1.Оқушылармен амандасу. Мұғалім сыныпта жағымды ахуал орнату үшін «Қиял әлемі» тренингін ұйымдастырады;
2.Оқушыларды топқа бөлу. Сынып қыздар мен ұлдар топтарына бөлінеді. Әр топ өздерінің басшысын және топтың атауын таңдайды.
3.Тақырыпқа деген қызығушылықты ояту, проблемалық жағдаят тудыру. Қолайлы психологиялық климатты құру үшін оқушыларды «Досыңды сезін» ойынына шақырады. Оқушылар шеңберде тұр. Мұғалімдер әр ойыншыға кезек-кезек оның ішкі сезімін білдіретін іс-қимылдар жасауын сұрайды. Қалған оқушылар олардың көрсеткен қимылдарын қайталап, не сезінгенін айтады.
Оқушылардың назарын сабаққа аудару үшін өткен сабақтан қайталау сұрақтары қойылады:
1.Дағдарыстың негізі неде?
2.Инфлякция неге алып келеді?
Жұптасқан оқушылар сұрақтарды талқылайды, пікір алмасады. Мұғалім оқушылардың жауаптарын тыңдайды, оларды толықтырады. Жеке оқушылардың жауаптарына ауызша түрде пікірін айтады немесе түзетеді.
Мұғалім оқушылармен бірге сабақтың тақырыбын нақтылайды. Оқушылар оның мақсат, міндеттерін болжайды.
1.«Сұрақтарға жауап берейік» дағдысы. Жұптасып жұмыс істеу. «Сұрақтарға жауап беру» әдісін пайдаланып берілген сұрақтардың жауаптарын дайындаңыздар.
1.Бәсекелестік даму сипаты бойынша қалай бөлінеді?
2.Баға бәсекелестігі қалай пайда болады?
3.Бағалық емес бәсекелестік қалай жүргізіледі?
4.Жетілген бәсекелестік дегеніміз не?
5.Жетілмеген бәсекелестік дегеніміз не?
6.Қандай нарықтық құрылымдарда бағалық емес бәсекелестік қолданылады?
7.Бағалық емес бәсекелестіктің кең тарауының себебі неде?
2.«Ойланайық, талқылайық» дағдысы. Жұптасып жұмыс істеңіздер.
1.Тұтынушы үшін баға бәсекелестігінің мәні неде? Ойланыңыздар.
2.Неліктен функционалдық бәсеке маркетингтегі бәсекелестікті зерттеудің негізгі деңгейі болып есептеледі?
