріп кетті) жол-жөнекей (соқты), қолма-қол (берді), емін-еркін(отырды),күні-түні (істеуі) т.б.

4. Сөздердің тіркесуінен құралған күрделі үстеулердің әрбір сыңары бөлек жазылады. Мысалы :таң сәріде (тұрды),күні бойы (дайындалды).



Кітаппен жұмыс : 292-жаттығу. Сөйлемдерді оқып,үстеулерді табыңдар.Оларды түрлеріне қарай ажыратыңдар.

Тақтамен жұмыс : 296-жаттығу. Сөйлемдерді оқып шығып,негізгі үстеулерді бір бөлек, туынды үстеулерді бір бөлек тіркескен сөздерімен бірге теріп жазыңдар.

Білімді бекіту : Оқушылардың түсінбеген сұрақтарына жауап беремін.

Бағалау : Оқушылыардың ынтасына қарай білімдері бағаланады.
Үйге тапсырма : 294-жаттығу. Мәтіндегі үстеулерді тіркескен сөздерімен бірге теріп жазыңдар.

6 - сынып Қазақ тілі

Сабақтың тақырыбы : Еліктеу сөз
Сабақтың мақсаты :

а) Еліктеу сөздер туралы түсінік беру,оның басқа сөз таптарынан ерекшеліктерін таныту,өмірден түрлі мысалдар келтіре отырып,еліктеу сөздердің түрлерін ұқтыру.

ә) Оқушылардың сауаттылығын,танымдылығын,сабаққа деген қызығушылығын арттыру,сөйлеу тілін,ой жүйелеу шеберлігін дамыту.

б) Тіл өнерінің құдіретін ұғына білуге,туған жнрін сүюге тәрбиелеу.

Сабақтың түрі : Жаңа сабақты өздігінен меңгерту

Сабақтың әдісі : сұрақ-жауап,ойландыру,оқушы әрекетін ұйымдастыру,ізденушілік қабілетін ояту.

Сабақтың көрнекілігі : плакат, кеспе қағаздар,түрлі құралдар

Халықтық педагогика Алтау ала болса

элементтерін қолдану : ауыздағы кетеді

Пәнаралық байланыс : әдебиет.

Сабақтың барысы :

а) Ұйымдастыру кезеңі :

Оқушылармен амандасу,түгелдеу,оқу құралдарын иексеру. Оқушылардың зейінін сабаққа аудару



ә) Үй тапсырмасын пысықтау :

Үйге берілген жаттығуды тексеремін.Оқушылар үстеуді қалай меңгергенін білу үшін кеспе қағаздарды үлестіріп,жауап талап етемін.

Үстеудің мағыналық сипаты қандай ?


  1. Үстеудің ерекшеліктері қандай ?

  1. Үстеу қандай сөз табымен тіркесіп қолданылады ?

  2. Үстеудің құрамдық түрлері қандай ?

  3. Үстеу тудыруда кейбірсептік жалғауларының қандай мәні бар ?

  4. Күрделі үстеулердің жасалуы мен емлесін айтып,мысал келтіріңдер.

  5. Үстеудің мағыналық түрлері мен әрқайсысының ерекшеліктері қандай ?


б) Жаңа сабақты түсіндіру :

Айналадағы (табиғатты) әр түрлі құбылыстардың дыбыстарына,қимыл-әрекеттеріне еліктеумен немесе олардың бейнелерімен байланысты туған сөздер еліктеу сөздер деп аталады. Мысалы : тырс (етті), сарт (етті), күмп (берді), саңқ (етті), былш (етті), шарт (сынды), гүрс (етті), тарс (айырылды),шіңк (етті), дүңк (етті),сырт (уту қалды), дыз (ете түсті),қолп (ете қалды), жалт-жұлт,қалт-құлт,бүгжең-бүгжең,арбаң-арбаң.

Мысалдардан көргендей еліктеу сөздердің басқа сөз таптарынан өзіндік ерекшеліктері бар. Біріншіден, бұл сөздер айналадағы құбылыстардың әр түрлі дыбыстарынан есту арқылы және түрлі қимылдарына еліктеуден туған.

Мысалы : сарт (етті),саңқ (етті),гүрс (етті), қорс (етті),сарт-сұрт, бұрқ-сарқ,қаңғыр-күңгір, тасыр-түсір дыбысқа еліктеуді білдірсе, жылт(етті),қалт-құлт,бүгжең-бүгжең т.б. әр түрлі қимыл іс-әрекетке,құбылысқа еліктеуді білдіреді. Сондықтан да олар еліктеу сөздер деп аталады.Екіншіден еліктеу сөздер көбінесе көмекші етістікпен тіркесіп немесе қайталанып, қосарланып келіп қолданылады.
Кітаппен жұмыс : 297-жаттығу.Еліктеу сөздерді тауып,қандай сөздермен тіркесіп тұрғанын көрсетіңдер.

