Сабақтың тақырбы: Қайталау. Сөйлем, дыбыс,әріп. Сабақтың мақсаты: Сөйлем, дыбыс,әріп туралы білімдерін еске түсіру, тиянақтау

Б) Мағынаны таныту. Жаттығулар мен тапсырмалар орындату:

199- жаттығу. Сөздік диктант. Кестемен жұмыс.

Оқылған сөздерді кесте бойынша топтастырып жазу:

Заттың атын білдіретін сөздер	Сынын	Санын	Қимылын
Тау,	Ұялшақ,	Он жеті,	Сөйлеу,

Тапсырма: Әр сөзге сұрақ қойып, айырмашылықтарын анықтау.

200-жаттығу. Ауызша талдау. Сөздерді оып, сөз мағынасын өзгертіп тұрған дыбысты ата:

ЖОЛ- ЖАЛ- ЖЫЛ- ЖЕЛ.

Қосымша тапсырма: Осы сөздердің соңындағы дауыссыз дыбыстарды өзгертіп бірнеше сөз жасап олардан сөйлем құрап жаз: Мысалы: жоқ, жаз, жыр, жең,.... .

201-жаттығу. Ауызша талдау. - Әр қатардағы сөздерді оқы.

- Мағыналарын салыстыр.

- Сөйлегенде, жазғанда бұл сөздерді бір-бірімен ауыстырып қолдануға болатынын немесе болмайтынын байқа.

5. Жаңа сабақтан түсінгендерін тексеру:

Жеке оқушымен жұмыс жүргізу.

6. Сабақты бекіту:

Танымдық тапсырма, топтық жұмыс. Берілген сөздердің дыбыстарын өзгертіп басқа сөздер жасап , оларды мағыналарына қарай топтастырып жаз:

1-топ 2-топ 3-топ

ЖҰМЫРТҚА КИГІЗЕДІ ЖҰДЫРЫҚТАЙ

Мысалы: ЖҮРЕК-жүр,ек,күрек, үркек,күре,.жек, кер,ер, кек.

Заттың атауы сыны қимылы

Күрек үркек күре

7. Үйге тапсырма: 202-жаттығу 68-бет

8. Бағалау.

Сабақ жоспары : Қазақ тілі. 4-сынып.

Сабақтың тақырыбы: Мәндес және қарсы мәндес сөздер.

Сабақтың мақсаты: Сөз мағыналарының мәндес және бір- біріне қарама-қарсы болатыны жайлы түсінік беру.

Жаттығулармен тапсырмалар орындату арқылы сөз мағыналары және олардың мәндес, қарсы мәндес болатыны жайлы алған білімдерін дамыту, сөздік қорлары мен сөйлеу мәдениеттерін қалыптастыру.

Адамгершілік, әдетілік тәрбиеге баулу.

Сабақтың түрі: Дәстүрлі

Сабақтың типі: Аралас

Әдіс-тәсілдері: Өзіндік жұмыс, ауызша талдау, жатқа жазу,шығ-қ тапсырма,

Көрнекілігі: Сызба, суреттер

Пәнаралық байланыс: Ана тілі

Сабақтың барысы: 1.Ұйымдастыру кезеңі: Оқушыларды сабаққа даярлау.Назарларын аудару.

2. Үй тапсырмасын тексеру:202-жаттығу

Дәптер бойынша және оқытып, ауызша тексеру.

3. Жаңа сабақты меңгерту:

А) Көркем жазу минуты: Іі

Жаңылтпашты көркем , сауатты түрде жатқа жаңылмай жазу:

Ізге түсті Ізмұрат,

Ізмұратты біз бірақ

Іздеп-іздеп таппадық,

Ізім-қайым қызық-ақ.

Ә) Сабақтың тақырыбы мен мақсатын хабарлау.

Б) Мағынаны таныту. 1. Ой қозғау! Венн диаграммасы бойынша сөздер ойлап жазу, салыстыру:

Мәндес сөздер Қарсы мәндес сөздер

2. Жаттығулар мен тапсырмалар орындату:

203-жаттығу. Өзіндік жұмыс. Сөйлемдерді оқып, қарамен жазылған сөздердің орнына мәндес сөздер қойып, сөйлемдерді көшіріп жаз. Сөздердің мағыналарының өзгерген- өзгермегенін байқа.

