Сабақтың тақырыбы: Құстардың көктемгі тіршілігі. Сабақтың мақсаты

Мақсатымыз – білім алу,

Міндетіміз – еңбектену.

Білімді боп топты жару,

Білікті боп өмірге ену.

2. Үй тапсырмасын сұрау.

Жабайы аңдардың көктемгі тіршілігі.

-Балалар, біз жабайы аңдардың көктемгі тіршілігімен таныс болдық. Осы аңдар қандай табиғатқа жатады?

-Тірі табиғатқа жатады.

- Тірі табиғатқа сонымен тағы да басқа нелер жатады? (Интерактивті тақта арқылы сызбаға түсіреді).

-Дұрыс айтасыңдар, олай болса біз бүгін «Құстардың көктемгі тіршілігімен» танысатын боламыз.

Табиғатта құстар болмаса, құстар түгел жойылып кетсе, өсімдіктердің күйі не болар еді?

1. 
   Сұрақтарға жауап беру.
   

- Біздің өлкеден ұшып кеткен құстар қалай аталады?

- Жыл құстары деп аталады?

- Олар қай кезде елімізге қайтып оралады?

Көктемде күн жерді жылытып, топырақ жібіп, жәндіктер оянады. Өсімдіктер өсіп, гүл ашады, ал олар жәндіктер үшін азық. Сондықтан жәндіктер күн сайын көбее береді. Жылы жақтан құстар қайтып оралады. Оларға жәндіктер, өсімдіктердің жемісі мен тұқымы жеткілікті азық болады.

Құстар жыл сайын ұя салады және ескілерін жөндейді. Ұяға жұмыртқа салып, жұмыртқадан балапан шығарады. Құстар балапандарын құрт, жәндіктермен қоректендіреді. Сөйтіп, олар көптеген зиянды жәндіктерді жояды.

- Құстардың ұясын неге бұзуға болмайды?

- Адамдар құстарға қандай қамқорлық жасайды?

- Құстарға ұя жасап береді.

Құстардың дауысы естіледі, ал оқушылар ол қай құс екенін айтады.

Құстарды өз ұяларына сәйкестендіріп, сызық арқылы орналастырады.

1. 
   «Ұсқынсыз үйрек» ертегісі еске түсіріледі:
   

• 
  Ұсқынсыз үйректі құстар қалай қарсы алды?
  
• 
  Үйректің түрі ұсқынсыз болғандықтан оны ешқандай құс маңына жолатпай қуды.
  
• 
  Ертегі қалай аяқталады?
  
• 
  «Үйрек» басынан қаншама қиындықтарды өткізіп, соңында керемет аққу құсқа айналады.
  

2. 
   Дәптерге ертегінің мазмұны бойынша сурет салғызу.
   

-Құстардың пайдасы қандай?

- Құстарды не үшін қорғау керек?

- «Құстар – біздің досымыз» деп неге айтамыз?