Үлгі : зу-зу ете қалды.
Білімді бекіту : Оқушыларға сұрақ қоя отырып жаңа сабақты қорытындылаймын.
Бағалау : Оқушылардың жауаптарына қарай білімдері бағаланады.
Үйге тапсырма : 298-жаттығу. Абай өлеңдерінен берілген үзінділерден еліктеу сөздерді тауып олардың білдіріп тұрған мағынасын көрсетіңдер.

6 – сынып Қазақ тілі

Сабақтың тақырыбы : Еліктеу сөздің түрлері
Еліктеуіш сөздер

Сабақтың мақсаты :

а) Түрлі әдстерді пайдалана отырып балаларды тапқырлық,жылдамдық ,есте сақтау қабілеттерін арттыру.Сөйлеу тілін жетілдіре отырып,шешендік өнерге баулу.

б) Оқушыларға ұлттық тіліміздің өркендеп оянуына,ана тілімізді сүюге,ана тілін аяққа баспай мәртебесін биік ұстау жөнінде түсіндіру,соған дәріптеу.

в) Оқушыларды сауттылыққа баулу.

Сабақтың түрі : Дәстүрлі сабақ

Сабақтың әдісі : сұрақ-жауап,

Сабақтың көрнекілігі : плакат,кеспе қағаздар

Халықтық педагогика нақыл сөздер

элементтерін қолдану :

пәнаралық байланыс : әдебиет

Сабақтың барысы :

а) Ұйымдастыру кезеңі :

Оқушылармен амандасу,түгелдеу,оқу құралдарын тексеру.Сыныптың тазалығына назар аудару.

ә) Үй тапсырмасын пысықтау :

Үйге берілген жаттығуды тексеремін.

1.Еліктеу сөздердің мағыналық ерекшеліктері қандай ?

2.Еліктеу сөздердің басқа сөз таптарынан айырмашылығы қандай ?

3.Еліктеу сөздердің екі түрге бөлінуі неге байланысты ?

4.Еліктеу сөздердің етістікпен тіркесіп қолдануында қандай ерекшелік бар ?

5.Еліктеу сөздерден басқа сөз таптары қалай жасалады?


б) Жаңа сабақты түсіндіру :
Еліктеу сөздер мағынасы жағынан айналадағы әр түрлі дыбысқа және жеке қимылға,іс-әрекетке еліктеуді білдіруіне байланысты елітеуіш сөздер және бейнелеуіш сөздер болып екіге бөлінеді.

Табиғатта заттардың қозғалуы,бір-бірімен қақтығысуы,соғылуы сияқты алуан түрлі қимыл,амал әрекеттердің нәтижесінде әр түрлі дыбыстар пайда болады. Оларды біз құлақпен естиміз.Сол дыбысқа еліктеу арқылы пайда болған сөздер еліктеуіш сөздер деп аталады.



Мысалы : Боз,күрең,жирен,ала,шұбар. Өтеді ауыздығын қарш-қарш шайнап. Ырғалып қарға қарқ етті.

Еліктеуіш сөздер көмекші етістікпен (көбінесе көмекші етістігімен) тіркесіп жұмсалады

Мысалы : тырс етті, сарт етті, саңқ етті. Еліктеуіш сөздер қайталанып та,қосарланып та жұмсалады. Ондайда көмекші етістікпен тіркесіп,онымен бір қызметте немесе жеке тұрып қимылдың әрекетін білдіреді :

Мысалы : тарс-тұрс етті.
Тақтамен жұмыс : 299-жаттығу. Еліктеуіш сөздерді тауып,қандай сөздермен тіркесіп тұрғанын көрсетіңдер.
Топпен жұмыс : Бірнеше еліктеу сөздеріне сөйлем құрап жазыңдар.

Саңқ-саңқ, жарқ-жұрқ,жалт,селт, шып-шып, ербең-ербең.
Білімді бекіту : Оқушылардың түсінбеген сұрақтарына жауап беремін.
Бағалау : Оқушылардың жауаптарына қарай білімдері бағаланады.

Үйге тапсырма : 300-жаттығу. Еліктеуіш сөздердің қай сөзбен тіркесіп тұрғанын көрсетіңдер
6 – сынып Қазақ тілі

Сабақтың тақырыбы : Бейнелеуіш сөздер

Сабақтың мақсаты :

а) Оқушылардың ойын кеңейтіп,тілді байытатын мазмұнды дакөркем сөз үлгілері мол мақал-мәтелдер,нақыл сөздер үйрету.