Мысалы: Асан шапшаң (тез, жылдам) қимылдайды, іске икемі де жақсы.

204-жаттығу. Ауызша талдау. – Сөйлемдерді түсініп оқы. Қарамен жазылған сөздердің мағынасын түсіндір: Қос, екеу ара, пар.

205-жаттығу. Ауызша талдау. Сөз жұптарын оқы, салыстыр. Олар қандай мағынада айтылған сөздер? Мысалмен дәлелде.

206-жаттығу. Мақалды жатқа жазу: Жомарт дос көбейтеді,

Сараң мал көбкйтеді.

Тапсырма: Қарсы мәндес сөзді тап, мағынасын түсіндір.

Мақалдың мағынасын талдау.
4.Жаңа сабақтан түсінгендерін тексеру:

Шығармашылық тапсырма: Бірнеше мәндес және қарсы мәндес сөздер тауып сөйлем құрап жаз.

Мысалы: Өжет, алғыр, жуас, аңқау,қу,жар, жүз, таныс, сайыс, оңай, қиын.

Жуас қу

Момын өтірікші

5. Сабақты бекіту:

208-жаттығу. Ауызша талдау. – Жұмбақты дауыстап оқыту;

- Шешуін табу;

- Қарсы мәндес сөздерді тауып қолданылу себебін түсіндіру;

6. Үйге тапсырма:

209-жаттығу 69-бет

7. Бағалау.

Сабақ жоспары: Қазақ тілі 4-сынып

Сабақтың тақырыбы: Сөздердің көп мағыналығы.

Сабақтың мақсаты: Көп мағыналы сөздерге – дыбысталуы бірдей, бірақ әртүрлі мағына беретін сөздерді жатқызуға болатынын сөз тіркестерін салыстыру арқылы түсіндіру.

Сөз мағынасы туралы алған білімдерін кеңейту, шыңдау және сөйлеу мәдениеті мен тіл байлықтарын дамыту.

Сауатты, көркем,таза жазуға үйретуде әдемілікке, әсемдікке баулу.

Сабақтың түрі: Дәстүрлі

Сабақтың типі: Аралас

Әдіс- тәсілдері: Ой қозғау, өзіндік жұмыс, диктант, ауызша талдау,терме диктант

Көрнекілігі: Сызба, үлестірмелі парақша

Пәнаралық байланыс: Ана тілі , дүниетану

Сабақтың барысы: 1.Ұйымдастыру кезеңі: Оқушыларды сабаққа даярлау, назарларын аудару.

2. Үй тапсырмасын тексеру: 209-жаттығу 69-бет

Дәптер бойынша және оқытып ауызша тексеру.

3. Өтілген материал бойынша білімдерін пысықтау, тексеру:

Танымдық тапсырма, топтық жұмыс. Берілген суретттер бойынша мәндес және қарсы мәндес сөздер жазу, сөйлем құрап айту.

1-топ 2-топ 3-топ

4. Жаңа сабақты түсіндіру кезеңі:

А) Көркем жазу минуты: ь ъ

Жіңішкелік және айыру белгісі бар сөздерден сөздік диктант алу:

Пальто, коньки, лагерь, фильм, съезд, разъезд, подъезд.

Ә) Сабақтың тақырыбы мен мақсатын хабарлау.

Б) Мағынаны таныту. Ой қозғау! Сызба бойынша «жаз» сөзін бірнеше мағынадағы баламасын табу:

Жазуды қатесіз ... . Дем алып бойыңды ... .

ЖАЗ

Шашыңның ұйысқанын ... . Плакатты ... ұста .

210-жаттығу. өзіндік жұмыс. Өлеңді көшіріп жазып, қарамен жазылған сөздердің астын сыз, мағыналарын түсіндір. Болам десең ұста, Байлық-нан,

Балғаны нық ұста. Сөзіме нан.

