Сабақтың тақырыбы: Тақырыптық композиция «Қыс қызығы»

Сабақтың мақсаты:

затқа қарап сурет салу

графикалық материалдар.

Пәнаралық байланыс: Қазақ әдебиеті.

Сабақтың барысы:

Сабаққа жалпы дайындықтарын тексеру, оқушы назарын сабаққа аудару, сыныпта жоқ оқушыны белгілеу.

II.Өткен материалды қайталау:

Әңгімелесу: (әңгімелесу арқылы бүгінгі тақырыпты ашу )

Оқушылар қандай бейнелеу өнерінің түрлерін білесіңдер?

Кескіндеме,графика,мүсін,қолөнер,сәулет өнері.

Жарайды,енді бейнелеу өнерінің жанрларын атайық.

Пейзаж,портрет,натюрморт.

Мына суреттерде қандай жанрлар бейнеленген?

1-суретте портрет жанры. 2-суретте пейзаж.3-суретте натюрморт.

(Оқушылар жанр түрлерін ажыратады)

−Натютморт дегенді қалай түсінеміз? (мұғалім натюрморт туралы сұрайды)

−Натюрморт дегеніміз - өлі табиғатты,қозғалмайтын денелерді бейнелетін бейнелеу өнерінің жанры.

-Өте дұрыс.

III.Жаңа материалды меңгерту:

Пейзаж жанры -табиғат көрінісін бейнелеген көркем шығарма. Жылдың төрт мезгілі бар.Олар:қыс,күз,жаз,көктем. Біз бүгінгі сабағымызда қыс мезгіліне тоқталайық. Қыс қызықтарына не жетсін! Достарыңмен уақытты көңілді өткізген тамаша-ақ қой! Қар лақтырып ойнау, қар қамалын тұрғызу,шаңғы тебу, шанамен сырғанау, аққала соғу. Қысқы орман табиғаты,қысқы дала көріністері де алуан түрлі. Табиғат көрінісін бейнелеуде алыс, жақын, астында, үстінде, жанында ұғымдарын қалыптастыратын перспектива заңдылықтарын міндетті түрде білуіміз керек. Бірінші зат бізден неғұрлым алыс тұрса,ол соғұрлым кішкентай болып көрінеді.

«Перспектива» латынның тасадан көру деген сөзінен шыққан. Қазақша ұғымы «көрініс» дегенге келеді. «Перспектива» ұғымын дұрыс білмесек, алыстағы , жақындағы заттар бірдей салынған болып шығады. Сурет салу 3-кезеңге бөлінеді.

Оқушылар табиғат көріністерін бейнелеуде алуан құбылыстарды бақылауға дағдыланды. Әсіресе бастауыш сыныпта дүниетану пәнінен алыған білімдерін табиғат көрінісін бейнелеу барысында одан әрі жетілдіре түседі.

Табиғат көрінісін бейнелеудегі негізгі мақсат-кеңістіктегі сұлу табиғатты көзбен көріп, көңілмен қабылдаған көріністерін суретке салу.

Оқушылар табиғат көрінісін бейнелеуден бұрын оны бақылап көруге үйренеді. Табиғаттың әр алуан құбылыстарын менгңруге дағдыланады. Соның әсерінен табиғат көрінісін сәтті бейнелеуге үйренеді.

Табиғат құбылысы үнемі өзгерісте болғандықтан жылдам сурет салуға жаттыққан орынды. Табиғат көрінісін қас-қағым сәтте орындау «этюд» деп аталады. Этюд жазу барысында оқушы табиғат көрінісінен алған алғашқы әсерін сәтті бейнелеуге тырысады.

Этюд орындау үш топқа бөлінеді:

Табиғат көрінісін қағаз бетіне қарындашпен ықшамды етіп сызып белгілеу:

Табиғат көрінісіндегі сюжеттік көріністің құрылымын дұрыс орналастыру;

Түстік бояу шешімін табу.