ә) Оқушылардың оқулықпен жұмыс істеу дағдыларын жетілдіре отырып, логикалық ойын дамыту,оқу материалына сын көзбен қарап жолдастық көмекке қашанда әзір болу қасиетіне,ұллтық дәстүрді қастерлеуге үйрету.

б) Оқушыларды сауаттылыққа баулу

Сабақтың түрі : Аралас сабақ

Сабақтың әдісі : сұрақ-жауап

Сабақтың көрнекілігі : плакат,кеспе қағаздар

Халықтық педагогика нақыл сөздер

элементтерін қолдану :

Пәнаралық байланыс : әдебиет,тарих

Сабақтың барысы :
а) Ұйымдастыру кезеңі :

Оқушылармен амандасу,түгелдеу,оқу құралдарын тексеру,сыныптың тазалығына назар аудару. Оқушылардың зейінін сабаққа аудару.



ә) Үй тапсырмасын пысықтау :
Үйге берілген жаттығуды тексеремін. Оқушыларға кеспе қағаздарды үлестіріп, жауап талап етемін.
1.Еліктеу сөздердің мағыналық ерекшеліктері неде ?

2.Еліктеу сөздердің басқа сөз таптарынан айырмашылығы қандай ?

3.Еліктеу сөздердің екі түрге бөлінуі неге байланысты ?

4.Еліктеу сөздердің етістікпен тіркесіп қолдануында қандай ерекшелік бар ?

5.Еліктеу сөздерден басқа сөз таптары қалай жасалады ?

б) Жаңа сабақты түсіндіру:

Бейнелеуіш сөздер – табиғаттағы заттардың қозғалысын,күйін көру арқылы сипаттайтын,бейнелейтін сөздер. Мысалы : Аттылар бұрылып келіп,дөңгелене отырған жиынға жапыр-жұпыр сәлем берісіп амандасып қалды. Берілген мысалдардағы жапыр-жұпыр сөзі бірнеше адамның бірінен соң бірі рет сақталмай-ақ тез-тез сәлем беруін білдіріп тұр.

Бейнелеуіш сөздер көмекші етістікпен (көбінесе ет ) көмекші етістігімен тіркесіп жұмсалады.

Мысалы : жалп ете түсті,жалт қарады,қалт етті,ербең етті,құржаң қақты,сыпаң етіп шыға келді,тыржың етті.

Бейнелеуіш сөздер қайталанып,қосарланып,көмекші етістікпен тіркесіп жұмсалады. Мысалы : маң-маң басты,жалт-жұлт етті,далаң-далаң жүгірді,қызараң-қызараң етті.



Кітапен жұмыс : 302-жаттығу. Бейнелеуіш сөздерді тауып,олардың мағынасын және қай сөзбен тіркесіп тұрғанын көрсетіңдер.
Үлгі : шып-шып терлеп-жаппай терлеп,денеде кішкене тамшы-тамшы болып тұру.

Шығармашылық жұмыс : Мына бейнелеуіш сөздерді қатыстырып сөйлем құраңдар.
Селк,қалт,жалт,қызарң,қайқаң.

Білімді бекіту : 1.Еліктеу сөз дегеніміз не ? 2.Еліктеу мағынасына қарай нешеге бөлінеді ?

3.Еліктеу сөздер дегеніміз не ? 4.Бейнелеуіш сөздер дегеніміз не ?


Бағалау : Оқушылыарды білімдеріне қарай бағалаймын.

Үйге тапсырма : 306-жаттығу. Дене тәрбиесі сабағында жасалатын қимылдарды бейнелеуіш сөздермен беру арқылы әңгәме құраңдар
6 - сынып Қазақ тілі

Сабақтың тақырыбы : Негігі және туынды еліктеу сөздер

Сабақтың мақсаты :
а) Оқушылардың ойын кеңейтіп тілді байытатын мазмұнды да көркем сөз үлгілері көп мақал-мәтелдер,нақыл сөздер үйрету.

ә) Түрлі әдістерді пайдалана отырып балаларды тапқырлық, жылдамдық,есте сақтау қабілеттерін арттыру. Сөйлеу тілін жетілдіріп,шешендік өнерге баулу

б) Сымбатты,шымыр туған жердің табиғатын сүйе білетін, оған құрметпен қарай алатын көзқарасқа тәрбиелеу.