211-жаттығу. Диктант. Оқылған сөйлемдерді қатесіз жаздыру:

Қар қалың жауды. Айбар қалың киім киді. Есік ашық тұр. Гүлназдың мінезі ашық екен.

Тапсырма: - Көп мағыналы сөзді тауып, астын сызу.

Ол сөздерді басқа сөздермен тіркестіріп жазу. Мысалы:

Кітап жол

ҚАЛЫҢ шөп АШЫҚ күн

Жылқы аспан

212-жаттығу. Ауызша талдау. Екі бағандағы сөздерді салыстырып оқы, мағыналарындағы өзгешелікті түсіндір: киім жүз

үй ЖЫЛЫ сөз

қолғап шырай

жел қарсы алу

Қосымша тапсырма: «Жылы» сөзін әртүрлі мағынада қолданып үш сөйлем құрап жаздыру.

5. Жаңа сабақтан түсінгендерін тексеру:

Терме диктант. Оқылған мақал-мәтелдерден көп мағыналы сөздерді тауып жазып,оларды қатыстырып сөйлем құрап жазу. Су анасы – бұлақ, Ашу- дұшпан, ақыл- дос,

Сөз анасы – құлақ. Ақылыңа ақыл қос.

6. Сабақты бекіту:

213-жаттығу. Ауызша талдау. - Өлеңді оқыту

- Мазмұнын қара сөзбен әңгімелету.

- Қарамен жазылған сөздерді салыстырып, мағынасын түсіндіру.

( аппақ шашы , ақ тілеу, ақ пейіл).

- «Ақ» сөзін әртүрлі мағынада қолданып сөйлем құрастыру.

7. Үйге тапсырма: 214-жаттығу 71-бет

8. Бағалау.

Сабақ жоспары: Қазақ тілі. 4 –сынып.

Сабақтың тақырыбы: Тұрақты сөз тіркесі.

Сабақтың мақсаты: Бірнеше сөз тіркесіп бір ғана мағына беретін сөздерді тұрақты сөз тіркесі деп аталатынын жаттығулар мен тапсырмалар орындату арқылы түсіндіру.

Жаңа білім- білік дағдыларын,тіл байлықтарын,сөйлеу мәдениеттерін дамыту, өзбеттерінше жұмыстар істеуге дағдыландыру.

Имандылықжәне адамгершілікке тәрбиелеу.

Сабақтың түрі: Дәстүрлі

Сабақтың типі: Аралас

Әдіс-тәсілдері: Ауызша талдау, қосымша танымдық тапсырма, шығ-қ диктант, өзіндік жұмыс.

Көрнекілігі: тиісті сөздер жазбасы, плакат

Пәнаралық байланыс: Ана тілі

Сабақтың барысы: 1. Ұйымдастыру кезеңі: Оқушыларды сабаққа даярлау, назарларын аудару.

2. Үй тапсырмасын тексеру: 214-жаттығу 71-бет

Дәптер бойынша және оқытып, ауызша тексеру.

3. Жаңа білімді меңгерту:

А) Көркем жазу минуты: Ээ

«Э»дыбысынан басталатын тізбекті өлең жолдарын жатқа сауатты, көркем жазу:

Элеватор маңында,

Экскаватор тоқтады.

Эрик ағай тағы да,

Электрикті жоқтады.

Ә) Сабақтың тақырыбы мен мақсатын хабарлау.

Б) Мағынаны таныту. Жаттығулар мен тапсырмалар орындату:

215-жаттығу. Ауызша талдау. Екі бағандағы сөз тіркестерін оқып мағыналарын салыстырып, сұрақ қою арқылы өзгешелікті анықтау. Мысалы:

Шарды үрледі. (не істеді?-үрледі).................. Үріп ауызға салғандай (қандай?- әдемі, көрікті)

216-жаттығу. Ауызша талдау. Сөйлемдерді оқып, қарамен жазылған сөз тіркестерінің мағынасын ашу, түсіндіру.

Қосымша тапсырма: Ұшып тұрып, көз ілеспейді, желаяқ деген тұрақты сөз тіркестерін және сол сөздердің мағынасын беретін сөзді қатыстырып бірнеше сөйлем құрастырып жазу.