Табиғат көрінісін бейнелеуде түстік бояу құрылымын қарастыруда шартты түрде екі буынға бөлуге болады.

Біріншіден, табиғат көрінісін бейнелеуде жылы және суық түстердің арақатынастарының басты ерекшелігін таба білу.

Екіншіден, табиғат көрінісіне байланысты құраушы бояулар тобын таңдап алу

Сергіту сәті

Оқушылардың сабаққа белсенділігін арттыру мақсатында орындалады. Түстердің пайда болуына байланысты оқушылар көз және дене жаттығуларын орындайды.

•«Қыс қызығы» тақырыбына суреттердің бірнеше нұсқасы қойылады. (затқа қарап сурет салу)

Сурет салудың кезеңдері айтылады.

• Қағазға орналастыру заңдылықтары түсіндіріледі.

Қағазда суреттің үйлесімділік шартын жоғалтпау. Қойылған заттарды салу симметрия сызығын сызудан басталады.

Заттардың жазықтағы бейнесін дұрыс құрай білу, құрылысын жіктеу, кейбір бөлшектеріне дейін анықтау.

Тепе-теңдікті сақтай отырып, зат көлемін толық бейнелеу. Әр заттың түсіне сәйкістендіріп жарық көлеңкесін ажыратып бояймыз.

Ойын: «Жаңа пішіндер»

Топ мүшелеріне әртүрлі пішіндер таратылып беріледі. Қолдарындағы пішін неге ұқсайды бейнені тақтаға 2-3 минутта құрастырып болуы шарт (қарбыз, доп, аққала-дөңгелек, сандық, кітап, теледидар-төртбұрыш, баскиім, шырша – үшбұрыш т.б)

Сурет салынған плакаттарды қорғау( постер)

V. Бекіту. ( Оқушылармен өзіндік жұмыс): Кескіндеме пәні сабағына байланысты тест алынады.

Тест үлгілері:

1. Балама жауаптары бар тест

2. Таңдамалы тест

3. Толықтыруды қажет ететін тест.

I Балама жауаптары бар тест.

1 Негізгі түстер - үшеу

а) иә б) жоқ

2. Акварель - суда еритін мөлдір бояу

а) иә б) жоқ

3. Белгілі көңіл күйді беретін бірнеше түстер жиынтығы түстер гаммасы

а) иә б) жоқ

II Таңдамалы тест

1. Түстер шеңберінде бір - біріне қатар орналасқан бояу түстері

а) қарама - қарсы түстер

ә) қосымша түстер

б) жақын түстер

2. Бояу араластыратын тақта

а) пастель

ә) палитра

б) нобай

а) ожау

б) торсық

III Толықтыруды қажет ететін тест

1. Бейнелеу өнерінде жансыз заттар мен бұйымдарды бейнелейтін көркем шығарманы.................................................. дейміз

2. Түс және бояумын алуан тәсілдер қолданылатын бейнелеу өнерінің түрін............................................................... дейміз

3. Дайындық суреттері.................................... деп аталады.

Тест сұрақтарының дұрыс жауаптары

Балама жауаптары бар тест

1. а)

2. а)

Таңдамалы тест

1. б)

2. ә)

Толықтыруды қажет ететін тест

1. Натюрморт

2. Живопись

3. Нобай

VI. Қорытындылау.

Жаңа сабақты қорыта келе біз Пейзаж. Қыс көрінісі туралы және салыну жолдарымен таныстық. Өтілген сабаққа қорытынды сұрақ жауап арқылы жүргізіледі.

Білемін

Білгім келеді

Кескіндеме өнері жайлы.Пейзаж деген не екендігін.Қыс мезгілінің қызықтарын.

Пейзаж «Қыс көрінісін» кезең бойынша жазықтық бетінде бейнелеуді немесе суреттеуді.Әр түрлі түстерді пайдалануды.

Жыл мезгілдерінің басқа техникамен салыну жолдарын.

VII .Үйге тапсырма:«Қыс қызығы» тақырыбына суреттерін аяқтау.