Сабақтың түрі : Дәстүрлі сабақ

Сабақтың әдісі : сұрақ-жауап

Сабақтың көрнекілігі : плакат,кітаптар

Халықтық педагогика нақыл сөздер

элементтерін қолдану :

Пәнаралық байланыс : әдебиет , тарих

Сабақтың барысы :

а) Ұйымдастыру кезеңі :

Оқушылармен амандасу, түгелдеу оқу құралдарын тексеру.Оқушылардың зейінін сабаққа аудару

ә) Үй тапсырмасын пысықтау :

Үйге берілген жаттығуды тексеремін

1.Еліктеу сөздердің мағыналық ерекшеліктері неде ?

2.Еліктеу сөздердің басқа сөз таптарынан айырмашылығы қандай ?

3. Еліктеу сөздердің екі түрге бөлінуі неге байланысты ?

4.Еліктеу сөздердің етістікпен тіркесіп қолдануында қандай ерекшеліктер бар ?

5.Еліктеу сөздерден басқа сөз таптары қалай жасалады ?


б) Жаңа сабақты түсіндіру :

Еліктеу сөздер құрамына қарай негізгі,туынды және күрделі болып келеді.


1.Негізгі елітеу сөздерге, әр түрлі дыбыстар мен қимыл, іс-әрекетке тікелей еліктеуден туған түбір сөздер жатады.

Мысалы : тарс,тырс,күрс,дін,жылт,жалт,топ,шіңк,морт,қарс,ырс.
2.. Туынды еліктеу сөздер негізгі түбір еліктеу сөздермен басқа да сөздерден –аң,-ең,-ың,-ің,-ң жұрнағы арқылы жасалады :

а) негізгі түбір еліктеу сөздерден жасалған туынды еліктеу сөздер : арс-аң,болп-аң,елп-ең, кілт-ің,сымп-ың т.б.

ә) етістіктерден жасалған туынды еліктеу сөздер : ағар-аң,былға-ң,домала-ң,иір-ең.
3.Күрделі еліктеу сөздер негізгі және туынды еліктеу сөздердің қайталануынан немесе қосарлануынан жасалады.

Мысалы : борт-борт, гүрс-гүрс, дүр-дүр,зырқ-зырқ,баж-бұж
Жаттығумен жұмыс : 307-жаттығу Еліктеу сөздерді тауып,құрамына қарай ажыратыңдар.
Шығармашылық жұмыс : Бейнелеуіш сөзднрі бар мақал-мәтелдер,жұмбақтар айтыңдар.
Жылт-жылт еткен,

Жылғадан кеткен.


Білімді бекіту : « шығамын білім шыңына» ойыны арқылы сабақтықорытындылаймын.
Бағалау : Оқушылардың жауаптарына қарай білімдері бағаланады.

Үйге тапсырма : 312-жаттығу. Көп нүктенің орнына төмендегі еліктеуіш сөздердің тиістісін қойып,көшіріп жазыңдар

6 - сынып Қазақ тілі

Сабақтың тақырыбы : Одағай

Одағай сөздер туралы түсінік

Сабақтың мақсаты :

а) Одағай туралы түсінік беру.Толық мағынасы жоқ,сөйлемде одағайлар басқа сөздермен грамматикалық байланысқа түспей,оқшау айтылатындығын түсіндіру. .

ә) Оқушылардың шығармашылықпен жұмыс істеуіне ықпал ету. Ойлау шеберлігін,сөйлеу мәдениетін арттыру.

б) Оқушылардың білімін бақылау арқылы сауаттылыққа баулу.

Сабақтың түрі : аралас сабақ

Сабақтың әдісі : сұрақ-жауап

Сабақтың көрнекілігі : плакат, кеспе қағаздар

Халықтық педагогика нақыл сөздер

элементтерін қолдану :

Пәнаралық байланыс : әдебиет

Сабақтың барысы :

а) Ұйымдастыру кезеңі:

Оқушылармен амандасу, түгелдеу,оқу құралдарын тексеру. Сыныптың тазалығына назар аудару

ә) Үй тапсырмасын пысықтауты :

Өткен тоқсандағы сабақтар бойынша оқушыларға бірнеше сұрақтар қоямын.

1.Еліктеу сөздердің мағыналық ерекшеліктері қандай ?

2.Еліктеу сөздердің басқа сөз таптарынан айырмашылығы қандай ?

3.Үстеудің мағыналық сипаты қандай ?

4.Үстеудің ерекшеліктері қандай ?

5.Не себепті көсемше етістіктің ерекше түрі деп аталады ?

6.Сабақты етістік пен салт етістіктің мағыналық ерекшеліктері неде ?

7.Етіс нені білдіреді ?

8.Етістің қандай түрлері бар және олар қалай жасалады ?