Мысалы: Қарт адам кіргенде бала ұшып тұрып амандасу керек. Қартадамға бірінші бала амандасу керек.

4. Жаңа сабақтан түсінгендерін тексеру:

Шығармашылық диктант. Көп нүктенің орнына тиісті сөз тіркестерін қойып жазу:

Аға ұрпақ соғыс жылдарында ... ... ... айқасты. Аса мейірімді, ... ... осы адам ойымда мәңгі қалыпты. Болат ... ... .... ... ... жүр. Мұрат ... ... .... ... өзгеріп қалыпты. ... ...-... қалаға жетіп барасың.

Тиісті тіркестер: әкесінің арқасында күн көру, жүрегі жұмсақ, қас пен көздің арасында, қасық қаны қалғанша, көзді ашып- жұмғанша.

Сұрақ қою арқылы сөз мағыналарына сай жеке сөздермен алмастырып айту.

5. Сабақты бекіту:

217-жаттығу. Өзіндік жұмыс. Сөйлемдерді оқып,қарамен жазылған тұрақты сөз тіркестерін жеке сөздермен алмастырып сөйлемдерді көшіріп жазу. Тиісті сөздер: шіміркпей, лезде, қараңғы.

Үлгі: Көзге түртсе көргісіз (қараңғы) түнде Айжан үйді қалай табар екен?

6. Үйге тапсырма: 218-жаттығу 72-бет

7.Бағалау.

Сабақ жоспары: Қазақ тілі. 4-сынып

Сабақтың тақырыбы: Күрделі көздер.

Сабақтың мақсаты: Екі немесе одан да көп түбірден жасалған сөздер күрделі сөздер деп аталатынын түсіндіру.

Жаңа тақырыпқа байланысты білім-білік дағдыны қалыптастыру, сөздік қорлары мен сөйлеу мәдениеттерін дамыту.

Сауатты, көркем жазуға үйрету арқылы эстетикалық тәрбиеге баулу.

Сабақтың түрі: Дәстүрлі

Сабақтың типі: Жаңа сабақ

Әдіс-тәсілдері: Ауызша талдау, сөздік диктант, өзіндік жұмыс, терме диктант, шығ-қ диктант

Көрнекілігі: Тірек сөздер, бор, тақта, диктант

Пәнаралық байланыс: Ана тілі, математика

Сабақтың барысы: 1. Ұйымдастыру кезеңі: Оқушыларды сабаққа даярлау, назарларын аудару.

2. Үй тапсырмасын тексеру: 218-жаттығу 72-бет.

Дәптер бойынша және оқытып ауызша тексеру.

3. Жаңа білімді меңгерту:

А) Көркем жазу минуты: Юю

Сөздік диктант: Юбка, Юля, юнкер, Юпитер, Юнга, Юрий, юбелей, юрист,юморист, аю,ою.

Ә) Сабақтың тақырыбы мен мақсатын хабарлау.

Б) Мағынаны таныту. Жаттығулар ме тапсырмалар орындату:

219-жаттығу. Ауызша талдау. Екі бағандағы сөздерді оқыту, сұрақ қою арқылы мағыналарын салыстыру: Ауыл,аймақ, отыз, қырық... Ауыл-аймақ, отыз-қырық...

Ережемен жұмыс: Ережені іштей түсініп оқу, жаттау, ереже дәптерге жазу.

220-жаттығу. Сөздік диктант. Оқылған сөздерді сауатты, көркем жаз:

Ақсақал, айбалта, баспасөз, тасбақа, жас ұлан, сары май, әке-шеше, көзбе-көз, мая-мая.

Тапсырма: Күрделі сөз аталу себебін түсіндір;

Мағынасын түсіндір;

Қалаған үш сөзді қатыстырып сөйлем құрап жаз;

4. Жаңа сабақтан түсінгендерін тексеру:

Терме диктант. Оқылған тіркескен сөздерден күрделі сөздерді теріп жаз:

Ағаш көпір, көк жасыл,үздік оқушы, он төрт, үш қой, тас жол, шұбар ала, бір апта, көк кептер, жылы жел.

