Тыңдалым тапсырмасы. 1-тапсырма. Мәтінді мұқият тыңдап, детальды ақпараттарды анықтаңыздар. мәтін бойынша «Жедел тест» тапсырмасын орындау. https://www.youtube.com/watch?v=MugutAYHMxs 4.«Бурабай» көлі теңіз деңгейінен _____ биіктікте орналасқан. Бурабайда _____, _______,_______және «Жұмбақтас»бар.
3.Алакөл емдік шипажаймен танымал. Көлдің суы _____, ________, _________бай болғандықтан дертке шипа.
2.Іле Алатау 1996 жылы _____________, __________ мен _________________ қорғау мақсатындағы саябақ. Ең биік шыңы __________________________________ шоқысы.
1. Баянауыл» ұлттық табиғи саябағы. Ол ________________________________ орналасқан. Баянауыл көне заманнан қазақ халқының атамекені болып табылады. Мұнда ежелгі дәуірден сыр шертетін _________________ мүсіндері көп.
Тыңдалым мәтіні. Ақмола облысының солтүстігінде «Бурабай» ұлттық паркі орналасқандығы баршамызға мәлім. Бурабайдың тау-тасы да, көлі де, жазық даласы да ертегілер мен аңыздарға толы. Көкше жеріндегі Бурабайдың тамаша табиғаты, тылсым бейнесі – қарағайлы орманы, бір-бірінен көлдері арқылы бөлініп жатқан қатпарлы жартастары, биік құз басындағы тастары мен шыңдары небір бейнені көз алдыңа елестетеді. Қазақстан Республикасы Президенті Іс Басқармасының «Бурабай» мемлекеттік табиғи ұлттық паркі 2000 жылы тамызда құрылды. Бурабайдың әрбір қия тасына аңыздар негізінде және бейне ерекшелігіне қарай ат қойып отырған: Оқжетпес, Жұмбақтас. «Жұмбақтасты» бір қырынан қарасаң – бұрымды жас қызға балайсың, екінші қырынан қарасаң - орамал тартқан келіншекке балайсың, үшінші қырынан қарасаң – бетіне әжім түскен кемпірге балап таңқаласың. Бурабай көлдеріне Бурабай, Шортанды, Үлкен Шабақты, Кіші Шабақты, Қотыркөл жатады. Сонымен қатар, Сары-арқаның, Көкшетау тауларының аралығында бір-біріне жақын орналасқан ұсақ көлдер тобы бар. Олар суының тазалығымен ерекшеленеді.