9.Етістік қандай сұрақтарға жауап береді ?



б) Жаңа сабақты түсіндіру :
Толық мағынасы жоқ,сондықтан затты,құбылысты,әрекетті нақты білдірмей,тек адамның әр түрлі күйін,сезімін білдіретін жан-жануарларға қаратылып айтылатын сөздер одағай сөздер деп атлады.

Одағай сөздер таңырқау,қуану,шаттану,ұнату,ренжу,түңілу,өкіну,шошыну,жекіру,күрсіну сияқты көңіл күйін білдіреді немесе жан-жануарларды,малды шақыру,күйін білдіредінемесе малды шақыру,қуу үшін қолданылады. Мысалы : Япырым – ау, қайда сол күндер ?! Қап барлық еңбектері далаға кетеді –ау! Аухау-аухау деп кешкі тымық даланы басына көтерді.

Берілген мысалдардағы япырым-ау, қап деген одағайлар армандауды,өкінгендікті білдіріп,тұрса,аухау-аухау деп сиырды шақыру үшін айтылады.

Одағай біріншіден лексикалық мағына болмайды. Екіншіден сөйлемде одағайлар басқа сөздермен грамматикалық байланысқа түспей,оқшау айтылады. Сондықтан одағай сөйлем мүшесі бола алиайды.


Жаттығумен жұмыс : 314-жаттығу. Одағайларды тауып, Қандай мағынада жұмсалып тұрғанын көрсетіңдер.
Үлгі : Әй-шақыру,назар аударту,бері қарату мәнінде жұмсалған.
Білімді бекіту : 1.Не себепті одағайлар сөйлем мүшесі бола алмайды ?

2. Одағай сөздер дегеніміз не ?


Бағалау : Оқушылардығ жауаптарына қарай білімдері бағаланады.

Үйге тапсырма : 315-жаттығу. Алақай,бәрекелді,әттең,құрау-құрау,қош-қош,пай-пай деген одағайларды кірістіріп сөйлем құраңдар


6 - сынып Қазақ тілі

Сабақтың тақырыбы : Одағайдың түрлері

Сабақтың мақсаты :

а) Одағайдың білдіретін мәніне қарай түрлері : көңіл-күй,жекіру,шақыру. Одағайдың емлесін түсіндіру

ә) Түрлі әдістерді пайдалана отырып балаларды тапқырлық, жылдамдық,есте сақтау қабілеттерін арттыру. Сөйлеу тілін жетілдіріп,шешендік өнерге баулу

б) Оқушылардың білімін бақылау арқылы дұрыс жаза білуге үйрету..

Сабақтың түрі : Аралас сабақ

Сабақтың әдісі : сұрақ-жауап

Сабақтың көрнекілігі : плакат,кітаптар

Халықтық педагогика мақал-мәтелдер

элементтерін қолдану :

Пәнаралық байланыс : әдебиет ,

Сабақтың барысы :

Каталог: uploads -> doc -> 058c
doc -> Сабақтың тақырыбы Бала Мәншүк ( Мәриям Хакімжанова) Сілтеме
doc -> Ана тілі №2. Тақырыбы: Кел, балалар, оқылық Мақсаты
doc -> Сабақ жоспары «Сәулет және дизайн» кафедрасының арнаулы пән оқытушысы, ҚР «Еуразиялық Дизайнерлер Одағының» мүшесі: Досжанова Галия Есенгелдиевна Пәні: Сурет және сұңғат өнері
doc -> Сабақ Сабақтың тақырыбы : Кіріспе Сабақтың мақсаты : «Алаштану» курсының мектеп бағдарламасында алатын орны, Алаш қозғалысы мен Алашорда үкіметі тарихының тарихнамасы мен дерекнамасына қысқаша шолу
doc -> Тәрбие сағаттың тақырыбы: Желтоқсан жаңғырығы
doc -> Сабақтың тақырыбы : Әбунасыр Әл- фараби Сабақтың мақсаты
doc -> Сабақ жоспары Тақырыбы: Үкілі Ыбырай Мектеп:№21ом мерзімі
058c -> Lesson study туралы ой-толғаныс
058c -> Сабақтың тақырыбы: Ақпаратты кодтау Сабақтың мақсат-міндеттері а білімділік
058c -> Сабақ Пәні Физика, 10 сынып, жаратылыстану математикалық бағыт. Панорамалық сабақ -сабақ интерактивтік тақтамен өткізілді


Достарыңызбен бөлісу:
1   2   3   4   5   6   7   8   9   ...   21




©engime.org 2024
әкімшілігінің қараңыз

    Басты бет