Оқыта отырып тексеріп, күрделі сөздерге сөйлемдер құрату. ( ағаш көпір, он төрт, көк жасыл, тас жол, шұбар ала)

5. Сабақты бекіту:

225-жаттығу. Шығармашылық тапсырма.Күрделі сөздерді қатыстырып өздерің тұрған жердің қысқы тіршілігі туралы шығарма жаз;

Керекті сөздер:

6. Үйге тапсырма: 221, 224- жаттығулар 73-бет.

5. Бағалау.

Сабақ жоспары: Қазақ тілі. 4-сынып.

Сабақтың тақырыбы: Біріккен сөздер.

Сабақтың мақсаты: Біріккен сөздер екі түбірден жасалатын сөздер,олар бірігіп жазылатыны жайлы ұғым қалыптастыруға байланысты жаттығулар мен тапсырмалар орындату.

Алған білімдерін дамыту, шығармашылық қабілеттерін шыңдау , өз беттерінше жұмыстар жасауға дағдыландыру.

Сауатты, көркем жазуға үйрету арқылы эстетикалық тәрбие беру.

Сабақтың түрі: Дәстүрлі

Сабақтың типі: Аралас

Әдіс-тәсілдері: Ауызша талдау, терме диктант, өзіндік жұмыс, танымдық тапсырма.

Көрнекілігі: Тізбек сөздер, сызба.

Пәнаралық байланыс: Дүниетану

Сабақтың барысы: 1. Ұйымдастыру кезеңі: Оқушыларды сабаққа даярлау,назарларын аудару.

2. Үй тапсырмасын тексеру:

221-жаттығу. Ауызша талдау. Күрделі сөздерді оқы, жасалу жолдары менерекшеліктеріне қарай топтастырып айт:

Қосарлану Бірігу Тіркесу

224-жаттығу. Дәптер бойынша және оқытып ауызша талдап тексеру. Берілген сөздерді қатыстырып сөйлем құрап жаз: Ата қоныс, түйе құс, жолдас-жора.

3. Өтілген тақырыпты пысықтау:

Есте сақтау диктанты . Тақтаға жазылған сөздерді іштерінен оқып, естерінде сақтайды.Өшірілген соң дәптерге қатесіз жатқа жазады: Өнер табыс, өнер кәсіп, белбала , бес аспап, таңертең, сүйел шөп, ұлан-байтақ, ара-тұра, аласапыран.

Ережені жатқа сұрап пысықтау.

4. Жаңа сабақты меңгерту:

А) Көркем жазу минуты: Яя

Тізбек сөздерді сауатты, көркем жазу: Жая, мая, сая,

Аяз, пияз,сия.

Аяқ, таяқ, қия,

Шаян, қоян,ұя,

Бәрінде бар Я.

Ә) Сабақтың тақырыбы мен мақсатын хабарлау.

Б) Мағынаны таныту. Жаттығулар мен тапсырмалар орындату:

226-жаттығу. Ауызша талдау. Берілген сөздерді оқытып, сөз құрамына талдату арқылы неше түбірден құралғанын анықтау: Айнабұлақ, қосаяқ, Тескенсу, итмұрын, Алакөл, Талдықорған, Ботагөз, ...

Ережемен жұмыс: Ережені іштей түсініп оқыту, жаттау, ереже дәптерге жаздыру.

227- жаттығу. Терме диктант. Оқылған сөйлемдерден біріккен сөздерді тауып құрамындағы түбірлердің арасына қосу(+) белгісін қойып жаз: Қос-құдық, Қара+жол, Ақ+теңіз, көк+жиек, ақ+сақал, ақ+қу, Бір+жан, әлде+қалай.

228-жаттығу. Өзіндік жұмыс. Өлеңді көшіріп жазып, біріккен сөздерді тауып астын сыз. Қалай жасалғанын түсіндір: (Алатау, Тарбағатай, Бурабай, Баянауыл)

5. Жаңа сабақтан түсінгендерін тексеру :

Танымдық тапсырма. Берілген сөздердің алдына немесе артын сөз қойып біріккен сөз жасап жаз:

Халық... , кәсіп... , ара... , ...түстік , еңбек... , шикі... , ас... , бас... , көз, әр.

Үш сөзге сөйлем құрап жаз.

6. Сабақты бекіту:

230-жаттығу. Ауызша талдау. - Біріккен сөздерді оқыту;

- Сөздер құрамындағы сөздердің мағынасын түсіндіру;

Ережені пысықтап , жатқа сұрау.

7. Үйге тапсырма: 229- жаттығу 75-бет.

8. Бағалау.

Сабақтың тақырыбы: Біріккен сөздердің жазылуы.

Сабақтың мақсаты: Біріккен сөздердің құрамындағы сөздердегі қатаң, ұяң дауыссыздар және екі дауысты дыбыстың сақталуы мен бір дауысты дыбыстың түсіп қалуына байланысты жазылу ерекшеліктерін түсіндіру.

Жаңа білім-білік дағдыларын, есте сақтау қабілеттерін, ой-өрістерін дамыту.

Жаттығулар мен тапсырмалар мазмұнына орай елжандылық,экологиялық тәрбиеге баулу.

Сабақтың түрі: Дәстүрден тыс

Сабақтың типі: Жарыс сабақ

Әдіс-тәсілдері: Интер белсенді ( топтық тапсырма, жылы лебіз, Эссе жазу, ой қорыту, өзіндік ж. )

Көрнекілігі: Үлестірмелі парақшалар, сызбалар, кестелер.

Пәнаралық байланыс: Дүниетану, ана тілі

Сабақтың барысы: 1.Ұйымдастыру кезеңі: Оқушыларды сабаққа даярлау: топқа бөлу, сабақтың шарттары мен ережелерін құрастыру.

Зейіндерін аудару.

2. Үй таспырмасын тексеру: 229-жаттығу 75-бет

Топ жетекшілеріне дәптер бойынша тексерту.

Әр топ парақшаға сай біріккен сөздерді бөліп жазу:

1-топ 2-топ 3-топ 4-топ

АҢДАР ҚҰСТАР ЖӘНДІК БАЛЫҚ

3. Өтілген тақырыпты пысықтау:

Үлестірмел парақшалар бойынша топтық тапсырмалар беру.

Ережелерді пысықтап сұрап шығу.

4. Жаңа сабақты түсіндіру кезеңі:

А) Көркем жазу минуты: А а

1топ 2-топ 3-топ 4-топ

«А» «А» «А» «А»

Адам аттары Қала аттары Жеміс атттары Табиғаттағы атаулар

тауып, сауатты, көркем жазу.

Ә) Сабақтың тақырыбы мен мақсатын хабарлау.

Б) Мағынаны таныту. Жаттығулар мен тапсырмалар орындату:

231-жаттығу. Мәтінмен жұмыс.Эссе жазу: Әртоп шағын эссе жазып, өзара оқып, біріккен сөздерді тауып, жазылуы мен айтылуындағы айырмашылықтың бар –жоғын тауып, түсіндіреді.

1-топ 2-топ 3-топ 4-топ

Ережемен жұмыс: 1-топ 76-беттегі ережені оқып, талдап, түсіндіреді. Жаттап, ереже дәптерге жазу.

Өзіндік жұмыс:

1-топ 2-топ 3-топ 4-топ

232-жаттығу 233-жаттығу 234-жаттығу 235-жаттығу

3-топ 76-беттегі екінші ережені оқып, талдап, түсіндіреді. Ереже дәптерге жатқа жазу, есте сақтау.

Танымдық тапсырма:

1-топ 2-топ 3-топ 4-топ

1.Екі сөзден құралған кісі және жер-су аттарын жаз және әрқайсысына сөйлем құрап жаз;

2. Біріккен сөзден тұратын аң, құс, шөп аттарын ойлап жаз;

Ережемен жұмыс: 77-беттегі ережені оқу, жаттау, ереже дәптерге жатқа жаз

5. Жаңа сабақтан түсінгендерін тексеру:

Сызбамен жұмыс: Мысалдарды оқи отырып, қорындылау, ережені қайталау.

Біріккен сөздердің жасалуы.

1-топ 2-топ 3-топ

Жарғанат, Амангелді, Мырзахмет, Алдаркөсе, Қожанасыр Торыайғыр, Қызылауыз, Ырыскелді, Нұрқожа, Ақансері, Аружан, Бексұлтан,Айнұр Қараой, Сарыөзек.

Әбілқайыр, Қаламқас

6. Сабақты бекіту:

Сөздік диктант. Оқылған сөздерді мына топтар бойынша бөліп жаз: Амантекше, Ыстықкөл,Көксу, таутеке, қараторғай, сарыағаш, бозқараған, Қаратау, Ұлы тау,Қызылжар, Бурабай, Баянауыл, жаужапырақ, таусарымсақ, жезкиік, жолбарыс, Көктөбе, Байдәулет, Жанпейіс, Есенкелді.

Адам аттары: Тау аттары: Жер-су аттары: Аң- құс аттары: Өсімдіктер:

7. Үйге тапсырма: 239-жаттығу 77-бет

8. Бағалау.

Сабақ жоспары: Қазақ тілі 4-сынып

Сабақтың тақырыбы: Қос сөздер.

Сабақтың мақсаты: Екі сөз қосарланып жасалып, арасына дефис (-) қойылып жазылса – қос сөз деп аталатыны жайлы түсінік беру, күрделі сөздер бойынша жаңа ұғым қалыптастыру.

Сөздік қорларын, ой-өрістерін, есте сақтау және шығармашылық қабілеттерін дамыту.

Сауатты,көркем, таза жазуға үйретуде эстетикалық тәрбие беру.

Сабақтың түрі: Дәстүрлі

Сабақтың типі: Жаңа сабақ

Әдіс-тәсілдері: Түсіндіру, ауызша талдау, терме диктант, өзіндік жұмыс, деңгейлік тапсырма.

Көрнекілігі: Үлестірмелі парақшалар

Пәнаралық байланыс: Ана тілі

Сабақтың барысы: 1. Ұйымдастыру кезеңі: оқушылардың сабаққа даярлығын ұйымдастыру, назарларын аудару.

2. Үй тапсырмасын тексеру: 239-жаттығу

Дәптер бойынша және оқытып, ауызша талдап тексеру.

3. Өтілген тақырыпты пысықтау, түйіндеу:

Күрделі сөздер және біріккен сөздер туралы ережелерді жатқа айту, мысалдармен дәлелдеу.

4. Жаңа сабақты түсіндіру:

А) Көркем жазу минуты: Әә

«Ә» дыбысынан басталатын туыстық атауларды тауып сауатты, кқркем жазу:

Әже, әпке, әке,

Ә) Сабақтың тақырыбы мен мақсатын хабарлау.

Б) Мағынаны таныту. Жаттығулар мен тапсырмалар орындату:

240-жаттығу. Ауызша талдау. Өлнңді оқып, күрделі сөздерді тауып жасалу жолдарын, мағынасын түсіндір: Қора-қора қой жатыр,

Қарын-қарын май жатыр.

Түйе-түйе жүк жатыр,

Ауыл-ауыл ел жатыр.

241-жаттығу. Ауызша талдау. Екі бағандағы сөйлемдерді оқып қарамен жазылған сөздерді салыстыру

Ережемен жұмыс: 79-беттегі ережені оқу,жаттау, ереже дәптерге жатқа жазу.

242-жаттығу. Терме диктант. Оқылған сөйлемдерден қос сөздерді теріп жаз:

Тапсырма: Сыңарларын салыстыр; жасалу жолына мән бер.

5. Жаңа сабақтан түсінгендерін тексеру:

Үлестірмелі парақшалар бойынша жеке оқушылармен жұмыс.

6. Сабақты бекіту:

244-жаттығу. Өзіндік жұмыс. Қос сөздердің арасына дефис қойып сөйлемдерді көшіріп жаз.

7. Үйге тапсырма: 243-жаттығу 79-бет

8. Бағалау.

Сабақ жоспары: Қазақ тілі 4-сынып

Сабақтың тақырыбы: Қос сөздердің тыныс белгілері.

Сабақтың мақсаты: Жаттығулар мен тапсырмалар орындату арқылы қос сөздердің жазылуы мен емлесі туралы түсінік беру.

Күрделі сөздер жайлы алған білімдерін дамыту, өзбеттерінше жұмыс істеуге дағдыландыру.

Адамгершілік және әдептілікке тәрбиелеу.

Сабақтың түрі: Дәстүрлі

Сабақтың типі: Аралас

Әдіс-тәсілдері: Есте сақтау, терме диктанты, танымдық тапсырма, шығ-қ жұмыс, өзіндік жұмыс.

Көрнекілігі: Кеспелер

Пәнаралық байланыс: Ана тілі

Сабақтың барысы: 1. Ұйымдастыру кезеңі: Оқушыларды сабаққа даярлау. Назарларын аудару.

2. Үй тапсырмасын тексеру: 243-жаттығу

Дәптер бойынша және оқытып ауызша тексеру.

3. Жаңа сабақты түсіндіру:

А) Көркем жазу минуты: Бб

Тізбек сөздерден диктант алу: Бүгін Бекен, Берік, Биғайша, Бану, Балым, Болат бәріміз балалар бақшасына барып, бүлдіршін балдырғандарға бауырсақ, бүлдірген бердік.Бақшада бізден басқа беларус, башқұрт балалары болды. Біз бәріміз бірге биледік.

Ә) Сабақтың тақырыбы мен мақсатын хабарлау.

Б) Мағынаны таныту. Жаттығулар мен тапсырмалар орындату:

245-жаттығу. Есте сақтау диктанты: Өлеңді жатқа жаз:

Тапсырма: Қос сөздерді таупы сұрақ қой, астын сыз.

246-жаттығу. Өзіндік жұмыс. Қарамен жазылған сөздерді қос сөздерге айналдырып , сөйлемдерді көшіріп жаз:

247-жаттығу. Терме диктант. Оқылған сөйлемдерден қос сөздерді теріп жаз, сөз құрамын талда.

4. Жаңа сабақтан түсінгендерін тексеру:

Шығармашылық тапсырма: берілген сөздерден қос сөздер жасап, оларды қатыстырып сөйлем құрап жаз.

Кезек, рет, күте,сылдыр, талай,екі, тыныш, тарс, өзі, қызыл.

5. Сабақты бекіту:

249-жаттығу. Танымдық тапсырма: сөйлемдерді оқып қос сөздерді тап. Оларды қатыстырып басқа сөйлем құрап жаз. ( ар-ұят, ақтылы –көктілі, қалт-құлт, екеу-үшеуден, құлын-тай, жоғары –төмен, үйрек-қаз).

6. Үйге тапсырма:

250-жаттығу 81-бет

7. Бағалау.

Сабақ жоспары: Қазақ тілі. 4-сынып

Сабақтың тақырыбы: Қос сөздердің жасалуы.

Сабақтың мақсаты: Қос сөздер жасалу жолдарына қарай бірнеше түрге бөлінетіні жпйлы түсінік беру.

Қос сөздер туралы алған білім-білік дағдыны дамыту, тіл байлықтарын, шығарма-

шылық қабілеттерін дамыту.

Имандылыққа, адамгершілікке, елжандылыққа баулу.

Сабақтың түрі: Дәстүрлі

Сабақтың типі: Аралас

Әдіс-тәсілдері: Терме диктант, ауызша талдау, топтық жұмыс, өзіндік жұмыс, танымдық тапсырма.

Көрнекілігі: Сызба, кестелер.

Пәнаралық байланыс: Ана тілі

Сабақтың барысы: 1. Ұйымдастыру кезеңі: Оқушыларды сабаққа даярлау. Назарларын аудару.

2. Үй тапсырмасын тексеру:250-жаттығу 81-бет

Дәптер бойынша және оқытып, ауызша талдап тексеру.

3. Жаңа білімді меңгерту:

А) Көркем жазу минуты: Вв

Сөздік диктант: оқылған сөздерді сауатты, көркем таза жазу.

Вагон, вертолет, велосипед, вокзал, волга, Воронеж, Вадим.